സിനിമയിലെ പുകവലി: ഫഹദിനു രണ്ടു വര്‍ഷം വരെ തടവു ലഭിക്കാം
Published on 15 June, 2012
കൊച്ചി: സിനിമയിലും സീരിയലുകളിലും പുക വലിക്കുന്നത് നിരോധിച്ച നിയമം ലംഘിച്ചതിന് കേസെടുക്കപ്പെട്ട നടന്‍ ഫഹദിന് കുറ്റം തെളിയിക്കപ്പെട്ടാല്‍ രണ്ടു വര്‍ഷം വരെ തടവു ലഭിക്കാം.
സിനിമയിലെ പുകവലിയുടെ പേരിലാണ് നടന്‍ ഫഹദ് ഫാസിലിനെതിരേ കേസെടുത്തിരിക്കുന്നത്. ലാല്‍ ജോസിന്റെ 'ഡയമണ്ട് നെക്‌ലസ്' എന്ന ചിത്രത്തില്‍ പുകവലിച്ച് അഭിനയിച്ചതിനാണു കേസെടുത്തതെന്ന് എറണാകുളം സെന്‍ട്രല്‍ പോലീസ് എസ്‌ഐ അനന്തലാല്‍ അറിയിച്ചു. നാര്‍കോട്ടിക് സെല്‍ അസിസ്റ്റന്റ് കമ്മീഷണര്‍ ജോസഫ് സാജുവിന്റെ നിര്‍ദേശപ്രകാരമാണു കേസെടുത്തത്. സിബി മലയില്‍ സംവിധാനം ചെയ്ത 'അപൂര്‍വരാഗം'എന്ന ചിത്രത്തില്‍ നടന്‍ നിഷാന്‍ സിഗററ്റ് വലിച്ചതിനു സമാനനിയമനടപടി നേരിട്ടിരുന്നു. 2011ല്‍ ഇതു സംബന്ധിച്ചു ഫോര്‍ട്ടുകൊച്ചി പോലീസ് കേസെടുത്തു. കേസില്‍ ജാമ്യമെടുത്ത നിഷാന്‍ ഇപ്പോള്‍ വിചാരണ നേരിടുകയാണ്.
സിനിമയിലും സീരിയലിലും അഭിനേതാക്കള്‍ പുകയില ഉത്പന്നങ്ങള്‍ ഉപയോഗിച്ച് അഭിനയിക്കുന്നതു കര്‍ശനമായി വിലക്കുന്ന നിയമം 2004 മേയ് ഒന്നിനാണ് നിലവില്‍ വന്നത്. ഇതനുസരിച്ചാണു കേസെടുത്തിട്ടുള്ളത്.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala