ബിഗ് ബോസ് റിയാലിറ്റി ഷോയിലെ ഏറ്റവും ചൂടേറിയ ചര്ച്ചാ വിഷയം പേളിശ്രീനിഷ് പ്രണയമാണ്. ഇരുവരും തമ്മില് പ്രണയമാണെന്ന വാര്ത്തകള് ബിഗ് ബോസ് ഹൗസിലും ആരാധകര്ക്കിടയിലും പുകയുന്നതിനിടെയാണ് അവതാരകനായ മോഹന് ലാലിനോട് ഇരുവരും പ്രണയം തുറന്നു പറഞ്ഞത്.
ഇതോടെ ഇരുവര്ക്കും പിന്തുണയും ഒപ്പം വിമര്ശനവും ആരാധകരില് നിന്ന് ഉയരുകയാണ്. ഷോയില് നടക്കുന്നതെല്ലാം സ്ക്രിപ്റ്റഡ് ആണെന്നും ഇതിനിടയില് വാദം ഉയരുന്നുണ്ട്. എന്നാല് പേളിയുടെ വീട്ടുകാര് ഈ വിഷയത്തില് പ്രതികരിച്ചുവെന്ന വാര്ത്തയാണ് ഏറ്റവും ഒടുവിലായി പ്രചരിക്കുന്നത്. പേളി ഇത്ര തിടുക്കപ്പെട്ട് തീരുമാനമെടുത്തത് എന്താണെന്ന് അറിയില്ല. പേളിയുടെ തീരുമാനം കുടുംബത്തെ ബാധിച്ചുവെന്നും മാണി പോള് പ്രതികരിച്ചതായാണ് റിപ്പോര്ട്ടുകള്.
പേളി തനിക്ക് കൊച്ചുകുട്ടിയാണെന്ന് പറയുന്ന മാണി പോള് ഒരു പുരുഷനെ തിരഞ്ഞെടുക്കാന് അവള്ക്കു നന്നായി അറിയാമെന്നും പറയുന്നു. എന്നാല് പത്തിരുപതു ദിവസം കൊണ്ട് പരിചയമുള്ള ഒരാളെ അവള്ക്കു വിവാഹം കഴിക്കാന് തീരുമാനിച്ചെന്ന് വിശ്വസിക്കാന് സാധിക്കുന്നില്ലെന്നും അവളുടെ തീരുമാനത്തില് തങ്ങള്ക്കെല്ലാം സങ്കടമുണ്ടെന്നും മാണി പോള് പറഞ്ഞതായാണ് റിപ്പോര്ട്ടുകള്.
തനിക്ക് ശ്രീനിഷിനെ ഇഷ്ടമാണെന്നും തന്റെ മമ്മിയോട് മോഹന്ലാല് സംസാരിക്കണമെന്നും പേളി ഷോയില് ആവശ്യപ്പെട്ടിരുന്നു. സമാനമായ ആവശ്യവുമായി ശ്രീനിഷും രംഗത്തെത്തിയിട്ടുണ്ട്. ഇതേതുടര്ന്ന് ഇരു വീട്ടുകാരെയും ഹൗസില് എത്തിച്ച് സംസാരിക്കാന് അവസരം ഒരുക്കാമെന്നും ഇരുവര്ക്കും നല്ല ഭാവി നേരുന്നുവെന്നും മോഹന്ലാല് പറഞ്ഞു. ഇതിനിടെ, ബിഗ് ബോസില് ഹൗസില് വച്ച് മോതിരം മാറ്റം നടത്തണമെന്ന് ഒരു വിഭാഗം ആവശ്യപ്പെട്ടപ്പോള്, ജീവിതമാണ് തീരുമാനം ചിന്തിച്ചെടുക്കണമെന്ന അഭിപ്രായമാണ് മറു വിഭാഗം പങ്കുവെച്ചത്