ഗുജ്ജര്‍ സംവരണ പ്രക്ഷോഭത്തില്‍ രാജസ്ഥാനില്‍ വ്യാപക അക്രമം
Published on 10 February, 2019
ജയ്‌പുര്‍ : അഞ്ച്‌ ശതമാനം സംവരണം ആവശ്യപ്പെട്ട്‌ ഗുജ്ജര്‍ വിഭാഗക്കാര്‍ രാജസ്ഥാനില്‍ നടത്തുന്ന പ്രക്ഷോഭം ധോല്‍പുര്‍ ജില്ലയില്‍ അക്രമാസക്തമായി. മൂന്ന്‌ പോലീസ്‌ വാഹനങ്ങള്‍ പ്രക്ഷോഭകര്‍ കത്തിച്ചു.
ഹൈവേ ഉപരോധിച്ചവര്‍ ആകാശത്തേക്ക്‌ വെടിവച്ചു. ആഗ്ര മൊറേന ഹൈവേ ഉപരോധിച്ചവരാണ്‌ ആകാശത്തേക്ക്‌ പത്തുതവണയെങ്കിലും വെടിവെച്ചതെന്ന്‌ ധോല്‍പുര്‍ പോലീസ്‌ സൂപ്രണ്ട്‌ അജയ്‌ സിങ്‌ വാര്‍ത്താ ഏജന്‍സിയോട്‌ പറഞ്ഞു.
പോലീസിന്റെ രണ്ട്‌ ജീപ്പുകളും ഒരു ബസ്സുമാണ്‌ അഗ്‌നിക്കിരയാക്കിയത്‌. പ്രക്ഷോഭകരുടെ കല്ലേറില്‍ നാല്‌ ജവാന്മാരടക്കം നിരവധി പേര്‍ക്ക്‌ പരിക്കേറ്റു.
സ്ഥിതിഗതികള്‍ ശാന്തമാക്കാന്‍ പോലീസിന്‌ കണ്ണീര്‍ വാതകം പ്രയോഗിക്കേണ്ടിവന്നു. ജോലിയിലും വിദ്യാഭ്യാസത്തിലും അഞ്ച്‌ ശതമാനം സംവരണം ആവശ്യപ്പെട്ടാണ്‌ ഗുജ്ജറുകളുടെ പ്രക്ഷോഭം.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala