നടിയെ ആക്രമിച്ച കേസില് 32 രേഖകള് കൂടി വിട്ടുകിട്ടണമെന്നാവശ്യപ്പെട്ട് നടന് ദിലീപ് വിചാരണക്കോടതിയെ സമീപിച്ചു. ആക്രമണ ദൃശ്യങ്ങള് അടങ്ങിയ പെന്ഡ്രൈവ് അടക്കമുള്ള രേഖകളാണ് ആവശ്യപ്പെട്ടിരിക്കുന്നത്. കേസ് നടത്തിപ്പിന് ഈ രേഖകള് വിട്ടു കിട്ടേണ്ടത് പ്രതിഭാഗത്തിന്റെ അവകാശമാണെന്ന് കാണിച്ചാണ് ദിലീപ് കോടതിയെ സമീപിച്ചിരിക്കുന്നത്.
എന്നാല് തന്റെ കുറ്റസമ്മത മൊഴി പരിഗണിക്കരുതെന്ന് ആവശ്യപ്പെട്ട് കേസിലെ മുഖ്യപ്രതി പള്സര് സുനി നല്കിയ ഹര്ജി കോടതി ഈ മാസം മുപ്പതിന് പരിഗണിക്കും.