താനൂരില് ഒരാഴ്ചത്തേക്ക് ജില്ലാ ഭരണകൂടം നിരോധനാജ്ഞ പ്രഖ്യാപിച്ചു. സോഷ്യല് മീഡിയ വഴി പ്രചരിച്ച ഹര്ത്താലുമായി ബന്ധപ്പെട്ട അക്രമ സംഭവങ്ങളെ തുടര്ന്നാണ് നിരോധനാജ്ഞ.
ജമ്മു കാഷ്മീരില് കൊല്ലപ്പെട്ട എട്ടുവയസുകാരിക്ക് നീതി വേണമെന്ന വ്യാജേന എസ്ഡിപിഐയുടെ നേതൃത്വത്തില് രാവിലെ നടന്ന ഹര്ത്താലില് വ്യാപക അക്രമസംഭവങ്ങളാണ് അരങ്ങേറിയത്. മലപ്പുറം, കണ്ണൂര് ജില്ലകളിലെ വിവിധ പ്രദേശങ്ങള് വാഹനങ്ങള് തടയുകയും ബലമായി കടകള് അടപ്പിക്കുകയും ചെയ്തു. പോലീസും ഹര്ത്താല് അനുകൂലികളും തമ്മില് സംഘര്ഷവുമുണ്ടായി. ഇതിനു പിന്നാലെയാണ് നിരോധനാജ്ഞ.