റോഡ് നിര്‍മാണത്തിന് അനുവദിക്കുന്ന തുക കൃത്യമായി വിനിയോഗിക്കുന്നുണ്ടെന്ന് ഉറപ്പ് വരുത്തണം : ജി.സുധാകരന്‍
മുക്കൂര്‍: റോഡ് നിര്‍മാണം നടത്താന്‍ ഉദ്യോഗസ്ഥര്‍ ദീര്‍ഘകാല അടിസ്ഥാനത്തില്‍ അഴിമതിരഹിതമായി പ്രവര്‍ത്തിക്കണമെന്ന് ആഹ്വനം ചെയ്ത് മന്ത്രി ജി.സുധാകരന്‍. നെടുങ്ങാടപള്ളി - കവിയൂര്‍-മല്ലപ്പള്ളി റോഡ് നിര്‍മാണ പ്രവര്‍ത്തനം മുക്കൂര്‍ ജംഗ്ഷനില്‍ ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം.
റോഡ് നിര്‍മാണത്തിന് അനുവദിക്കുന്ന തുക കൃത്യമായി വിനിയോഗിക്കുന്നുണ്ടെന്ന് ഉദ്യോഗസ്ഥര്‍ ഉറപ്പ് വരുത്തണം. നവീന നിര്‍മാണ ആശയങ്ങള്‍ ഉള്‍പ്പെടുത്തി റോഡു പണികള്‍ നടത്തണമെന്നും മന്ത്രി പറഞ്ഞു. കവിയൂര്‍, കല്ലൂപ്പാറ, മല്ലപ്പള്ളി, കുന്നന്താനം, പഞ്ചായത്തുകളിലൂടെ കടന്ന് പോകുന്ന 20.9 കിലോമീറ്റര്‍ നീളമുള്ള അഞ്ച് റോഡുകള്‍ അത്യാധുനിക രീതിയിലാണ് നിര്‍മിക്കാന്‍ പദ്ധതിയിടുന്നത് .
ബിഎം ആന്‍ഡ് ബിസി ടാറിംഗ് നടത്തി റോഡിന്‍റെ ഉപരിതലം പുതുക്കും. സംരക്ഷണഭിത്തി, ഓടകള്‍, സൈന്‍ ബോര്‍ഡുകള്‍, പ്രധാന ജംഗ്ഷനുകളുടെ നവീകരണം എന്നിവയും പദ്ധതിയില്‍ ഉള്‍പ്പെടുത്തിയിട്ടുണ്ട്. 2017 - 18 വര്‍ഷത്തെ സംസ്ഥാന ബജറ്റില്‍ ഉള്‍പ്പെടുത്തി 22.18 കോടി രൂപയ്ക്കാണ് റോഡ് നിര്‍മിക്കുക.
Facebook Comments