പാലക്കാട്: പാലക്കാട് സിവില് സ്റ്റേഷന് മുന്നില് യുവാവ് ജീവനൊടുക്കാന് ശ്രമിച്ചു. ആലത്തുര് വാവുള്യാപുരം സ്വദേശി ബാബു ആണ് ശരീരത്തില് പെട്രോളൊഴിച്ച് തീ കൊളുത്താന് ശ്രമിച്ചത്. സെക്യൂരിറ്റി ജീവനക്കാരന് ഇടപെട്ട് ആത്മഹത്യാ ശ്രമം തടഞ്ഞു. ഇയാളെ ജില്ലാ ആശുപത്രിയില് പ്രവേശിപ്പിച്ചു.
വായ്പയെടുത്ത് ഇഷ്ടികച്ചൂള തുടങ്ങാനിരുന്നതായിരുന്നു ബാബു. പരിസരവാസികളുടെ എതിര്പ്പിനെ തുടര്ന്ന് അനുമതി നിഷേധിക്കപ്പെട്ടു. ഇതിനെ തുടര്ന്ന് കടബാധ്യത കൂടിയെന്നും ഇതോടെയാണ് ആത്മഹത്യക്ക് ശ്രമിച്ചതെന്നും ബാബു പൊലീസിന് മൊഴി നല്കി.