Image

വേള്‍ഡ് മലയാളി കൗണ്‍സിലിന് പുതിയ ഗ്ലോബല്‍ നേതൃത്വം

Published on 16 April, 2021
 വേള്‍ഡ് മലയാളി കൗണ്‍സിലിന് പുതിയ ഗ്ലോബല്‍ നേതൃത്വം

ഡബ്ലിന്‍: വേള്‍ഡ് മലയാളി കൗണ്‍സില്‍ ഗ്ലോബല്‍ കൗണ്‍സില്‍ തെരഞ്ഞെടുപ്പില്‍ ചെയര്‍മാനായി ജോണി കുരുവിളയും പ്രസിഡന്റായി ടി.പി വിജയനും വൈസ് പ്രസിഡന്റ് -അഡ്മിനായി സി.യു. മത്തായിയും ജനറല്‍ സെക്രട്ടറിയായി പോള്‍ പാറപ്പള്ളിയും ട്രഷററായി ജെയിംസ് കൂടലും, ജോസഫ് കില്ലിയന്‍ (വൈസ് പ്രസിഡന്റ് യൂറോപ്പ് റീജണ്‍ ),ജോര്‍ജ് കുളങ്ങര, ഡോ. അജി കുമാര്‍ കവിദാസന്‍, രാജീവ് നായര്‍ (വൈസ് ചെയര്‍മാന്‍മാര്‍ ) എന്നിവര്‍ വിജയിച്ചു.

ഡോ. സൂസന്‍ ജോസഫ് ( വൈസ് ചെയര്‍ പേഴ്‌സണ്‍), ബേബി മാത്യു സോമതീരം (വൈസ് പ്രസിഡന്റ് -ഓര്‍ഗനൈസേഷന്‍ ), എസ്.കെ. ചെറിയാന്‍ (വൈസ് പ്രസിഡന്റ് -അമേരിക്ക റീജണ്‍), ഷാജി എം. മാത്യു (വൈസ് പ്രസിഡന്റ് -ഇന്ത്യ റീജണ്‍), ചാള്‍സ് പോള്‍ (വൈസ് പ്രസിഡന്റ് മിഡില്‍ ഈസ്റ്റ് റീജണ്‍) സിസിലി ജേക്കബ് (വൈസ് പ്രസിഡന്റ് -ആഫ്രിക്ക റീജണ്‍), ഇര്‍ഫാന്‍ മാലിക്ക് (വൈസ് പ്രസിഡന്റ് ഫാര്‍ ഈസ്റ്റ് റീജണ്‍ ) ദിനേശ് നായര്‍ , ടിവി എന്‍ കുട്ടി (സെക്രട്ടറിമാര്‍) ,ഡോ സുനന്ദാ കുമാരി ,എന്‍ പി വാസു നായര്‍ (ജോയിന്റ് സെക്രട്ടറിമാര്‍ ), പ്രോമിത്യുസ് ജോര്‍ജ്ജ് (ജോയിന്റ് ട്രഷറര്‍ ) എന്നിവര്‍ക്ക് എതിര്‍ സ്ഥാനാര്‍ഥികള്‍ ഇല്ലാതിരുന്നതിനാല്‍ മുഖ്യ തെരഞ്ഞെടുപ്പ് കമ്മീഷന്‍ അവരെ വിജയികളായി പ്രഖ്യാപിച്ചു.

ഏറെ ശ്രദ്ധിക്കറു റീജണുകളില്‍ നിന്നും അയര്‍ലന്‍ഡിലെ ഉള്‍പ്പെടെ 95 പ്രതിനിധികള്‍ കോവിഡിന്റെ സാഹചര്യത്തില്‍ ഇ വോട്ടിംഗ് ഉപയോഗിച്ചാണ് പുതിയ ഭരണസമിതിയെ തെരഞ്ഞടുത്തത് . മുഖ്യ തെരഞ്ഞെടുപ്പ് കമ്മീഷണര്‍ എ.എസ്. ജോസിന്റെ നേതൃത്വത്തിലാണ് തെരഞ്ഞെടുപ്പ് നടന്നത് .

ഒരു ആഗോള സംഘടനയുടെ ഗ്ലോബല്‍ തെരഞ്ഞെടുപ്പ് ഇ -വോട്ടിംഗിലൂടെ സുതാര്യവും നീതി പൂര്‍വം നടത്തുവാന്‍ സാധിച്ചത് വേള്‍ഡ് മലയാളി കൗണ്‍സിലിന് സില്‍വര്‍ ജൂബിലി വര്‍ഷത്തില്‍ കൂടുതല്‍ കരുത്ത് പകരുമെന്നും സംഘടനയുടെ എല്ലാ പ്രോവിന്‍സുകളില്‍ നിന്നും മുഴുവന്‍ പ്രതിനിധികളെയും പങ്കെടുപ്പിച്ച് കൊണ്ട് തെരഞ്ഞെടുപ്പ് പൂര്‍ത്തികരിക്കുവാന്‍ കഴിഞ്ഞതില്‍ വളരെ ചാരിതാര്‍ഥ്യമുണ്ടെന്ന് ഇലക്ഷന്‍ കമ്മീഷണര്‍ എ.എസ്. ജോസ് അറിയിച്ചു.

റിപ്പോര്‍ട്ട് ജെയ്‌സണ്‍ കിഴക്കയില്‍

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക