ലഖ്​നോ: അയോധ്യ രാമക്ഷേത്ര നിര്‍മാണ ധനസമാഹരണം കാമ്ബയിന്‍ അവസാനിപ്പിച്ചു. 2000 കോടിയിലധികം രൂപ പിരിഞ്ഞുകിട്ടി​െയന്നാണ്​ വിവരം.

സംഭാവന ലഭിച്ച തുക മുഴുവന്‍ ബാങ്കില്‍ നിക്ഷേപിച്ചതായും പിരിഞ്ഞുകിട്ടിയ തുക മുഴുവന്‍ എണ്ണിത്തിട്ടപ്പെടുത്തിയിട്ടില്ലെന്നും അധികൃതര്‍ പറഞ്ഞു.

സാംസ്​കാരിക-രാഷ്​ട്രീയ രംഗത്തെ പ്രമുഖര്‍ രാമക്ഷേത്രത്തിന്​ സംഭാവനയുമായി എത്തിയിരുന്നു. ഡിസംബറിലാണ്​ രാമക്ഷേത്രത്തിന്​ സംഭാവന പിരിക്കാന്‍​ 44 ദിവസത്തെ കാമ്ബയിന്‍ ആരംഭിക്കുന്നത്​. 55 കോടി പേരില്‍നിന്ന്​ സംഭാവന പിരിക്കാനായിരുന്നു നീക്കം. കോണ്‍​ഗ്രസ്​, ഡി.എം.കെ നേതാക്കള്‍ അടക്കം രാമക്ഷേത്രത്തിന്​ സംഭാവന നല്‍കിയത്​ വിവാദമായിരുന്നു.

നേരത്തേ രാമക്ഷേത്രത്തിന്​ വെള്ളിശിലകള്‍ സംഭാവനയായി നല്‍കരുതെന്ന്​ അഭ്യര്‍ഥിച്ച്‌​ ശ്രീറാം ജന്മഭൂമി തീര്‍ഥ ട്രസ്​റ്റ്​ അംഗങ്ങള്‍ രംഗത്തെത്തിയിരുന്നു. ബാങ്ക്​ ലോക്കറുകളില്‍ സൂക്ഷിക്കാന്‍ സ്​ഥലമില്ലാത്തതിനാലായിരുന്നു അഭ്യര്‍ഥന.

രാമക്ഷേത്രത്തിന്​ 1100 കോടി രൂപയോളം ചിലവാകുമെന്നായിരുന്നു കണക്കുകൂട്ടല്‍. മൂന്നരവര്‍ഷത്തിനകം നിര്‍മാണം പൂര്‍ത്തിയാക്കാനാണ്​ ശ്രമം.