ന്യൂഡല്ഹി: ആന്ധ്രാ പ്രദേശ് മുഖ്യമന്ത്രി ചന്ദ്രബാബു നായിഡുവിന്റെ സത്യാഗ്രഹം പ്രതിപക്ഷ നേതാക്കളുടെ കൂട്ടായ്മയുടെ വേദിയായി. കോണ്ഗ്രസ് അധ്യക്ഷന് രാഹുല് ഗാന്ധി ഉള്പ്പെടെ നിരവധി നേതാക്കള് സമരത്തിന് ഐക്യദാര്ഡ്യം പ്രകടിപ്പിച്ച് വേദിയില് എത്തി. എല്ലാവരും മോദി സര്ക്കാരിനെതിരേ വിമര്ശനം ഉന്നയിക്കുകയും ചെയ്തു.
പ്രധാനമന്ത്രി നരേന്ദ്ര മോദിയുടെ വിശ്വാസ്യത പൂര്ണമായും നഷ്ടമായെന്നും മോദി ആന്ധ്രാ പ്രദേശിന് നല്കിയ വാഗ്ദാനം പാലിക്കാതെ വഞ്ചിച്ചെന്നും റഫാല് കൊള്ളയ്ക്ക് നേതൃത്വം നല്കിയത് മോദിയാണെന്നും രാഹുല് കുറ്റപ്പെടുത്തി.
രാഹുലിനു പുറമേ, നാഷണല് കോണ്ഗ്രസ് ചെയര്പേഴ്സണ് ഫറൂഖ് അബ്ദുള്ള, എന്സിപിയുടെ മജീദ് മേനോന്, ത്രിണമൂല് കോണ്ഗ്രസ് നേതാവ് ഡെറിക് ഒബ്രിയാന്, ഡിഎംകെ നേതാവ് തിരുച്ചി ശിവ, സമാജ് വാദി പാര്ട്ടി സ്ഥാപകന് മുലായം സിംഗ് യാദവ് എന്നിവര് സമരവേദിയില് ഒത്തുകൂടി.