ബോവിക്കാനം:  നിയന്ത്രണം തെറ്റി കുഴിയിലേക്കു വീണ കാര്‍ കാട്ടുവള്ളികളില്‍ കുടുങ്ങി. ഇതോടെ യാത്രക്കാര്‍ താഴ്‌ചയിലേക്ക്‌ വീഴാതെ രക്ഷപ്പെട്ടു. തിങ്കളാഴ്‌ച വൈകിട്ട്‌ ആറു മണിയോടെ ചെര്‍ക്കള മുള്ളേരിയ പാതയിലെ കൊടവഞ്ചിയിലാണ്‌ അപകടമുണ്ടായത്‌. മുപ്പതടിയിലേറെ താഴ്‌ചയുള്ള കുഴിയിലേക്കാണ്‌ കാര്‍ മറിഞ്ഞത്‌.

കര്‍ണാടക സുള്ള്യപദവ്‌ അരിയടുക്കയിലെ മുഹമ്മദ്‌ മുസ്‌തഫയും സുഹൃത്ത്‌ സലാമുമാണ്‌ കാറിലുണ്ടായിരുന്നത്‌. കനത്ത മഴയില്‍ കാര്‍ നിയന്ത്രണം വിട്ട്‌ മറിയുകയായിരുന്നു.