പ്രസിഡന്റ്റ് ട്രംപ്ഇന്നലെ, മെക്കാലന് ടെക്സാസ്, ഒരു തെക്കന് അതിര്ത്തി പട്ടണം സന്നര്ശിച്ചു നേരിട്ട് അതിര്ത്തിയില് നടക്കുന്ന അതിക്രമങ്ങള് കണ്ടു മനസിലാക്കുന്നതിന്. അതിന്റ്റെ ഭാഗമായി പ്രസിഡന്റ്റ് അതിര്ത്തിയില്, അതിര്ത്തി സംരക്ഷണ സേനയും, മറ്റു ഭരണ മേധാവികളുമായിസമ്മേളനം നടത്തി.
ഈ സമ്മേളനത്തില് പങ്കെടുക്കുന്നതിന്, ഒരു വലിയ മുറി നിറയെ ബോര്ഡര് ഏജന്റ്സും മറ്റു ഉദ്യോഗസ്ഥന്മാരും ഹാജരായിരുന്നു. ഇവരുടെ എല്ലാം രാഷ്ട്രീയ ചായ്വ് എന്തെന്ന് എനിക്കറിഞ്ഞുകൂടാ എന്നാല് സംസാരിച്ചവരെല്ലാം അവര് നേരിടുന്ന മനുഷ്യ സംഘര്ഷാവസ്ഥ വിവരിച്ചു.
അതില് ഒരു ഏജന്റ്റ്, മെക്സിക്കോ സൈഡില് അഭയാര്ത്ഥികള്ക്ക് അവരുടെ ഈ യാത്രയില് സംഭവിക്കുന്ന അപകട മരണങ്ങളുടെയും നേരിടുന്ന മറ്റു അതിക്രമങ്ങളുടെയും കഥകള് നിരവധി ചിത്രങ്ങള് കാട്ടി വിവരിച്ചു.
ഒരാള് പോലും ഇത് കൃത്രിമമായി രാഷ്ട്രീയക്കാര് സൃഷ്ടിച്ചതോ കുത്തിപ്പൊക്കുന്നതോ ആയ ഒരു സംഭവമെന്നു പറഞ്ഞില്ല. ബോര്ഡര് സംരക്ഷ സദാചാരവിരുദ്ധമെന്നും അവിടെ കേട്ടില്ല.
അതിര്ത്തിയില് ഈ അടുത്ത കാലങ്ങളില് പിടിച്ചെടുത്ത ആയുധങ്ങളും, മയക്കു മരുന്നുകളും ഡോളര് നിറഞ്ഞ ബാഗുകളും ഈ സമ്മേളനത്തില് പ്രദര്ശിപ്പിച്ചിരുന്നു .
ക്രിസ്മസ് സായാഹ്നത്തില് ഇല്ലീഗല് കുടിയേറ്റക്കാരനാല് കൊല്ലപ്പെട്ട റോണില് സിങ്ങിന്റ്റെ സഹോദരന് റെജി സിംഗ് പ്രസിഡന്റ്റിനൊപ്പം സദസില് ഉണ്ടായിരുന്നു.
മെക്സിക്കന്സ് മാത്രമല്ല തെക്കുനിന്നും വരുന്നത്. ജോലി ചെയ്യുന്നതിന് മാത്രമല്ല പലരും വരുന്നത്. മയക്കുമരുന്നു കടത്തല്, പെണ്വാണിഭം, കുട്ടികളുടെ വില്പ്പന, ആയുധം കടത്തല്, ഭീകരര് ഇതെല്ലാമാണ്
ഇതു വെറുമൊരു രാഷ്ട്രീയ പ്രശ്നമല്ല. പലേ മാധ്യമങ്ങളും അമേരിക്കന് തെക്കനതിര്ത്തിയില് നടമാടുന്ന സംഘര്ഷാവസ്ഥയെ ട്രംപിന്റ്റെ രാഷ്ട്രീയമായി വിശേഷിപ്പിക്കുന്നു.
CNN റിപ്പോര്ട്ടര് ജിം അക്കോസ്റ്റ ബോര്ഡര് മതിലിന്റ്റെ മുന്നില് നിന്നുകൊണ്ട് പ്രസ്താവിക്കുന്നു താനവിടെ ഒരു സംഘര്ഷാവസ്ഥയും കാണുന്നില്ല. എന്തൊരു മടയത്തരമിത്? കൂറ്റന് മതിലുള്ള സ്ഥലത്തു ആരു വരും ചാടുന്നതിന്?
ഒന്നാലോചിച്ചു നോക്കൂ, ഇന്ത്യ പാക്കിസ്ഥാന് അതിര്ത്തിയില് നിന്നും ഒരുദിനം ഇന്ത്യന് സേന മാറിനിന്നാല് വരുന്ന മാറ്റങ്ങള്? എന്താണിവിടെ ഒരു രാഷ്ട്രീയ പാര്ട്ടി ആവശ്യപ്പെടുന്നത് അണക്കെട്ടു തുറക്കുന്നതുപോലെ അമേരിക്കന് മെക്സിക്കന് അതിര്ത്തി തുറന്നിടാനോ?