പ്രളയം കൂടുതല് നാശം വിതച്ച എറണാകുളം ജില്ലയില് പൂഴ്ത്തിവയ്പ് വ്യാപകം. ക്യാന്പുകളില് കഴിയുന്ന ആയിരക്കണക്കിന് ആളുകള് ഭക്ഷണത്തിനും വെള്ളത്തിനും ക്ഷാമം അനുഭവിക്കുന്നതിനിടെയാണ് പൂഴ്ത്തിവയ്പും വില വര്ധനയും.
കാക്കനാട് വീക്കിലി സൂപ്പര് മാര്ക്കറ്റില് അരി, പഞ്ചാസാര ഉള്പ്പെടെയുള്ള സാധനങ്ങള്ക്ക് പത്ത് കൂട്ടിയാണ് വിറ്റിരുന്നത്. ആളുകളുടെ പരാതിയെ തുടര്ന്നു അധികൃതര് സ്ഥലത്തെത്തി സൂപ്പര്മാര്ക്കറ്റ് അടച്ചുപൂട്ടി. ഇടപ്പള്ളിയില് ഒരു പച്ചക്കറി കടയിലുമാണ് സാധനങ്ങള്ക്ക് വില വര്ധിപ്പിച്ചത്. ഇതും അധികൃതര് പൂട്ടിച്ചു.
നിരവധി വ്യാപാരികള് ദുരിതാശ്വാസ ക്യാന്പുകള് ഉള്പ്പെടെ ദുരിതമേഖലകളില് ഭക്ഷണസാധനങ്ങള് സംഭാവനകള് നല്കുന്പോഴാണ് ചിലര് സാധനങ്ങള്ക്ക് അമിത വില ഈടാക്കുന്നത്.