ലോക്‌സഭാ തെരഞ്ഞെടുപ്പില്‍ സി.കെ ജാനു സി.പി.ഐ സ്ഥാനാര്‍ത്ഥിയാകുമെന്ന്‌ റിപ്പോര്‍ട്ട്‌
Published on 05 December, 2018
തിരുവനന്തപുരം: വരുന്ന ലോക്‌സഭാ തെരഞ്ഞടുപ്പില്‍ വയനാട്‌ ലോക്‌സഭാ മണ്ഡലത്തില്‍ സിപിഐ സ്ഥാനാര്‍ത്ഥിയായി സികെ ജാനുവിനെ മത്സരിപ്പിക്കുമെന്ന്‌ സൂചന. ഇക്കാര്യത്തില്‍ സിപിഎമ്മിനും എതിര്‍പ്പില്ലെന്നാണ്‌ അറിയുന്നത്‌.വയനാട്‌ മണ്ഡലത്തില്‍ സിപിഐ സ്ഥാനാര്‍ത്ഥികളാണ്‌ മത്സരിക്കാറുള്ളത്‌.
സത്യന്‍മൊകേരിയോ, സുനീറോ സ്ഥാനാര്‍ത്ഥിയാകുന്നതിനെക്കാള്‍ സികെ ജാനുവിനെ സ്ഥാനാര്‍ത്ഥിയാക്കുന്നതാവും ഗുണമെന്നാണ്‌ പാര്‍ട്ടിയിലെ ഒരു വിഭാഗത്തിന്റെ വിലയിരുത്തല്‍. അതേസമയം മുന്നണി പ്രവേശനവുമായി ബന്ധപ്പെട്ട്‌ നേതാക്കളുമായി ചര്‍ച്ച നടന്നതായി സി കെ ജാനു പറഞ്ഞു.
എന്‍ഡിഎ വിട്ട ശേഷം സി കെ ജാനുവിന്റെ നേതൃത്വത്തിലുളള ജനാധിപത്യ രാഷ്ട്രീയ പാര്‍ട്ടി എല്‍ഡിഎഫ്‌ നേതൃത്വവുമായി മൂന്ന്‌ വട്ടം ചര്‍ച്ച നടത്തി. മന്ത്രി എ കെ ബാലനും സിപിഐ സംസ്ഥാന സെക്രട്ടറി കാനം രാജേന്ദ്രനുമാണ്‌ ചര്‍ച്ചയ്‌ക്ക്‌ നേതൃത്വം നല്‍കിയത്‌.
മുന്നണിയില്‍ കക്ഷിയാക്കണമെന്നും ലോക്‌സഭാ നിയമസഭാ തിരഞ്ഞെടുപ്പുകളില്‍ പ്രാതിനിധ്യം വേണമെന്നുമാണ്‌ ജാനു ഉന്നയിച്ച ആവശ്യം. ലോക്‌ താന്ത്രിക്ക്‌ ജനതാദളും ഐഎന്‍എലും മുന്നണി പ്രവേശനം കാത്തു നില്‍ക്കെ ഉടന്‍ ഘടകകക്ഷിയാക്കുന്നതിലുളള പ്രയാസം മുന്നണി നേതൃത്വം ജാനുവിനെ അറിയിച്ചു.
ലോക്‌സഭാ തിരഞ്ഞെടുപ്പില്‍ വയനാട്‌ മണ്ഡലത്തില്‍ സ്ഥാനാര്‍ത്ഥിയാക്കാമെന്ന വാഗ്‌ദാനം സിപിഐ നേതൃത്വം തന്നെ ജാനുവിന്‌ നല്‍കിയതായാണ്‌ സൂചന. കൂടാതെ ബോര്‍ഡ്‌ കോര്‍പറേഷന്‍ സ്ഥാനങ്ങളും ഉറപ്പ്‌ നല്‍കിയിട്ടുണ്ട്‌.
മുന്നണി പ്രവേശന കാര്യത്തില്‍ വ്യക്തതയില്ലാത്തതിനാല്‍ വനിതാ മതില്‍ സംഘാടക സമിതി യോഗത്തില്‍ ജാനു പങ്കെടുത്തിരുന്നില്ല.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala