Image

നെയ്യാറ്റിന്‍കര കൊലപാതകത്തില്‍ രണ്ട്‌ പൊലീസുകാര്‍ക്ക്‌ സസ്‌പെന്‍ഷന്‍

Published on 08 November, 2018
നെയ്യാറ്റിന്‍കര കൊലപാതകത്തില്‍ രണ്ട്‌ പൊലീസുകാര്‍ക്ക്‌ സസ്‌പെന്‍ഷന്‍


തിരുവനന്തപുരം: നെയ്യാറ്റിന്‍കരയില്‍ കൊലപാതകത്തില്‍ രണ്ട്‌ പൊലീസുകാര്‍ക്ക്‌ സസ്‌പെന്‍ഷന്‍. അപകടത്തില്‍പ്പെട്ട സനലിനെ ആശുപത്രിയില്‍ എത്തിക്കുന്നതില്‍ വീഴ്‌ച വരുത്തിയ സജീഷ്‌ കുമാര്‍, ഷിബു എന്നീ പൊലീസുകാരെയാണ്‌ സസ്‌പെന്‍ഡ്‌ ചെയ്‌തത്‌.

സനലിന്റെ മരണത്തില്‍ പൊലീസിന്‌ ഗുരുതര വീഴ്‌ച സംഭവിച്ചെന്ന്‌ സ്‌പെഷ്യല്‍ ബ്രാഞ്ച്‌ കണ്ടെത്തല്‍ പുറത്ത്‌ വന്നതിന്‌ പിന്നാലെയാണ്‌ പൊലീസുകാരെ സസ്‌പെന്‍റ്‌ ചെയ്‌തത്‌. പൊലീസ്‌ സനലിനെ ആശുപത്രിയിലേക്ക്‌ മാറ്റാന്‍ വൈകിയെന്നാണ്‌ സ്‌പെഷ്യല്‍ ബ്രാഞ്ച്‌ കണ്ടെത്തിയിരുന്നു. സനല്‍ കുമാര്‍ ചോര വാര്‍ന്ന്‌ റോഡില്‍ കിടന്നാണ്‌ മരിച്ചത്‌.

സനലിനെ ആശുപത്രിയിലെത്തിക്കാതെ കടന്നു കളഞ്ഞ ഡിവൈഎസ്‌പി ഹരികുമാര്‍ അപകടം എസ്‌ഐയെ വിളിച്ചറിയിക്കുകയായിരുന്നു. എസ്‌ഐ പാറാവുകാരനായ പൊലീസുകാരനൊപ്പമാണ്‌ അപകട സ്ഥലത്തെത്തിയത്‌. അപകടസ്ഥലത്ത്‌ നിന്ന്‌ സനലിനെ നേരെ ആശുപത്രിയില്‍ കൊണ്ടുപോകുന്നതിന്‌ പകരം പൊലീസ്‌ സ്റ്റേഷനിലേക്കാണ്‌ കൊണ്ടുപോയത്‌.

എന്നാല്‍ സ്റ്റേഷനിലേക്ക്‌ സനലിനെ കൊണ്ടുപോയില്ലെന്നും സ്റ്റേഷന്‌ പുറത്ത്‌ വച്ച്‌ പൊലീസുകര്‍ക്ക്‌ ഡ്യൂട്ടി മാറി കേറാനായി നിര്‍ത്തുക മാത്രമാണ്‌ ചെയ്‌തതെന്നുമാണ്‌ എസ്‌ഐയുടെ വിശദീകരണം.


Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക