രാഷ്ട്രീയക്കാർ (ബാബു പാറയ്ക്കൽ)
Published on 10 April, 2021
ആരവമടങ്ങി ആരാണെന്നറിയില്ല
ആരെന്ന ചോദ്യത്തിനുത്തരമെവിടുണ്ട്
പെട്ടിയിൽ മയങ്ങുന്നൊരുത്തരം ദർശിക്കുവാൻ
പെട്ടി തന്നുള്ളിലേക്കൂളിയിട്ടൊരു വിദ്വാൻ
തമസിൻ മടിത്തട്ടിലുറങ്ങുമീ ബാലറ്റുകൾ
തപ്പിത്തടഞ്ഞുകൊണ്ടെഴുന്നേറ്റെവം ചൊല്ലി
എന്തിനു ഞങ്ങളെ ഈ വിധം ശിക്ഷിക്കേണം
എന്നാണിനി മോക്ഷം ഈ പെട്ടിക്കുള്ളിൽ നിന്നും
നിങ്ങളിലുറങ്ങുമീ ഭാസുരമാം നാടിൻ ഭാവി
നിങ്ങളിൽ നിക്ഷേപിച്ചിട്ടിരിക്കയാണിന്നെല്ലാരും
സംഭ്രമിച്ചീടുന്നൊരാം ഞങ്ങൾക്കുത്തരം വേണം
സംവാദിപ്പാൻ നിങ്ങൾക്കാകുമോവോട്ടിൻപെട്ടീ
ആരാണീ നേതാക്കന്മാർ നിങ്ങൾക്കറിയേണ്ടേ
ആരാധിച്ചീടും ജനംവിഗ്രഹാർപ്പണംപോലെ
നേരില്ല നെറിയില്ലൊട്ടും സത്യസന്ധതയില്ല
നേരിടും പ്രശ്നങ്ങൾതൻ സൃഷ്ടികർത്താക്കളാവർ
പത്രിക പ്രകടനം മാത്രം വാഗ്‌ദാനം ജലരേഖ
പത്രത്തിൽ പ്രസ്താവന പേരിനായ് മാത്രം കാണും
തെരഞ്ഞെടുത്താൽ പിന്നെ തിരിഞ്ഞു നോക്കാത്തവർ
തെരയും ജനങ്ങളെ തള്ളിയിട്ടോടുന്നവർ
തമ്മിൽ തല്ലി കുത്തി തലകീറും നേതാക്കന്മാർ
തമ്മിൽ പുണർന്നീടും അഴിമതിക്കുണ്ടിൽ നിന്നാൽ
ആടിനെപട്ടിയാക്കീടുന്ന വിദ്യയഭ്യസിച്ചവർ
ആഴിതന്നാഴങ്ങൾക്കും വിലപറഞ്ഞീടുന്നവർ
കോഴയായ് വന്നീടുന്ന കോടികൾ മുക്കുംനിങ്ങൾ
കോടിയില്ലാതെ ജനം നഗ്നരായ് നിന്നീടുമ്പോൾ
വാണിഭം വേണം നാടിന്നുയരത്തിലെത്താനായി
വാണിഭം പെണ്ണെന്നായാൽ കക്ഷിരാഷ്ട്രീയംവേണ്ട
പ്രകൃതി തൻ ക്ഷോഭങ്ങളും വൻദുരന്തങ്ങളും
പ്രത്യയ ശാസ്ത്രത്തിനപ്പുറംകേഴുന്നവർ
പിരിച്ചെടുത്തീടുന്നു ഫണ്ടുകൾ ഓരോന്നായി
പിന്നാലെ വലിയുന്നു മണലിൽ ജലം പോലെ
ലക്ഷം കോടികൾ വേണം ലക്ഷ്യത്തിലെത്താനായി
ലക്ഷ്യമില്ലാതലയുന്നു കോടികൾ നിർവികാരരായ്
വീണ്ടും ഭരിക്കണം ഇനി അഞ്ചു വർഷങ്ങളും
വീഴാതെ നോക്കണംസ്വപ്‌നമാംസ്വർണമഞ്ചത്തിലും
ഏതെല്ലാം ഏജൻസി അന്വേഷിച്ചീടുന്നു കേസുകൾ
ഏതൊക്കെ നേരത്തു പൊക്കിടും ആധിയായി
അന്വേഷണത്തിൻ ശങ്കയോർത്തിട്ടു ഭയം വേണ്ട
അന്യോന്യം പുറം ചൊറിയേണ്ടവരല്ലോ നമ്മൾ!
ആരെന്ന ചോദ്യത്തിനുത്തരമെവിടുണ്ട്
പെട്ടിയിൽ മയങ്ങുന്നൊരുത്തരം ദർശിക്കുവാൻ
പെട്ടി തന്നുള്ളിലേക്കൂളിയിട്ടൊരു വിദ്വാൻ
തമസിൻ മടിത്തട്ടിലുറങ്ങുമീ ബാലറ്റുകൾ
തപ്പിത്തടഞ്ഞുകൊണ്ടെഴുന്നേറ്റെവം ചൊല്ലി
എന്തിനു ഞങ്ങളെ ഈ വിധം ശിക്ഷിക്കേണം
എന്നാണിനി മോക്ഷം ഈ പെട്ടിക്കുള്ളിൽ നിന്നും
നിങ്ങളിലുറങ്ങുമീ ഭാസുരമാം നാടിൻ ഭാവി
നിങ്ങളിൽ നിക്ഷേപിച്ചിട്ടിരിക്കയാണിന്നെല്ലാരും
സംഭ്രമിച്ചീടുന്നൊരാം ഞങ്ങൾക്കുത്തരം വേണം
സംവാദിപ്പാൻ നിങ്ങൾക്കാകുമോവോട്ടിൻപെട്ടീ
ആരാണീ നേതാക്കന്മാർ നിങ്ങൾക്കറിയേണ്ടേ
ആരാധിച്ചീടും ജനംവിഗ്രഹാർപ്പണംപോലെ
നേരില്ല നെറിയില്ലൊട്ടും സത്യസന്ധതയില്ല
നേരിടും പ്രശ്നങ്ങൾതൻ സൃഷ്ടികർത്താക്കളാവർ
പത്രിക പ്രകടനം മാത്രം വാഗ്‌ദാനം ജലരേഖ
പത്രത്തിൽ പ്രസ്താവന പേരിനായ് മാത്രം കാണും
തെരഞ്ഞെടുത്താൽ പിന്നെ തിരിഞ്ഞു നോക്കാത്തവർ
തെരയും ജനങ്ങളെ തള്ളിയിട്ടോടുന്നവർ
തമ്മിൽ തല്ലി കുത്തി തലകീറും നേതാക്കന്മാർ
തമ്മിൽ പുണർന്നീടും അഴിമതിക്കുണ്ടിൽ നിന്നാൽ
ആടിനെപട്ടിയാക്കീടുന്ന വിദ്യയഭ്യസിച്ചവർ
ആഴിതന്നാഴങ്ങൾക്കും വിലപറഞ്ഞീടുന്നവർ
കോഴയായ് വന്നീടുന്ന കോടികൾ മുക്കുംനിങ്ങൾ
കോടിയില്ലാതെ ജനം നഗ്നരായ് നിന്നീടുമ്പോൾ
വാണിഭം വേണം നാടിന്നുയരത്തിലെത്താനായി
വാണിഭം പെണ്ണെന്നായാൽ കക്ഷിരാഷ്ട്രീയംവേണ്ട
പ്രകൃതി തൻ ക്ഷോഭങ്ങളും വൻദുരന്തങ്ങളും
പ്രത്യയ ശാസ്ത്രത്തിനപ്പുറംകേഴുന്നവർ
പിരിച്ചെടുത്തീടുന്നു ഫണ്ടുകൾ ഓരോന്നായി
പിന്നാലെ വലിയുന്നു മണലിൽ ജലം പോലെ
ലക്ഷം കോടികൾ വേണം ലക്ഷ്യത്തിലെത്താനായി
ലക്ഷ്യമില്ലാതലയുന്നു കോടികൾ നിർവികാരരായ്
വീണ്ടും ഭരിക്കണം ഇനി അഞ്ചു വർഷങ്ങളും
വീഴാതെ നോക്കണംസ്വപ്‌നമാംസ്വർണമഞ്ചത്തിലും
ഏതെല്ലാം ഏജൻസി അന്വേഷിച്ചീടുന്നു കേസുകൾ
ഏതൊക്കെ നേരത്തു പൊക്കിടും ആധിയായി
അന്വേഷണത്തിൻ ശങ്കയോർത്തിട്ടു ഭയം വേണ്ട
അന്യോന്യം പുറം ചൊറിയേണ്ടവരല്ലോ നമ്മൾ!
Facebook Comments
Comments
Varghese Korason 2021-04-10 22:59:34
"ലക്ഷം കോടികൾ വേണം ലക്ഷ്യത്തിലെത്താനായി
ലക്ഷ്യമില്ലാതലയുന്നു കോടികൾ നിർവികാരരായ്":
അസ്സലായിരിക്കുന്നു ബാബു
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala