Image

സ്വപ്‌ന വാഹനം ബിഎംഡബ്ല്യു 7 സീരീസ് സ്വന്തമാക്കി ദിലീപ്; താക്കോല്‍ അമ്മ ഏറ്റുവാങ്ങി

Published on 27 January, 2019
സ്വപ്‌ന വാഹനം ബിഎംഡബ്ല്യു 7 സീരീസ് സ്വന്തമാക്കി ദിലീപ്; താക്കോല്‍ അമ്മ ഏറ്റുവാങ്ങി

വിവാദങ്ങള്‍ക്കും വിദ്വേഷങ്ങള്‍ക്കും ചെവികൊടുക്കാതെ തിരക്കേറിയ സിനിമ ജീവിതവുമായി മുന്നോട്ട് പോവുകയാണ് ജനപ്രിയ നായകന്‍ ദിലീപ്. താരം നായകനാകുന്ന കോടതി സമക്ഷം ബാലന്‍ വക്കീല്‍ റിലീസിന് തയ്യാറായി കഴിഞ്ഞു. ഇതിനിടെ തന്റെ ഇഷ്ട വാഹനം സ്വന്തമാക്കിയിരിക്കുകയാണ് ദിലീപ്. ആഡംബര കാര്‍ നിര്‍മാതാക്കളായ ബിഎംഡബ്ല്യുവിന്റെ 7 സീരീസാണ് താരം സ്വന്തമാക്കിയത്. ദിലീപും അമ്മയും ചേര്‍ന്നാണ് വാഹനത്തിന്റെ താക്കോല്‍ ഏറ്റുവാങ്ങിയത്. 

സിനിമകളുമായി തിരക്കിലാണ് ദിലീപ്. ബി ഉണ്ണികൃഷ്ണന്‍ സംവിധാനം ചെയ്യുന്ന കോടതിസമക്ഷം ബാലന്‍ വക്കീല്‍ എന്ന ചിത്രത്തിന്റെ ട്രെയിലറിന് വന്‍വരവേല്‍പ്പാണ് ലഭിച്ചത്.  ബി. ഉണ്ണികൃഷ്ണനും ദിലീപും ആദ്യമായി ഒന്നിക്കുന്ന ചിത്രം കോമഡി എന്റര്‍ടെയ്‌നറാണ്. പ്രിയ ആനന്ദ്, സുരാജ് വെഞ്ഞാറമൂട്, സൈജു കുറുപ്പ്, ബിന്ദു പണിക്കര്‍, പ്രഭാകര്‍, സിദ്ദിഖ് തുടങ്ങി വലിയ താരങ്ങളാണ് ചിത്രത്തില്‍ അണിനിരക്കുന്നത്. പ്രമുഖ ബോളിവുഡ് നിര്‍മ്മാണ കമ്പനിയായ വയകോം 18 മോഷന്‍ പിക്‌ചേര്‍സാണ് ഈ ചിത്രം നിര്‍മിക്കുന്നത്. മലയാളത്തിലേയ്ക്കുള്ള വയകോം 18 മോഷന്‍ പിക്‌ചേര്‍സിന്റെ അരങ്ങേറ്റ ചിത്രമാണിത്.

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക