ന്യൂയോർക്; കോവിഡിനെതിരെ പ്രാർത്ഥനകളുമായി വിവിധ മതനേതാക്കൾ മെയ് 8 ശനിയാഴ്ച ക്വീന്സിൽ ഒത്തുചേർന്നു. ന്യൂയോര്ക്ക് സിറ്റി കൗണ്സിലിലേക്ക് ,ക്വീന്സിലെ ഇരുപത്തിമൂന്നാം ഡിസ്ട്രിക്റ്റില് നിന്നും മത്സരിക്കുന്ന കോശി തോമസിന്റെ പ്രചരണ ആസ്ഥാനത്ത് (260th and Hillside Ave) ആയിരുന്നു ഒത്തുചേരൽ.
ഇന്ത്യയെ കീഴടക്കുന്ന പാൻഡെമിക്കിന്റെ ഇരകൾക്കായി, രാജ്യം സുഖപ്പെടുന്നതിനായി പ്രാർത്ഥനകളോടെ അവർ ഒത്തുകൂടി. ഇന്ത്യ അഭിമുഖീകരിക്കുന്ന ഗുരുതരമായ അവസ്ഥയെ എടുത്തുപറഞ്ഞ പ്രാസംഗികർ മെഡിക്കൽ സഹായങ്ങളും സാമ്പത്തിക സഹായവും നൽകുന്നതിനൊപ്പം രാജ്യത്തിനായി പ്രാർത്ഥിക്കാനും ആഹ്വാനം ചെയ്തു.
ഗുരു ജി ഗരുഡ് ഗോപാൽ പ്രഭു, ഫാദർ ജോൺ തോമസ്- ജാക്സൺ ഹൈറ്റ്സ് ഓർത്തഡോക്സ് ചർച്ച് , ഇമാം മുഹമ്മദ് വലിയുല്ല-ഹിൽസൈഡ് ഇസ്ലാമിക് സെന്റർ , അശോക് വ്യാസ്- ഐ ടിവി, ഹേമന്ത് ഷാ- FBIMA , സുഹാഗ് മേത്ത-ഗണേഷ് ഉത്സവ് , കൃപാൽ സിംഗ്, വീരേന്ദ്ര വോറ, പോൾ കറുകപ്പള്ളി ,അശോക് വോറ, ഫിലിപ്പോസ് ഫിലിപ്പ്, വി.എം. ചാക്കോ, വർഗീസ് എബ്രഹാം, മെഴ്സിഡസ് ബുക്കാനൻ, ജോർജ്ജ് അബ്രഹാം (IOCUSA) എന്നിവരാണ് പ്രാർത്ഥനയിൽ പങ്കെടുത്തത്.