"ഒരു സാഹിത്യകൃതിയെ മനസ്സിലാക്കാവുന്നിടത്തോളം മനസ്സിലാക്കി അതിൽനിന്ന് ആസ്വാദിക്കാൻ കഴിഞ്ഞ ആനന്ദത്തിന്റെ  പിന്നിലുള്ള ബുദ്ധിപരവും ഭാവപരമായ അടിത്തറ എന്തെന്ന് ആവിഷ്‌ക്കരിക്കലത്രെ സാഹിത്യ വിമർശനം" (മലയാള സാഹിത്യ വിമർശനം -സുകുമാർ അഴിക്കോട് ടി സ് എലിയട്ടിന്റെ പ്രസ്താവനയെ ഭാഷാന്തരം ചെയ്‍തത്  ) . സുധീർ പണിക്കവീട്ടലിന്റെ സാഹിത്യഗ്രന്ഥങ്ങളെ വിലയിരുത്തിയുള്ള  പഠനങ്ങളിൽ (ഇതിൽ മിക്കതും ഈ മലയാളിലിയിൽ വായിക്കാൻ ഇടവന്നിട്ടുണ്ട് ) പലപ്പോഴും അത്തരം സാഹിത്യഗ്രന്ഥങ്ങളുടെ ഗുണാഗുണങ്ങളെ മനസിലാക്കുന്നതിനും ആസ്വദിക്കുന്നതിനും സഹായകരമാകത്തക്കവണ്ണം അതിന്റെ അഭിവൃദ്ധിക്കും ശുദ്ധിക്കും മുഖ്യമായി ആവശ്യമുള്ള തത്വങ്ങൾ അടങ്ങിയ മലയാള ഭാഷയിലേയും ആംഗലേയ ഭാഷയിലെയും ഗ്രന്ഥങ്ങളെ ഉദ്ധരിക്കാറുണ്ട് .   നല്ല വായനാശീലമുള്ള ഒരാൾക്കും  അതുപോലെ  ഓരോ സന്ദർഭങ്ങളും ശരിക്ക് മനസിലാക്കിയ ഒരു എഴുത്തുകാരനുമെ  ഇങ്ങനെ ചെയ്യാൻ കഴിയുകയുള്ളു. അതുപോലെ അദ്ദേഹം വിലയിരുത്തുന്ന ഗ്രന്ഥങ്ങളുടെ രചയിതാക്കൾ, ഇത്തരത്തിലുള്ള പഠനത്തിലൂടെ വെളിവാക്കി തരുന്ന ന്യുനതകൾ മനസിലാക്കുമെങ്കിൽ, അത് അവരുടെ പിന്നീടുള്ള രചനകളുടെ അഭിവൃദ്ധിക്കും ശുദ്ധിക്കും സഹായകരമായി തീരും. സ്വതന്ത്രമായി ചിന്തിക്കുകയും എഴുതുകയും ചെയ്യുന്ന ഇത്തരത്തിലുള്ളവർ മലയാള സാഹിത്യാഭിവൃദ്ധിക്ക് ഒരു മുതൽക്കൂട്ടാണ്‌. പക്ഷെ സാഹിത്യകമ്പോളത്തെ അടക്കി ഭരിക്കുന്ന കുത്തുക മുതലാളിമാരും, അവരുടെ ഗുണ്ടകളും ഇത്തരക്കാരെ ഇടിച്ചിരുത്താൻ നോക്കുമെങ്കിലും, 

പ്രാംശുലഭ്യേ ഫലേ ലോഭ -

ദുദ് ബാഹുരിവ വാമന (രഘുവംശം -കാളിദാസൻ )

(ദീർഘകായനായ ഒരാളിന് മാത്രം എത്താവുന്ന ഫലം പറിക്കാൻ കൈയുയർത്തുന്ന വാമനനെപോലെ അവർ  പരിഹസിക്കപ്പെടുന്നു)

ഈ ലേഖന കർത്താവിനും  അതുപോലെ ഗ്രന്ഥ  രചയിതാവിനും അഭിനന്ദനങ്ങൾ - കേരളത്തിലെ സാഹിത്യ പുംഗവന്മാരെ ഇവിടെ കൊണ്ടുവന്ന് തീറ്റിച്ചും കുടിപ്പിച്ചും അഭിനന്ദനങ്ങളുടെ പൂച്ചെണ്ടുകൾ വാങ്ങി കക്ഷത്തിൽ വച്ച് കൊണ്ട് നടക്കുന്ന വ്യാജന്മാരെ  പുകച്ചു പുറത്തു ചാടിക്കാൻ അമേരിക്കയിൽ ചുണ കുട്ടികൾ ഉണ്ടെന്നുള്ളത്  'കൂപമമണ്ഡുകങ്ങൾ' അറിഞ്ഞിരിക്കട്ടെ.