മണ്‍വിള ഫാമിലി പ്ലാസ്റ്റിക്കിലെ തീപിടിത്തവുമായി ബന്ധപ്പെട്ട്‌ രണ്ട്‌ ജീവനക്കാരെ പൊലീസ്‌ കസ്റ്റഡിയിലെടുത്തു. ചോദ്യം ചെയ്യുന്നതിനായാണ്‌ ഇരുവരെയും കസ്റ്റഡിയിലെടുത്തിരിക്കുന്നത്‌.

ഫാമിലി പ്ലാസ്റ്റിക്കിലുണ്ടായ തീപിടിത്തം അട്ടിമറിയാണെന്ന സൂചനയാണ്‌ ഇപ്പോള്‍ പൊലീസ്‌ പുറത്തുവിടുന്നത്‌. രണ്ടു ജീവനക്കാരില്‍ ഒരാള്‍ സംഭവത്തിലെ പങ്കാളിത്തം സമ്മതിച്ചതായും സൂചനയുണ്ട്‌. ഇവരുടെ ശമ്പളം വെട്ടിക്കുറച്ചതുമായി ബന്ധപ്പെട്ട്‌ മാനേജ്‌മെന്റുമായി തര്‍ക്കം നിലനിന്നിരുന്നു. സിസിടിവി ദൃശ്യങ്ങളില്‍ നിന്ന്‌ ലഭിച്ച വിവരങ്ങള്‍ അനുസരിച്ചാണ്‌ ഇവരെ കസ്റ്റഡിയിലെടുത്തത്‌.