Image

വിഷുപ്പുലരി(കവിത: ദീപ ബിബീഷ് നായര്‍ (അമ്മു))

ദീപ ബിബീഷ് നായര്‍ (അമ്മു) Published on 03 April, 2021
വിഷുപ്പുലരി(കവിത: ദീപ ബിബീഷ് നായര്‍ (അമ്മു))
മേടമാസപ്പുലരി പിറന്നു
മീനച്ചൂടും കാറ്റിലലിഞ്ഞു
ഇടവപ്പാതിയിലൊരു കാര്‍കൂന്തല്‍
വിണ്ണില്‍ നിന്നൊളികണ്ണിട്ടു...

പീതാംബരം ചുറ്റിനിന്നു
കൊന്നപ്പൂത്തൊങ്ങലുകള്‍
പാരാകെ സമൃദ്ധിയേകാന്‍
കണിവെള്ളരി കായ്ച്ചുനിന്നു.....

പറന്നണഞ്ഞു വിഷുപ്പക്ഷി
പാടിയല്ലോ വയലേലകളില്‍
പുതുമയേകും കാഴ്ചയേകി
പൂമരങ്ങള്‍ പൂത്തു നിന്നു....

നാമ്പിടുന്നു നവമുകുളങ്ങള്‍
പുതുമഴയാം കൈനീട്ടങ്ങള്‍
ആഗതമായി വിഷുപ്പുലരി
കേരനാട്ടിനുത്സവമല്ലോ.......

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക