ആരാധകര് ആകാംക്ഷയോടെ കാത്തിരിക്കുന്ന ദീപിക പദുകോണ്-രണ്വീര്
സിംഗ് വിവാഹത്തിന്റെ അവസാനഘട്ട ഒരുക്കങ്ങളിലാണ് താരങ്ങളും കുടുംബാംഗങ്ങളും.
നവംബര് 14, 15 തീയതികളിലായി ഇറ്റലിയില് വെച്ചാണ് താരവിവാഹം.
ഇരുവരും
വിവാഹവുമായി ബന്ധപ്പെട്ട ഷോപ്പിംഗ് തിരക്കുകളിലാണ്.
വിവാഹത്തിനു മുന്നോടിയായി
നടക്കുന്ന നന്തി പൂജ ചടങ്ങ് ആഘോഷ പൂര്വ്വമായിരുന്നു ദീപികയുടെ കുടുംബം
നടത്തിയത്. ഇതിന്റെ ചിത്രങ്ങളും വീഡിയോയും സോഷ്യല് മീഡിയയില് വൈറലായിരുന്നു
.ദീപികക്കായി 20 ലക്ഷം രൂപയുടെ മംഗല്സൂത്ര(താലിമാല)യാണ് ഒരുക്കുന്നത്.
ഏതാണ്ട് ഒരു കോടി രൂപയോളം വിലയുള്ള ആഭരണങ്ങളാണ് വിവാഹത്തിനായി ദീപിക
വാങ്ങിയതെന്നാണ് റിപ്പോര്ട്ടുകള്.
രണ്വീര് സിംഗിനായി 25 പവന്റെ മാലയും ദീപിക
വാങ്ങിയിട്ടുണ്ട്.
വിവാഹ മുന്നൊരുക്കങ്ങളുടെ ഭാഗമായി, കഴിഞ്ഞ ദിവസം ദീപികയുടെ
ബാംഗ്ലൂരിലെ വീട്ടില് നന്തി പൂജ നടന്നിരുന്നു. രണ്വീറിന്റെ ഹല്ദി ആഘോഷങ്ങളുടെ
ചിത്രങ്ങളും സോഷ്യല് മീഡിയയില് ആഘോഷമാക്കിയിരിക്കുകയാണ്.
ബാല്ക്കണിയില്
സുഹൃത്തുക്കള്ക്കൊപ്പം വെള്ളവസ്ത്രമണിഞ്ഞ് നില്ക്കുന്ന രണ്വീറിനെ
ചിത്രങ്ങളില് കാണാം.
സിന്ധി,കൊങ്കിണി ആചാരങ് പ്രകാരമുള്ള വിവാഹച്ചടങ്ങ്
14നാണ്. തൊട്ടടുത്ത ദിവസം നോര്ത്തിന്ത്യന് സ്റ്റൈല് വിവാഹവും.
വിവാഹം പോലെ
രണ്ടു ദിവസത്തെ സല്ക്കാര ചടങ്ങുകളും താരങ്ങള് ഒരുക്കിയിട്ടുണ്ട്. നവംബര് 21ന്
ബംഗലുരുവിലെ ഗ്രാന്ഡ് ഹയാത്തിലും പിന്നീട് ഡിസംബര് 1 ന് മുംബൈയിലെ ലീല
പാലസിലുമാണ് സുഹൃത്തുക്കള്ക്കും സഹപ്രവര്ത്തകര്ക്കും വേണ്ടി ഗംഭീര ആഘോഷം
സംഘടിപ്പിച്ചിട്ടുളളത്