-->

America

അമ്മയ്ക്കായ് ; അഞ്ജു അരുൺ

Published

on

ഇന്ന് വനിതാ ദിനം... ഈ ദിനം ഞാൻ എന്റെ അമ്മയ്ക്ക് സമർപ്പിക്കുന്നു.... 

എന്നെ സ്വാധീനിച്ച വനിത- അതെന്റെ അമ്മയാണ്.... 

പരിമിതികൾക്കുള്ളിൽ നിന്നുകൊണ്ട് എന്നെ ഞാനാക്കി മാറ്റിയ എന്റെ അമ്മ.. 
അംഗവൈകല്യമുള്ള  എന്റെ പപ്പയെ പൂർണ്ണമനസോടെ സ്വീകരിച്ചുകൊണ്ട്, അദ്ദേഹത്തെ പരിപാലിച്ചു പോരുന്ന എന്റെ അമ്മ.... 

വിവാഹശേഷം ഏറെ നാൾ കാത്തിരുന്നിട്ടും ഒരു കുഞ്ഞിനെ ലഭിക്കാതിരുന്നപ്പോൾ എല്ലാവരുടെയും കുറ്റപ്പെടുത്തലും പരിഹാസവും കേട്ടിട്ടും തളരാതെ പ്രാർത്ഥനയോടെ കാത്തിരുന്നവളായിരുന്നു എന്റെ അമ്മ... 

ഒടുവിൽ പ്രാർത്ഥനകളുടെ  ഫലമെന്നോണം എന്റെ ജനനം... 
പക്ഷെ... ആ സന്തോഷത്തിനും അധികം ആയുസ് ഉണ്ടായിരുന്നില്ല. പപ്പയെ പോലെ  എനിക്കും ചെറിയ വൈകല്യമുണ്ടെന്ന്  തിരിച്ചറിഞ്ഞ നിമിഷം... ആ സമയം എന്തു മാത്രം ആ പാവം വേദനിച്ചിട്ടുണ്ടാവും.  

എന്നും പലവിധ അസുഖങ്ങൾ കൊണ്ട് വീർപ്പുമുട്ടുന്ന തന്റെ മകളെയും കൊണ്ടു തനിയെ  ആശുപത്രികൾ കയറിയിറങ്ങുമ്പോൾ എന്റെ അമ്മ ഒരിക്കലും വിധിയെ പഴിച്ചില്ല. 

എന്റെ കുഞ്ഞുനാളിൽ സ്കൂളിൽ നിന്നും  കൂട്ടുകാരുടെ കളിയാക്കലുകളിൽ സങ്കടപ്പെട്ടു വീട്ടിൽ ചെല്ലുന്ന ഞാൻ പലതവണ ചോദിച്ചിട്ടുണ്ട് അമ്മ എന്തിനാ ഈ പപ്പായെ കല്യാണം കഴിച്ചത്... അതുകൊണ്ട് അല്ലെ എന്റെ കൈ ഇങ്ങനെയായത് , വേറെ പപ്പായെ കല്യാണം കഴിച്ചിരുന്നു എങ്കിൽ ഇങ്ങനെ ഒന്നും വരില്ലാരുന്നല്ലൊ എന്ന്...   അപ്പൊ എന്റെ അമ്മ പറഞ്ഞത്  ഇങ്ങനെയാണ്... ഈശോയ്ക്ക് ഒരുപാട് ഇഷ്ടം ഉള്ളവർക്കാണ് ഈശോ ഇങ്ങനെ കുറവുകൾ നൽകുന്നത് ... മോളെയും പപ്പയെയും  ഈശോയ്ക്ക് ഒരുപാട് ഇഷ്ടം ആയതുകൊണ്ടാണ് ഇങ്ങനെ... 
പിന്നേ മോൾക്ക് ഒരു കൈക്ക് സ്വാധീനം കുറവുണ്ട് എന്നല്ലേയുള്ളൂ... അല്ലാതെ വേറെ ഒരു കുഴപ്പവുമില്ലല്ലൊ... പിന്നേ ആ കുറവ് നികത്താൻ ഈ അമ്മയില്ലേ മോൾക്കൊപ്പം... 
ആ വാക്കുകൾ ആയിരുന്നു എന്റെ ജീവിതത്തിൽ ഞാൻ നേടിയ ഓരോ വിജയത്തിനും പിന്നിൽ... 

ജീവിതവഴിയിൽ ഞാൻ തളർന്നു പോയേക്കാവുന്ന പല അവസരങ്ങളും കടന്നുവന്നു.. അപ്പോഴൊക്കെ തളരരുത് എന്നുപറഞ്ഞു എന്നെ ചേർത്ത് പിടിച്ചവളായിരുന്നു എന്റെ അമ്മ... 
ആത്മഹത്യയുടെ മുനമ്പിൽ എത്തിപ്പെട്ടപ്പോളും, മനസിന്റെ താളം തന്നെ തെറ്റിപ്പോയെക്കാവുന്ന അവസ്ഥയിലും ഞാൻ എത്തിപ്പെട്ടപ്പോൾ തളരാതെ എന്നെ ചേർത്ത് നിർത്തിയവളാണ് എന്റെ അമ്മ... 
എന്റെ ജീവിതത്തിലേ ഉയർച്ചയിലും താഴ്ച്ചയിലും എന്നും എനിക്ക് ഒപ്പം ഉണ്ട് എന്റെ അമ്മ.

ഏതു വിഷമവും മറക്കുവാൻ അമ്മയുടെ ഒരു ഫോൺ കാൾ മതി എനിക്ക്... ആ സ്വരം ഒന്നു കേട്ടാൽ എന്റെ വിഷമങ്ങളെല്ലാം ഞാൻ പോലും അറിയാതെ അലിഞ്ഞു പോകും. 

ഇപ്പോഴും പപ്പയുടെയും എന്റെയും കുറവുകൾ നികത്തി ഞങ്ങളെ തളരാതെ ചേർത്ത് നിർത്തി ഞങ്ങൾക്ക് കരുത്തു പകരുന്ന എൻറെ അമ്മയാണ് എന്റെ ജീവിതത്തിൽ എന്നെ സ്വാധീനിച്ച വനിത.... 

Lv u mummy

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

ഗംഗ; കവിത, മിനി സുരേഷ്

കോർപ്പറേറ്റ് ഗോഡസ്സ് - പുഷ്പമ്മ ചാണ്ടി (നോവൽ - ഭാഗം - 10 )

ഉഗു (കഥ: അശോക് കുമാർ.കെ.)

പാമ്പും കോണിയും - നിർമ്മല - നോവൽ 46

കദനമഴ (കവിത: ജിസ പ്രമോദ്)

കൊ (കവിത: വേണുനമ്പ്യാർ)

ഉത്സവക്കാഴ്ചകൾ (കഥ:സാക്കിർ സാക്കി, നിലമ്പൂർ)

മഹാമാരി വരുമ്പോൾ (കവിത: മുയ്യം രാജൻ)

സാന്ത്വന കൈകൾ (ജയശ്രീ രാജേഷ്)

ദൈവത്തിന്റെ പ്രതിരൂപങ്ങള്‍(കവിത: രാജന്‍ കിണറ്റിങ്കര)

പിന്തുടർന്ന വെള്ളാരംകണ്ണുകൾ (കഥ: രമണി അമ്മാൾ)

മെയ്മാസമേ....(കവിത: മാര്‍ഗരറ്റ് ജോസഫ്)

കാര്യസ്ഥന്‍ (നോവല്‍ -അധ്യായം -11: കാരൂര്‍ സോമന്‍)

മിഡാസ് ടച്ച് (കവിത: വേണുനമ്പ്യാര്‍)

കനലെരിയുമ്പോൾ (രേഖ ഷാജി)

ക്വാറന്റൈൻ (കവിത: ശിവൻ)

അമ്മ (കവിത: സുഭദ്ര)

ഊഞ്ഞാല്‍...(ചെറുകഥ: അനീഷ് കേശവന്‍)

ഇലകൾ പൊഴിച്ച ഒരു മരം (കഥ: പുഷ്പമ്മ ചാണ്ടി )

അമ്മയും ഞാനും (രമാ പ്രസന്ന പെരുവാരം)

അമ്മ (കവിത: ഡോ.എസ്.രമ )

അമ്മ (ജയശ്രീ രാജേഷ്)

വളയിട്ട കിനാവുകള്‍ (കവിത: ഷാജന്‍ ആനിത്തോട്ടം)

അമ്മ നിലാവ് (രേഖ ഷാജി)

നക്ഷത്രരാവുകൾ (അനിൽ.ടി.പ്രഭാകർ)

നിദ്രാവിഹീനം (മിനിക്കഥ: ബീന ബിനിൽ)

പാമ്പും കോണിയും - നിർമ്മല - നോവൽ - 45

അപരോക്ഷം (കവിത: വേണുനമ്പ്യാര്‍)

കോർപ്പറേറ്റ് ഗോഡസ്സ് - പുഷ്‌പമ്മ ചാണ്ടി - ഭാഗം - 9

നാടുകാണി (കവിത: മുയ്യം രാജന്‍)

View More