Image

പാരാസെയ്‌ല്‍ അപകടം; ബീച്ചില്‍ വീണ്‌ 15കാരന്‍ മരിച്ചു

Published on 26 May, 2019
പാരാസെയ്‌ല്‍ അപകടം; ബീച്ചില്‍ വീണ്‌ 15കാരന്‍ മരിച്ചു


നവി മുംബൈ: മുരുട്‌-ജാംജിര ബീച്ചില്‍ പാരസെയ്‌ലിങ്ങിന്‌ ഇടയ്‌ക്ക്‌ ഉണ്ടായ അപകടത്തില്‍ 15 വയസ്സുകാരന്‍ മരിച്ചു. ശനിയാഴ്‌ച്ചയായിരുന്നു അപകടം. കയര്‍ പൊട്ടി 50 അടി ഉയരത്തില്‍ നിന്ന്‌ കുട്ടി വീഴുകയായിരുന്നു. പൂനെ സ്വദേശിയായ കുട്ടിക്കൊപ്പം പിതാവും ഉണ്ടായിരുന്നു.

പാരച്യൂട്ടിന്‌ സമാനമായ പാരാസെയ്‌ല്‍ ഉപയോഗിച്ച്‌ ഒരു വാഹനത്തിന്‍റെ പിന്നില്‍ കയര്‍ കെട്ടി ആകാശത്ത്‌ പറക്കാന്‍ കഴിയുന്ന സാഹസിക വിനോദമാണ്‌ പാരാസെയ്‌ലിങ്‌. ജീപ്പിനോട്‌ ഘടിപ്പിച്ച ബലൂണില്‍ ആയിരുന്നു മരിച്ച വേദന്ത്‌ പവാര്‍ പറന്നിരുന്നത്‌.

രാവിലെ 11.30ന്‌ ആയിരുന്നു അപകടം. കയര്‍ പെട്ടന്ന്‌ പൊട്ടിയതിനെ തുടര്‍ന്ന്‌ കുട്ടിയും പിതാവും പെട്ടന്ന്‌ ബീച്ചിലേക്ക്‌ വീഴുകയായിരുന്നു. ഉടന്‍ ആശുപത്രിയില്‍ എത്തിച്ചു. മൂക്കില്‍ നിന്നും ചെവിയില്‍ നിന്നും പുറത്ത്‌ നിന്നും ചോര വരുന്നുണ്ടായിരുന്നു.

തലയ്‌ക്കും പരിക്കേറ്റു, പിതാവിന്‌ ആഴത്തില്‍ മുറിവുകളും ഇടത്‌ മുട്ടിന്‌ ഒടിവും ഉണ്ടായിരുന്നതായി ഡോക്ടര്‍ വിശദീകരിച്ചു.

ലൈസന്‍സ്‌ ഇല്ലാതെയാണ്‌ ബീച്ചില്‍ പാരസെയ്‌ലിങ്‌ നടന്നിരുന്നതെന്ന്‌ പോലീസ്‌ അറിയിച്ചു. കുറ്റക്കാരെ ഉടന്‍ കണ്ടെത്തുമെന്നും പോലീസ്‌ അറിയിച്ചു.


Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക