പോലീസിന്റെ അഹങ്കാരം എടുത്തുചാട്ടം ഒരാളുടെ ജീവനെടുത്തു. ബറൂക്കിളിന് സിറ്റി സെന്റ്റര് മിനസോട്ടയില് ഞായറാഴ്ച നടന്ന, ഡാന്റ്റെ വ്രയ്റ്റ് എന്ന ഇരുപത്തിയൊന്നു കാരന്വെടിയേറ്റ് മരിച്ചതില് നൂറു ശതമാനം ഉത്തരവാദിത്വം പോലീസ് വഹിക്കുന്നു, വഹിക്കണം. സമ്മതിക്കുന്നു കൊല്ലപ്പെട്ട ഡാന്റെ വ്രയ്റ്റ് മുന് കാലങ്ങളില് പല കുറ്റങ്ങളിലും ഉള്പ്പെട്ടിട്ടുള്ള പോലീസിന്റ്റെ നോട്ടപ്പുള്ളി പട്ടികയില് ഉണ്ടായിരുന്ന ഒരാള് കൂടാതെ പോലീസ് തടഞ്ഞ സമയം രജിസ്റ്റര് പുതുക്കാതെ വാഹനവും ഒടിച്ചിരുന്നു.
പോലീസ് ശരീര ക്യാമറയില് ചിത്രീകരിക്കപ്പെട്ടിരുന്ന ദൃശ്യങ്ങള് വീക്ഷിച്ചാല് മനസ്സിലാകും പോലീസ് അവരുടെ പെരുമാറ്റത്തില് പരാജയപ്പെട്ടു എന്ന്. വാഹനത്തില് നിന്നും പുറത്തിറങ്ങിയ ഡാന്റ്റെയെ വിലങ്ങു വൈക്കുന്നതിനുള്ള ശ്രമത്തില് ഇയാള് പോലീസിന്റ്റെ പിടിയില് നിന്നും കുതറി മാറി വീണ്ടും കാറില് കയറി വാഹനം പ്രവര്ത്തിപ്പിച്ചു.ഈ സമയമാണ് കൂടെ ഉണ്ടായിരുന്ന മറ്റൊരു പോലീസ് ഉദ്യോഗസ്ഥ നിറതോക്കൊഴിക്കുന്നത്. അതിനുശേഷം ഇപ്പോള് പറയുന്നു ഉണ്ടയുള്ള തോക്കല്ല താന് ഉദ്ദേശിച്ചത് ആളെ മയക്കുന്ന വൈദ്യുത തോക്ക് അതാണെന്ന് ഇത് തികച്ചും അവിശ്വസനീയം.
പോലീസിന്റ്റെ മുന്നില് നിരവധി മാര്ഗ്ഗങ്ങള് ഉണ്ടായിരുന്നു ഈയൊരു ദാരുണ സംഭവം ഒഴിവാക്കുന്നതിന്. ഒന്നാമത് ഡാന്റ്റെ പുറത്തിറങ്ങിയപ്പോള് എന്തുകൊണ്ട് അയാളില് നിന്നും വാഹനത്തിന്റ്റെ താക്കോല് വാങ്ങിയില്ല? രണ്ടാമത്, ഡാന്റ്റെ കാര് വീണ്ടും ഓടിക്കുവാന് തുടങ്ങി ഇനിയിപ്പോള് വൈദ്യുത തോക്ക് ഉപയോഗിച്ചാല്ത്തന്നെയും ഓടുവാന് തുടങ്ങുന്ന വാഹനം നില്ക്കുമോ? അത് വീണ്ടും മുന്നോട്ടു പോയി വേറെയും നാശനഷ്ടങ്ങള് വരുത്തില്ലെ? വാസ്തവത്തില് അത് സംഭവിച്ചു. ഡാന്റ്റെ ഓടിച്ച കാര് നിയന്ത്രണംവിട്ടോടി മറ്റൊരു വാഹനത്തില് ഇടിച്ചു അതില് സഞ്ചരിച്ചിരുന്ന വ്യക്തിക്ക് പരുക്കും പറ്റി.
ഡാന്റ്റെ വ്രയ്റ്റ് ഒരു കുലപ്പുള്ളിയോ അതുപോലുള്ള ഹീന കൃത്യങ്ങള് മുന്കാലങ്ങളില് നടത്തിയിട്ടുള്ള ആളുമല്ല. ഇയാളെക്കുറിച്ചുള്ള എല്ലാ വിവരങ്ങളും നിയമപാലകര്ക്ക് അറിയാം എവിടെ താമസിക്കുന്നു,സഞ്ചാര മാര്ഗ്ഗങ്ങളും ഇന്നല്ലഎങ്കില് നാളെ ഇയാളെ ഇവര്ക്ക് പിടികൂടുന്നതിന് പറ്റുമായിരുന്നു. പിന്നെന്തിനായിരുന്നു ഈയൊരു എടുത്തുചാട്ടം?
അപ്പോള് അതല്ല അവിടെ സംഭവിച്ചത് പോലിസിന് അവരുടെ അധികാര പ്രകടനമാണ് ഒരു മനുഷ്യ ജീവനേക്കാള് വലുത്. മുന്കാലങ്ങളില് സ്കൂള് അധ്യാപകര് അവരുടെ പ്രാധാന്യത സ്ഥാപിക്കുന്നതിന് കുട്ടികളെ തല്ലി പഠിപ്പിക്കുവാന് ശ്രമിക്കുന്ന രീതികള് നാം കണ്ടിട്ടുണ്ട് അതാണ് ഇവിടെ നടന്നത്. പോലീസിന്റ്റെ അഭിമാനം, മഹത്വം അതിന് കോട്ടംതട്ടിക്കൂടല്ലോ.
കഴിഞ്ഞ വര്ഷം മിനസോട്ടയില് നടന്ന ജോര്ജ് ഫ്ലോയിഡ് കൊലയുടെ കോടതി വിചാരണ നടക്കുന്ന സമയമാണ് ഈയൊരു സംഭവവും അരങ്ങേറുന്നത്. അന്നു കരുതി ഇനി പോലീസ്, പ്രതികളെ കൈകാര്യീ ചെയ്യുന്നതില് കുറച്ചുകൂടി സൂഷ്മത കാട്ടും എന്നെല്ലാം. അതെല്ലാം തെറ്റ്.