ന്യൂഡല്‍ഹി:   പത്തനംതിട്ടയിലെ ബിജെപിസ്ഥാനാര്‍ത്ഥി കാര്യത്തില്‍ തീരുമാനമായി. നറുക്ക്‌ വീണത്‌ കെ സുരേന്ദ്രന്‌ തന്നെ. ബുധനാഴ്‌ച പുലര്‍ച്ചെ വരെ ആറു മണിക്കൂറോളം നീണ്ട ബിജെപിയുടെ കേന്ദ്ര തെരഞ്ഞെടുപ്പ്‌ സമിതിയോഗത്തിലാണ്‌ ഇക്കാര്യത്തില്‍ തീരുമാനമായത്‌.


ഒടുവില്‍ സംസ്ഥാന നേതൃത്വത്തെയും അണികളെയും ഞെട്ടിച്ചുകൊണ്ട്‌, അധ്യക്ഷന്‍ പി.എസ്‌.ശ്രീധരന്‍ പിള്ള മത്സരിക്കേണ്ടെന്നു കേന്ദ്രനേതൃത്വം നിര്‍ദേശിച്ചെന്ന വിവരവും പുറത്തുവന്നു. സ്ഥാനാര്‍ഥികളുടെ പ്രഖ്യാപനം ബുധനാഴ്‌ചയോ വ്യാഴാഴ്‌ചയോ ഉണ്ടായേക്കുമെന്നു നേതാക്കള്‍ അറിയിച്ചു.

പ്രധാനമന്ത്രി നരേന്ദ്ര മോഡി, ദേശീയ അധ്യക്ഷന്‍ അമിത്‌ ഷാ എന്നിവരുടെ സാന്നിധ്യത്തില്‍ ഡെല്‍ഹിയിലായിരുന്നു യോഗം. ആര്‍എസ്‌എസ്‌ നിര്‍ദേശപ്രകാരം കേരളത്തിലെ പട്ടികയില്‍ ഇടപെട്ട അമിത്‌ ഷാ, ശ്രീധരന്‍ പിള്ള മത്സരിക്കേണ്ടെന്നു പറഞ്ഞു. സംസ്ഥാന ജനറല്‍ സെക്രട്ടറി കെ.സുരേന്ദ്രന്‌ ഇതോടെ സാധ്യതയേറി.