തിരുവനന്തപുരം: എല്ഡിഎഫിലെ പുതിയ കക്ഷികള്ക്ക് സിപിഎം കൂടുതല് സീറ്റുകള് വിട്ടു നല്കും. ഘടകക്ഷികളില് നിന്ന് കൂടുതല് സീറ്റ് ഏറ്റെടുക്കേണ്ടതില്ലെന്നും തീരുമാനമായി. സിപിഎം സംസ്ഥാന സെക്രട്ടറിയേറ്റിലാണ് ഇത് സംബന്ധിച്ച് ധാരണ. മാര്ച്ച് ഒന്നാം തിയതി മുതല് സ്ഥാനാര്ഥി നിര്ണയം സംബന്ധിച്ച കാര്യങ്ങള് ചര്ച്ചയാകും. 4,5 തിയതികളിലായി സംസ്ഥാന കമ്മിറ്റി ചേരും. പത്താം തീയ്യതിക്കുള്ളില് സ്ഥാനാര്ഥികളെ സംബന്ധിച്ച് ഏകദേശ ധാരണയുണ്ടാക്കണമെന്ന തീരുമാനത്തിലാണ് സംസ്ഥാന സെക്രട്ടറിയേറ്റ് പിരിഞ്ഞിരിക്കുന്നത്.