ഡാലസ് ഫാര്മേഴ്സ് ബ്രാഞ്ച് യുവജനസഖ്യം രക്തദാന ക്യാംപ് സംഘടിപ്പിച്ചു.
ഡാലസ്: ഫാര്മേഴ്സ് ബ്രാഞ്ച് മാര്ത്തോമ്മ യുവജനസഖ്യത്തിന്റെയും കാര്ട്ടര് ബ്ലഡ് കെയറിന്റെയും സംയുക്താഭിമുഖ്യത്തില് മാര്ച്ച് 11 ഞായറാഴ്ച 'രക്തം ദാനം ചെയ്യൂ ജീവന് രക്ഷിക്കൂ' സന്ദേശമുയര്ത്തി ജീവ കാരുണ്യ പ്രവര്ത്തനങ്ങളുടെ ഭാഗമായി തുടര്ച്ചയായി അഞ്ചാം വര്ഷവും ബ്ലഡ് ഡ്രൈവ് നടത്തി. ഫാര്മേഴ്സ് ബ്രാഞ്ച് ഇടവക വികാരി റവ.സജി പി.സി., വി.റ്റി. ഏബ്രഹാം എന്നിവരുടെ സാന്നിധ്യത്തില് ബ്ലഡ് ഡ്രൈവ് ഉത്ഘാടനം ചെയ്തു. ഇടവക അംഗങ്ങള്. യുവജനസഖ്യം അംഗങ്ങള് ഉള്പ്പെടെ നിരവധി പേര് രക്തം ദാനം ചെയ്തു. യുവജനസഖ്യം ക്രമീകരണങ്ങള്ക്ക് നേതൃത്വം നല്കി ഈ സംരംഭത്തെ വന് വിജയം ആക്കുവാന് പ്രവര്ത്തിച്ച ചര്ച്ച് ഭാരവാഹികള്, യുവജനസഖ്യം ഭാരവാഹികള്, രക്തം നല്കി സഹായിച്ചവര് എന്നിവരോട് ബ്ലഡ് ഡ്രൈവ് കോര്ഡിനേറ്റര് ബിജി ജോബി നന്ദി അറിയിച്ചു.