Image

ഒറ്റ ദിവസം കൊണ്ട് സമാഹരിച്ചത് 20 ലക്ഷം രൂപ , സോഷ്യല്‍മീഡിയയോട് നന്ദി പറഞ്ഞ് സണ്ണിവെയ്ന്‍

Published on 31 July, 2020
ഒറ്റ ദിവസം കൊണ്ട് സമാഹരിച്ചത് 20 ലക്ഷം രൂപ , സോഷ്യല്‍മീഡിയയോട് നന്ദി പറഞ്ഞ് സണ്ണിവെയ്ന്‍

പ്രളയകാലത്ത് ദുരിതാശ്വാസപ്രവര്‍ത്തനങ്ങളില്‍ സജീവമായിരുന്ന പോലെ ഈ മഹാമാരിക്കാലത്തും സാമൂഹ്യപ്രവര്‍ത്തനങ്ങളില്‍ സജീവമാണ് സണ്ണി വെയ്ന്‍. കോവിഡ് ആശങ്കയിലും തനിക്ക് സാധിക്കുന്ന വിധത്തില്‍ സാധാരണക്കാര്‍ക്ക് സഹായങ്ങളും സേവനങ്ങളും എത്തിച്ചുനല്‍കുന്നുണ്ട്.
 
കഴിഞ്ഞ ദിവസം സണ്ണി വെയ്ന്‍ ടിന്റു എന്ന ചെറുപ്പക്കാരന്‍ ചികിത്സയ്ക്കായി ബുദ്ധിമുട്ടുകയാണെന്ന ഒരു വിവരം ഫെയ്‌സ്ബുക്കിലൂടെ പങ്കുവെച്ചിരുന്നു. ടിന്റുവിനെയും കുടുംബത്തെയും സഹായിക്കണമെന്നും അഭ്യര്‍ഥിച്ചിരുന്നു. സോഷ്യല്‍മീഡിയയിലൂടെ ഒറ്റ ദിവസം കൊണ്ട് 20 ലക്ഷം രൂപയാണ് സമാഹരിക്കാനായത് എന്ന് നടന്‍ പറയുന്നു.

സണ്ണിവെയ്‌നിന്റെ വാക്കുകള്‍
കൊച്ചുകൊച്ചു പ്രതീക്ഷകളാണ്, ഈ കോവിഡ് കാലത്ത് നമ്മളെ അതി ജീവിക്കാന്‍ പ്രേരിപ്പിക്കുന്നത്.
ഇന്നലെ നമ്മുടെ പ്രിയ സഹോദരന്‍ ടിന്റുവിന്റെ ചികിത്സയ്ക്കുവേണ്ടി ഞാന്‍ ഫേസ്ബുക്കിലൂടെ സഹായം അഭ്യര്‍ത്ഥിച്ചപ്പോള്‍ 20 ലക്ഷം രൂപയാണ് വളരെ ചുരുങ്ങിയ സമയം കൊണ്ട് തന്നെ നമുക്ക് എല്ലാവര്‍ക്കും ചേര്‍ന്ന് സമാഹരിക്കാനായത്. ഇതൊരു വലിയ കാര്യമാണ്.
നമ്മള്‍ ഒന്നിച്ചു നിന്നാല്‍ ഏതു വിഷമഘട്ടത്തില്‍ തരണം ചെയ്യാം എന്നുള്ള തിരിച്ചറിവാണ് ഇത് എനിക്ക് നല്‍കിയത്.
ടിന്റുവിനെയും കുടുംബത്തിന്റെയും ഹൃദയം നിറഞ്ഞ നന്ദിയും സ്‌നേഹവും എല്ലാവരോടും അറിയിച്ചിട്ടുണ്ട്.
നിങ്ങള്‍ എന്നില്‍ അര്‍പ്പിച്ച, അര്‍പ്പിക്കുന്ന ഈ വിശ്വാസത്തിന്, സ്‌നേഹത്തിന് വാക്കുകള്‍ കൊണ്ട് നന്ദി പറയാനാവില്ല.
പ്രതിസന്ധികളെ അതിജീവിക്കാന്‍, ഇനിയും അങ്ങോട്ട് സഹജീവികളോടുള്ള കരുണയും കരുതലും നമുക്ക് ചേര്‍ത്തു പിടിക്കാം.
എല്ലാവര്‍ക്കും എന്റെ ഹൃദയം നിറഞ്ഞ ഈദ് മുബാറക്ക്. ഇനി പ്രാര്‍ത്ഥനകള്‍ ദൈവം കേള്‍ക്കട്ടെ.
ഒരുപാട് ഒരുപാട് സ്‌നേഹത്തോടെ
നിങ്ങളുടെ സ്വന്തം സണ്ണി വെയിന്‍

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക