ഒക്കലഹോമ: ഒക്കലഹോമ സിറ്റിയിലെ ലവീസ് ഓണ്‍ ദ ലേക്ക് റസ്‌റ്റോറന്റില്‍ ഇന്ന് (മെയ് 24) വൈകിട്ട് 6.30 ന് നടന്ന വെടിവെപ്പില്‍ നാല് പേര്‍ക്ക് പരിക്കേറ്റതായി പോലീസ് ബെര്‍ത്ത് ഡെ പാര്‍ട്ടിയില്‍ പങ്കെടുക്കുന്നവര്‍ക്കായിരുന്നു വെടിയേറ്റത്.

അക്രമി കൂടുതല്‍ വെടിയുതിര്‍ക്കുന്നതിന് മുമ്പ് റസ്റ്റോറന്റില്‍ ഉണ്ടായിരുന്ന മറ്റൊരാള്‍ അക്രമിയെ വെടിവെച്ച് കൊലപ്പെടുത്തി. പ്രതിയുടെ കൂടുതല്‍ വിവരങ്ങള്‍ വെളിപ്പെടുത്തിയിട്ടില്ല. ഒക്കലഹോമയില്‍ നടന്നത് ഭീകരാക്രമണത്തിന്റെ ഭാഗമാണെന്ന് കരുതുന്നില്ലെന്ന് പോലീസ് പറഞ്ഞു.

കഴിഞ്ഞ മാസം ടെന്നിസ്സിയിലെ വാഫിള്‍ ഹൗസില്‍ അക്രമിനടത്തിയ വെടിവെപ്പില്‍ നാല് പേര്‍ കൊല്ലപ്പെട്ടിരുന്നു. വാഫിള്‍ ഹൗസില്‍ ഉണ്ടായിരുന്ന ഒരാള്‍ ഗണ്‍മാനമായി ഏറ്റുമുട്ടി കീഴടക്കിയതിനാല്‍ കൂടുതല്‍ മരണം ഒഴിവാക്കിയിരുന്നു പോലീസ് പിന്നീട് ഇയ്യാളെ അറസ്റ്റ് ചെയ്തു.

ഒക്കലഹോമ മേയര്‍ ഡേവിഡ് ഹോള്‍ട്ട് പോലീസ് ചീഫും, സിറ്റി മാനേജരുമായി സംസാരിച്ചതിന് ശേഷം സംഭവത്തിന് സ്ഥിരീകരണം നല്‍കി പോലീസ് അന്വേഷണം ആരംഭിച്ചു.