-->

kazhchapadu

മഴയെ പ്രണയിച്ചവൾ (കവിത: ശ്രുതി കെ.എസ്)

Published

on

കുഞ്ഞുടുപ്പിൽ
മഴയിലേക്ക്
ഇറങ്ങിയോടിയവളെ
പനി പിടിക്കുമെന്ന് ശകാരിച്ചു.
അച്ഛൻ വാങ്ങികൊടുത്ത
കുഞ്ഞിക്കുടയിൽ
മഴയിലിറങ്ങിയപ്പോഴും
അസുഖം വരുമെന്നും
വഴുതി വീഴുമെന്നും
പറഞ്ഞടക്കിപ്പിടിച്ചു.

മഴ നനയാൻ കൊതിച്ചവൾ
ജനലരികിലൂടെത്തുന്ന
കാറ്റിനോട് കൊതി പറഞ്ഞു.
ആരും കാണാതെയവ
മഴത്തുള്ളികളെ അവൾക്ക് നേരെ
കുടഞ്ഞെറിഞ്ഞു.

ഉണക്കാനിട്ട തുണി,
വിരിച്ച നെല്ല്,
അടയ്ക്ക,
മുളക്...
മഴയിലേക്കിറങ്ങിയോടാൻ
സൂത്ര പകർച്ചകൾ.
കുടയില്ലാതെ മഴയിൽ!
കാണുന്നവർക്കെന്ത്
തോന്നുമെന്നുഗ്രശാസനം
വീണ്ടും വിലക്കുകൾ..!

എന്നിട്ടും,
മഴയോടുള്ള അടങ്ങാത്ത
പ്രണയം കൊണ്ടാണ്
കണ്ണിൽ പെയ്ത
തോരാമഴകൾ പലപ്പോഴും
തളംകെട്ടി നിർത്തിയത്.

കലങ്ങി നീലിച്ച കണ്ണുകൾക്കും,
ചോര കക്കിയ മൂക്കിനും
മഴയെ പഴിച്ചില്ല.
തേങ്ങലുകൾ
മഴച്ചാറ്റലിലൊളിച്ചു.
രക്തം വാർന്നൊഴുകുമ്പോൾ
രാത്രിമഴ നിശബ്ദമായിരുന്നു...
മണ്ണിന്റെ ഗന്ധം കൊണ്ട്
മാംസം കരിയുന്ന മണത്തെ
പുതുമഴ മുക്കികളഞ്ഞു...
അലമുറകളെ മഴയിരമ്പൽ
കൊണ്ട് പോയി...

പുലർച്ചെ ഉമ്മറപ്പടിയിൽ,
ഒച്ചയില്ലാതെ മഴത്തുള്ളികൾ
അവൾക്ക് മേൽ വീണുകൊണ്ടിരുന്നു.
എന്നത്തേയും പോലെ
പ്രണയിനിയായവൾ മഴയിലുതിർന്നു.
വെളുക്കുവോളം
മഴ കൊണ്ടതാണത്രേ
ശരീരമാകെ ചീർത്തു പോയത്.
പെയ്യാൻ വെമ്പിയൊരു മഴക്കാറ്
ശ്വാസം കിട്ടാതെ അവിടമാകെ
നട്ടം തിരിഞ്ഞു.
പെയ്യാതെ പോയ പെരുമഴ..!

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

കസേര (ജോമോൻ ജോസ്,  ഇ-മലയാളി  കഥാമത്സരം 10)

നിറം (കമാൽ കാരാത്തോട് - ഇ-മലയാളി  കഥാമത്സരം - 9)

ജന്മാന്തരം (രമേശ് ബാബു - ഇ-മലയാളി  കഥാമത്സരം 8)

പടിവാതിലിറങ്ങുമ്പോൾ (അജയ് നാരായണൻ, ഇ-മലയാളി  കഥാമത്സരം 7)

കരയുന്ന കാൽപനികതകൾ (ഉദയനാരായണൻ - ഇ-മലയാളി കഥാമത്സരം 6)

ജീവിതത്തിന്റെ നിറങ്ങൾ (ആദർശ് പി സതീഷ്, ഇ-മലയാളി കഥാമത്സരം 5)

ശവമടക്ക്കളി (ഗോകുൽ രാജ് - ഇ-മലയാളി കഥാമത്സരം 4)

തെക്കോട്ടുള്ള വണ്ടി (കൃഷ്ണകുമാര്‍ മാപ്രാണം -ഇ-മലയാളി കഥാമത്സരം 3)

നിധി (ദീപാ പാർവതി-ഇ-മലയാളി  കഥാമത്സരം 2)

ഇ-മലയാളി കഥാ-മത്സരം, വായനക്കാരുടെ ശ്രദ്ധക്ക്

നിറങ്ങളുടെ ലോകം (സാബു ഹരിഹരൻ, ഇ-മലയാളി  കഥാമത്സരം-1)

വനാന്തരങ്ങളില്‍ ആദ്യവര്‍ഷം പെയ്യുമ്പോള്‍ (ജിസ പ്രമോദ്)

എന്റെ സൂര്യതേജസ്സേ പ്രണാമം !! (എല്‍സി യോഹന്നാന്‍ ശങ്കരത്തില്‍, ന്യൂയോര്‍ക്ക്)

ഒരത്ഭുത ജനനവും ഉയര്‍ത്തെഴുന്നേല്പും (നോയമ്പ്കാല രചന-ഗദ്യകവിത: വാസുദേവ് പുളിക്കല്‍)

വാല്‍മീകിയുടെ മുഖ്യപ്രസംഗം (നര്‍മ്മകഥ: നൈന മണ്ണഞ്ചേരി)

ഓർമ്മയുടെ അങ്ങേ അറ്റം (ജ്യോതി അനൂപ്)

ദിവ്യകാരുണ്യരാത്രി - കവിത ഫാ. ജോണ്‍സ്റ്റി തച്ചാറ

പിറന്നാളാഘോഷം (ചെറുകഥ: സാംജീവ്)

തെക്കുവടക്ക്(കഥ: ശങ്കരനാരായണന്‍ മലപ്പുറം)

സെന്‍മഷിനോട്ടം (കവിത: വേണുനമ്പ്യാര്‍)

ചിത്രത്തിലില്ലാത്തവരോടൊപ്പം ( ദിനസരി -31: ഡോ. സ്വപ്ന സി. കോമ്പാത്ത്)

നിറഭേദങ്ങൾ (രാജൻ കിണറ്റിങ്കര)

ഓൺലൈൻ ക്ലാസ്സ്‌ (കവിത: ഡോ.സുകേഷ്)

ആരാൻ ;സിനിമകളെ വെല്ലുന്ന സസ്പെൻസ് ത്രില്ലർ കഥകൾ (സന്തോഷ് ഇലന്തൂർ)

ബൃഹന്ദളം (കഥ: ഗീത നെന്മിനി)

മറവി എത്തുമ്പോൾ .....(കവിത: അശോക് കുമാർ .കെ)

ഉപ്പുമാവ് (കവിത: ചന്ദ്രതാര)

ചില്ലക്ഷരങ്ങൾ (കവിത: ലിജോ ജോസഫ്)

റോബോട്ട് ഹസ് ബന്റ് (നർമ്മകഥ: നൈന മണ്ണഞ്ചേരി)

ബാല്യകാല സുഹൃത്തിനെതേടി ....(ഗിരിജ ഉദയൻ)

View More