കനകക്കിങ്ങിണി പൂവുകള് പൂത്തിടും
മേടമാസം വന്നെത്തിയല്ലോ
വാസുദേവാ ക്യഷ്ണാ
എന്മനമോഹനാ
ഓടക്കുഴലൂതി ചാരെ വായോ..
ധാന്യങ്ങള് നാണ്യങ്ങള്
കായ്കനികള്
പട്ടും സ്വര്ണ്ണനിറമാം കണിപ്പൂവും
ഏഴുതിരിനാളത്തിന് ശോഭയില്
ഇന്നിതാ
കണിയായ് നിന്നു തിളങ്ങീടുന്നൂ..
മഞ്ഞത്തുകിലും മയില്പ്പീലിയും
ചാര്ത്തി
ചേലോടെ പുഞ്ചിരി തൂകിടുമ്പോള്
ഉള്ളിലെ കല്മഷമെല്ലാമകലുന്നു
ഉള്ളു തുറന്നു കൈകൂപ്പുന്നു ഞാന്..
കണികാണും നേരം
കൈകളിലെത്തീടും കൈനീട്ടം
ഭക്ത്യാ വാങ്ങീടുമ്പോള്
കാര്മ്മുകില് വര്ണ്ണാ
ക്യഷ്ണാഹരേജയ
ഐശ്വര്യം എന്നെന്നും തന്നീടേണേ..
കണിയായ് വന്നെന്റെ കരളിലെ ദുഖങ്ങള്
അലിയിച്ച കണ്ണാ നിന്
അപദാനങ്ങള്
ഇനി വരും കാലങ്ങള്
പാടാനും ആടാനും
ആയുരാരോഗ്യം നീ നല്കേണേ!
കാരുണ്യവാരിധേ വാരിജനേത്രനേ
കാത്തരുളീടേണമെന്നെന്നും
കാപട്യമെല്ലാം നീക്കി മനുജരില്
നിര്മ്മലസ്നേഹം നീ നല്കീടേണേ..