ചെങ്ങന്നൂരില്‍ വീട്ടിലെ മൂന്നുപേര്‍ മുങ്ങിമരിച്ചു
Published on 17 August, 2018
ചെങ്ങന്നൂര്‍: ചെങ്ങന്നൂരിലെ ഒരുവീട്ടിലെ മൂന്നുപേര്‍ വെള്ളത്തില്‍ മുങ്ങിമരിച്ചു. ഒരാള്‍ രക്ഷപ്പെട്ടു. ചെങ്ങന്നൂര്‍ മംഗലം കണ്ണാടലില്‍ വീട്ടില്‍ ശോശാമ്മ ജോണ്‍ (90), മകന്‍ ബേബി (75), ബേബിയുടെ മകന്‍ റെനി (30) എന്നിവരാണ് മരിച്ചത്. റെനിയുടെ മാതാവ് രക്ഷപ്പെട്ടു. ഒറ്റപ്പെട്ട സ്ഥലത്ത് ഒരുനില വീട്ടിലായിരുന്നു ഇവര്‍ താമസിച്ചിരുന്നത്.
വീടിനുമുകളിലേക്ക് കയറാന്‍ പുറത്തുകൂടിയാണ് സ്‌റ്റെയര്‍കേസ് ഉണ്ടായിരുന്നത്. റെനി മുമ്പ് ഉണ്ടായ അപകടത്തെത്തുടര്‍ന്ന് ശരീരം തളര്‍ന്നതിനാലാണ് ഇവര്‍ മുകളിലേക്ക് കയറാതിരുന്നത്. പ്രളയത്തെത്തുടര്‍ന്ന് രക്ഷാപ്രവര്‍ത്തകര്‍ രണ്ടുതവണ കടന്നുപോയെങ്കിലും ശക്തമായ ഒഴുക്കിനെത്തുടര്‍ന്ന് ഇവിടേക്ക് കയറാന്‍ കഴിഞ്ഞിരുന്നില്ല. ഒടുവില്‍ വെള്ളിയാഴ്ചയാണ് രക്ഷാപ്രവര്‍ത്തകര്‍ എത്തിയത്. മൂന്നുപേരുടെ മരണം സംഭവിച്ചിരുന്നു.
ബേബിയുടെ ഭാര്യ മാത്രമെ ജീവനോടെ ഉണ്ടായിരുന്നുള്ളൂ. ഇവരെ ചെങ്ങന്നൂരിലെ വെള്ളപ്പൊക്ക ദുരിതാശ്വാസ ക്യാമ്പിലേക്കും മൂന്നുമൃതദേഹങ്ങളും ഹരിപ്പാട് ഗവ. ആശുപത്രി മോര്‍ച്ചറിയിലേക്കും മാറ്റി. (Madhyamam)
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala