-->

news-updates

വൈറസ് അഴിഞ്ഞു നടന്ന തിരഞ്ഞെടുപ്പുകാലം: ആൻസി സാജൻ

Published

on

തിരഞ്ഞെടുപ്പ് മാമാങ്കം അവസാനിച്ചു. വോട്ടുകളെല്ലാം വോട്ടിംഗ് യന്ത്രങ്ങളിലായി. യന്ത്രങ്ങളെല്ലാം മെയ് 2 വരെ കേന്ദ്രസേനയുടെ കസ്റ്റഡിയിലുമായി. കാല് വെന്ത് നടന്നും ഓടിയും തൊണ്ട പൊട്ടി പ്രസംഗിച്ചുമൊക്കെ പ്രചരണത്തിനിറങ്ങിയവർക്കെല്ലാം ശാന്തിയും സാമാധാനവും കൈവന്നു. ഫലമെന്തുമാവട്ടെ അടുത്ത മാസം രണ്ടാം തീയതി വരെ വിശ്രമിക്കാമല്ലോ....?
മധ്യകേരളം പതിവു പോലെ ഉഷാറായി വോട്ടുചെയ്തെന്ന് റിപ്പോർട്ടുകൾ പറയുന്നു. തീരദേശം കുറച്ച് ഉൾവലിഞ്ഞത്രെ. തൃശൂർ കോട്ടയം ഇടുക്കി ജില്ലകളിൽ വോട്ടുചെയ്യാൻ ജനം ഒഴുകിയെത്തി എന്നാണ് പറയുന്നത്. കൊച്ചിയിലും എറണാകുളത്തും തൃപ്പൂണിത്തുറയിലുമൊക്കെ പോളിങ് ശതമാനം കുറഞ്ഞിരിക്കുന്നു. 20-20 മൽസരിച്ച കുന്നത്തു നാട്ടിൽ വലിയ തോതിൽ വോട്ടിംഗ് നടന്നു. 80.99 ശതമാനം. ഫലത്തിൽ അത് കാണുമായിരിക്കും.
ഏതായാലും തിരഞ്ഞെടുപ്പുൽസവം കഴിഞ്ഞിരിക്കുന്നു. ദേവഗണങ്ങളും വിവിധ ആരാധനാ മൂർത്തികളും  സർക്കാരിനൊപ്പമെന്ന ആത്മവിശ്വാസമാണ് മുഖ്യമന്ത്രി പിണറായി വിജയന് . അയ്യപ്പശാപം കാത്തിരിക്കുന്നുവെന്ന് പ്രതിപക്ഷവും . ദൈവത്തിനും മറ്റ് മൂർത്തികൾക്കും വോട്ടില്ലാത്തത് ഭാഗ്യം.
ഇന്നലെവരെ ഓർമ്മപ്പെടുത്താൻ ഏവരും മടിച്ച കൊറോണ പ്രശ്നം ഇന്ന് രാവിലെ മുതൽ സജീവമായ ചർച്ചയാകുന്നു. വൈറസിന്റെ രണ്ടാം ഘട്ടമെത്തുന്നു , ഇന്ത്യയിൽ ഒരു ലക്ഷം പേർ ദിവസേന രോഗികളാകുന്നു എന്നൊക്കെ കണക്കുകൾ ചേർത്ത് പറയുന്നുണ്ട് മാധ്യമലോകം. ഭരണപക്ഷത്തിനും പ്രതിപക്ഷത്തിനും പ്രചരണ സമയത്ത് കോവിഡൊന്നും വലിയ പ്രശ്നമേയല്ലായിരുന്നു. മാധ്യമങ്ങൾക്കും. ഇന്നു മുതൽ സജീവ ഇടപെടലാണ്. ആരംഭകാലത്തെപ്പോലെ ജാഗ്രത വേണം എന്നൊക്കെ നിരന്തരം ഓർമ്മിപ്പെടുത്തുന്നു.
തിരഞ്ഞെടുപ്പ് കമ്മീഷന്റെ വേറിട്ട അധികാരം വെളിപ്പെട്ട തിരഞ്ഞെടുപ്പാണ് നടന്നതെന്നും പറയാം. ഇരട്ട വോട്ടുകൾ തടയുന്നതിന് കർശന നടപടികളാണ് കമ്മീഷൻ കൈക്കൊണ്ടത്. ഉടുമ്പൻചോലയിൽ ആക്ഷേപങ്ങളും പരാതികളും ഉണ്ടായിട്ടുണ്ട്. തമിഴ്നാട് അതിർത്തിപ്രദേശമായതിനാൽ രണ്ടിടത്തും ഒരേ ദിവസം വോട്ടെടുപ്പ് നടക്കുമ്പോൾ സാഹസികമായി രണ്ട് സംസ്ഥാനങ്ങളിലും അവിടുള്ളവർ വോട്ട് ചെയ്യും എന്നത് കഥ പോലെ പറഞ്ഞു കേട്ടിട്ടുണ്ട്.
85 കഴിഞ്ഞ് വിശ്രമജീവിതം നയിക്കുന്ന ആളുകൾക്ക് വീട്ടിലിരുന്ന് നേരത്തെ തന്നെ വോട്ടവകാശം വിനിയോഗിക്കാനായതും അഭിനന്ദനമർഹിക്കുന്ന നടപടിയായി.
വോട്ടെടുപ്പ് സമയത്ത് തിരഞ്ഞെടുപ്പ് കമ്മീഷൻ പുലർത്തിയ ജാഗ്രതയും ശ്രദ്ധേയമായി. ബൂത്തിലേക്ക് കയറുമ്പോഴും ഇറങ്ങുമ്പോഴും സാനിറ്റെസർ ശുദ്ധീകരണം, ( പണ്ടത്തെ കല്യാണങ്ങൾക്ക് പനിനീർ തളിച്ച് സ്വീകരിക്കും പോലെ..) കയ്യുറകൾ , രാവിലെ 7 മണിമുതൽ വൈകിട്ട് ഏഴുമണിവരെ എണ്ണയിട്ട പോലെയുള്ള തിരഞ്ഞെടുപ്പ് യന്ത്രത്തിന്റെ പ്രവർത്തനം കുറ്റമറ്റതായി. രാത്രി വൈകി 10 മണി കഴിഞ്ഞിട്ടും ഉദ്യോഗസ്ഥരുടെ ജോലി അവസാനിച്ചില്ല.
ഇന്നലെ നടന്ന വോട്ടിംഗിൽ കൊറോണ പോസിറ്റീവായവർക്ക് പ്രത്യേക സമയത്ത് സുരക്ഷാ മുൻകരുതലുകളോടെ വോട്ടുചെയ്യാനായതും പ്രത്യേകമായി പറയേണ്ടതുണ്ട്.  എന്നാൽ കൊറോണ ബാധിതർ സാധാരണ സമയത്ത് മറ്റുള്ളവർക്കൊപ്പം നിന്ന് വോട്ട് ചെയ്ത് പോയിട്ടുണ്ടോ എന്ന സംശയവും ഉയർന്നുവരാം. പുറമേയ്ക്ക് ലക്ഷണങ്ങളൊന്നുമില്ലാതെ രോഗവിവരം പുറത്തറിയിക്കാതെയിരിക്കുന്നവർ വന്നിട്ടുണ്ടാവാനും സാധ്യതയുണ്ട്. അവർ എന്താണ് ചെയ്തിട്ടുള്ളതെന്ന് പിന്നീടാവും മനസിലാക്കുക.
എന്തായാലും നാം അത്യന്ത ജാഗ്രത വീണ്ടെടുക്കേണ്ടതുണ്ട്. അഴിഞ്ഞുനടന്ന വൈറസിനെ തിരികെക്കെട്ടാനുള്ള പരിശ്രമങ്ങളാണ് ഇനിയും വേണ്ടത്. ഭരണം വരും പോകും. ജീവനും ആരോഗ്യവും നിലനിർത്തേണ്ടത് നമ്മുടെ ആവശ്യമാണ്. ജാഗ്രതൈ !

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

ഡോ. ഡി. ബാബുപോൾ വിടവാങ്ങിയിട്ട് രണ്ടുവർഷം

ജെ & ജെ വാക്സിൻ സ്വീകരിച്ച് 3 ആഴ്ചയ്ക്ക് ശേഷം കോവിഡ് സ്ഥിരീകരിച്ചു

ലൗ ജിഹാദ് നടക്കുന്നു, തീവ്രവാദം തടയാന്‍ ഇന്ത്യ ഹിന്ദു രാഷ്ട്രമാക്കണം: വീണ്ടും വിവാദമുയര്‍ത്തി പി.സി. ജോര്‍ജ്

വിധിയുടെ നിഴൽ (ബിന്ദു ജോൺ മാലം - ഇ-മലയാളി കഥാമത്സരം 11)

ബഹിരാകാശ പദ്ധതിക്ക് സ്വകാര്യ പങ്കാളിത്തവും വരും: ഡോ.എസ്.സോമനാഥ് ഫോമ മുഖാമുഖത്തിൽ

സ്പുട്‌നിക്-5 വാക്‌സിന് അടിയന്തരാനുമതി ലഭിച്ചേക്കും

സുപ്രീം കോടതി ജഡ്ജിമാരുടെ എണ്ണം കൂട്ടുന്നത് പഠിക്കാൻ ബൈഡൻ കമ്മീഷനെ നിയമിച്ചു

മരണത്തിന് മുമ്പ് രതീഷിന് ആന്തരിക ക്ഷതം ഏറ്റതായി പോസ്റ്റ്മാര്‍ട്ടം റിപ്പോര്‍ട്ട്

യൂസഫലി സഞ്ചരിച്ച ഹെലികോപ്റ്റര്‍ കൊച്ചിയില്‍ ഇടിച്ചിറക്കി

വാക്‌സിന്‍ എടുത്തിട്ടും കോവിഡ്! അറിയേണ്ടതെല്ലാം

ദല്‍ഹിയില്‍ അതീവ ഗുരുതരമായ കോവിഡ് നാലാം തരംഗം ; ദിവസം 10,000ന് മുകളില്‍ കോവിഡ് കേസുകള്‍

അടുത്തയാഴ്ച ജോൺസൺ & ജോൺസൺ വാക്സിന്റെ വിതരണം 80 ശതമാനം കുറയും

തിരഞ്ഞെടുപ്പില്‍ ജയിച്ചത് സത്യത്തില്‍ കൊറോണ തന്നെ (മോന്‍സി കൊടുമണ്‍)

മന്ത്രിയായാൽ നമ്മുടെ ടീച്ചറമ്മയെപ്പോലെ

ലാലേട്ടൻ സംവിധായകനും നായകനുമാകുമ്പോൾ

അതിർത്തി കടന്നെത്തിയ 20,000 കുട്ടികൾക്ക് ബൈഡൻ ഭരണകൂടം സംരക്ഷണം ഒരുക്കുന്നു

ഇന്ത്യൻ അമേരിക്കൻ ദമ്പതികൾ മകന്റെ ചികിത്സയ്ക്കായി പോരാടുന്നു

സ്പീക്കര്‍ ശ്രീരാമകൃഷ്ണന്‍ ആത്മഹത്യയ്ക്ക് ശ്രമിച്ചുവെന്ന് കുപ്രചരണം; പേടിച്ചോടുന്ന ആളല്ല താനെന്ന് സ്പീക്കര്‍

ന്യൂജഴ്സിയില്‍ ഇന്ത്യന്‍ ദമ്പതികൾ കുത്തേറ്റ് മരിച്ചു; ബാല്‍ക്കണിയില്‍ കരച്ചിലോടെ നാലുവയസുകാരി മകള്‍

എൽ ഡി എഫ് സർക്കാർ ഭരണകാലഘട്ടവും; പ്രതിപക്ഷത്തിന്റെ ചെറുത്തു നിൽപ്പുകളും

മിസൂറിയിൽ ഇന്ത്യൻ എഞ്ചിനിയറെ വെടിവച്ച് കൊന്നു 

കമല ഹാരിസ് ബ്ലെയർ ഹൗസ് ഒഴിയുന്നു; ഇനി ഔദ്യോഗിക വസതിയിലേക്ക്  

യു.ഡി.എഫിന് ഇനി വേണ്ടത് ഒരു  ട്രാൻസിഷൻ സമിതി  (ഷെമീർ, ഹൂസ്റ്റൺ)

മഹാമാരിക്കാലത്തെ തെരഞ്ഞെടുപ്പ്; ചില കാഴ്ചകള്‍ (സൂരജ് കെ.ആർ)

ഇഎംസിസി ഡയറക്ടര്‍ ഷിജു വര്‍ഗീസിന്റെ കാര്‍ ആക്രമിക്കപ്പെട്ട നിലയില്‍

ഓരോ മുന്നണിക്കും എത്ര സീറ്റ് വീതം കിട്ടും? നിങ്ങളുടെ പ്രവചനം എങ്ങനെ?

കണ്ടറിയാം കേരളത്തിന്റെ രാഷ്ട്രീയ ഭാവി (അനിൽ പെണ്ണുക്കര)

തെരഞ്ഞെടുപ്പ് ദിനത്തില്‍ ശബരിമല വിഷയമാക്കി നേതാക്കള്‍ (സനൂബ് ശശിധരന്‍)

ശബരിമല, ആഴക്കടല്‍, കോ-ലി-ബി... പ്രചാരണ ചൂടിലെ വിവാദങ്ങള്‍.(സനൂബ് ശശിധരന്‍)..

കഴക്കൂട്ടം ഒരു പരീക്ഷണശാല (സി.കെ.വിശ്വനാഥൻ)

View More