Image

അമൃത ഭാഷ (മാതൃഭാഷാ ദിനം:രാജൻ കിണറ്റിങ്കര)

Published on 21 February, 2021
അമൃത ഭാഷ (മാതൃഭാഷാ ദിനം:രാജൻ കിണറ്റിങ്കര)
ആദ്യാക്ഷരങ്ങളിൽ
അമൃതം ചൊരിയുന്ന
മാതൃത്വമുണരുന്ന
സ്നേഹ ഭാഷ

അമ്മയെന്ന -
ച്ഛനെന്നക്ഷരക്കുട്ടിലെ
അകതാരിൽ
കുളിരേകും
വാത്സല്യ ഭാഷ

നാടിൻ സമൃദ്ധിയിൽ
കളകളം ഒഴുകുന്ന
ജലമർമ്മരങ്ങൾ തൻ
സംഗീത ഭാഷ

കേരങ്ങൾ തിങ്ങുന്ന
കായലോരങ്ങളിൽ
കേരളപ്പെരുമയിൽ
ഹൃദയ ഭാഷ

ജാതി മതങ്ങൾ തൻ
വിഷജ്വരം തീണ്ടാത്ത
വടിവൊത്ത രൂപത്തിൽ
സഹന ഭാഷ

ഓർമ്മയിൽ കുളിരേകും
ഭൂതകാലത്തിൻ്റെ
ചിത്രം വരയ്ക്കുന്ന
സൗന്ദര്യ ഭാഷ

സ്വപ്നം മയങ്ങുന്ന
നിദ്രതൻ തെരുവിലെ
ആമ്പൽ മണം പോലെ
മലയാള ഭാഷ

കൈ പിടിച്ചുമ്മ-
വച്ചോതുന്നു കാതിൽ
കാലം കെടുത്താത്ത
എൻ  മാതൃഭാഷ

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക