Image

ലാലേട്ടൻ സംവിധായകനും നായകനുമാകുമ്പോൾ

അനിൽ പെണ്ണുക്കര Published on 09 April, 2021
ലാലേട്ടൻ സംവിധായകനും നായകനുമാകുമ്പോൾ
വിസ്മയമെന്ന് പ്രേക്ഷകരും ആരാധകരും ഒരുപോലെ പറഞ്ഞു പോറ്റുന്ന മലയാളികളുടെ പ്രിയപ്പെട്ട മോഹൻലാൽ എന്ന നടൻ ആദ്യമായി സംവിധാനരംഗത്തേക്ക് കാലെടുത്തു വയ്ക്കുന്നു. അങ്ങനെ ഇന്ത്യൻ സിനിമയിൽ വീണ്ടും ഒരു ചരിത്രം കൂടി പിറക്കുകയാണ്. മോഹൻ ലാൽ സവിധായകനാവുകയാണ് . ബാരോസ് എന്ന സിനിമയെ കുറിച്ച്, നിധി കാക്കുന്ന ഭൂതത്തിന്റെ തുടക്കങ്ങളെ കുറിച്ച് ഇനി അറിയാത്തവർ മലയാളികൾ ആണോ എന്ന് പോലും സംശയിക്കേണ്ടിയിരിക്കുന്നു. അത്രത്തോളം സോഷ്യൽ മീഡിയകളിലും മറ്റും ചർച്ചയായിരിക്കുകയാണ് മോഹൻലാലിന്റെ ബാരോസ് എന്ന സിനിമ.

വർഷങ്ങളായി മലയാളസിനിമയുടെ മുഖമായി മാറിയ നടനാണ് മോഹൻലാൽ എന്ന മഹാ  പ്രതിഭ, അയാൾ കരഞ്ഞപ്പോഴൊക്കെ കൂടെ നമ്മളും കരഞ്ഞു; അയാൾ ചിരിചപ്പോഴൊക്കെ അയാളെക്കാളുമധികം നമുക്കും ചിരിവന്നു. മോഹൻലാൽ എന്ന നടൻ അങ്ങനെയാണ് മലയാളിയുടെ രക്തത്തിലേക്ക് അലിഞ്ഞു ചേർന്നത്. അയാൾ ഒരിക്കലും അഭിനയിച്ചിട്ടില്ല. ജീവിച്ചിട്ടേയുള്ളൂ അന്നുമിന്നും. ആ ജീവിതത്തിലെ പാഠവങ്ങളാണ് ബാരോസ് ന്റെ ഉൾക്കരുത്ത്. 

ലാലേട്ടൻ സംവിധായകനും നായകനുമാകുമ്പോൾ വലിയ ആവേശത്തിലാണ് ആരാധകർ സിനിമയെ കാത്തിരിക്കുന്നത്. ഇതിനോടകം തന്നെ ലോകശ്രദ്ധയാർജ്ജിച്ച പലരെയും ലാലേട്ടൻ ബാരോസിന് വേണ്ടി തിരഞ്ഞെടുത്തു കഴിഞ്ഞിരിക്കുന്നു. ഷൂട്ടിംഗ് ലൊക്കേഷനിൽ ആക്ഷൻ ഉം കട്ട്‌ ഉം പറയുന്ന ആ മനുഷ്യനെ ഇരുകയ്യും നീട്ടി പ്രേക്ഷകർ സ്വീകരിക്കുമെന്നതിൽ സംശയിക്കേണ്ടതില്ല.

സംവിധായകരായ ധാരാളം നായകന്മാരും നടീനടന്മാരുമൊക്കെ നമ്മുടെ സിനിമാമേഖലയിൽ  ഉണ്ട്. വിനീത് ശ്രീനിവാസനെ പോലെ, പ്രഥ്വിരാജിനെ പോലെ, ശ്രീനിവാസനെ പോലെ, ദിലീഷ് പോത്തനെ പോലെ ഒരുപാട് പ്രതിഭകൾ ഉണ്ട് നമുക്ക് ചുറ്റും. എന്നിട്ടും എന്തുകൊണ്ട് ലാലേട്ടൻ മാത്രം ചർച്ചചെയ്യപ്പെടുന്നു എന്ന് ചോദിച്ചാൽ, അദ്ദേഹം നേടിയെടുത്ത അഭിനയത്തിന്റെ സാധ്യതകളും മറ്റും എങ്ങനെയാണ് ബാറോസിനെ അഭിമാനമാക്കി മാറ്റുക എന്നതറിയാൻ പ്രേക്ഷകർക്കുള്ള ആകാംഷ എന്ന് പറയാം 

സിനിമ ഒരു വാണിജ്യ മേഖല തന്നെയാണ് അതുകൊണ്ട് തന്നെ അത് നിലനിൽക്കണമെങ്കിൽ അതേ വാണിജ്യ സാധ്യതകളും നിലനിൽക്കേണ്ടതുണ്ട്. തമിഴ്, മലയാളം, കണ്ണട, തെലുഗ്, ബോളിവുഡ്, തുടങ്ങിയ മേഖലകളിൽ എല്ലാം തന്നെ സിനിമ കേന്ദ്രീകരിച്ചിരിച്ചിരിക്കുന്നത് ചില സൂപ്പർസ്റ്റാറുകളെയാണ്. അവരെ ചുറ്റിയാണ് സിനിമകളുടെ വാണിജ്യം നടക്കുന്നത്. മോഹൻലാൽ എന്ന പ്രതിഭ മലയാളത്തിലെ വാണിജ്യ സിനിമയുടെ ഏറ്റവും വലിയ മുഖം തന്നെ. കോടികളുടെ റെക്കോർഡുകൾ അതുകൊണ്ട് സൃഷ്ടിക്കാനും സാധ്യതയുള്ള സിനിമയാണ് ബാരോസ് എന്നതിൽ സംശയമില്ല. ബാരോസ് വി എഫ് എക്സ് ന്റെയും മറ്റും വലിയ സാധ്യതകളെയും പുതിയ ഒരുപാട് പ്രതിഭകളെയും, ലോകനിലവാരമുള്ള ടെക്നിക്കൽ വശവും മലയാള സിനിമയ്ക്ക് സമ്മാനിക്കുമെന്ന് ഉറപ്പാണ് .അതെ ലാലേട്ടൻ നമുക്കെന്നും വലിയ പ്രതീക്ഷയാണ് ...അഭിമാനമാണ് ... 
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക