കോവിഡ് മുക്ത കേരളത്തിനായി കേരള ജനതയ്ക്ക് ഐക്യദാർഢ്യം പ്രഖ്യാപിച്ചും, ജീവൻ സുരക്ഷാ ഉപകരണങ്ങൾ ലഭ്യമാക്കുന്നതിന് ഫോമാ നടത്തുന്ന ധന ശേഖരണ പദ്ധതിക്കായി പിന്തുണ നൽകുന്നതിന് അമേരിക്കയിലെ നാൽപ്പത്തെട്ട് സംസ്ഥാനങ്ങളിലും, ക്യാപ്റ്റൻ വിബിൻ വിൻസൻറ് 2 Single Engine Aircraft മായി വിങ്സ് ഫോർ ഇന്ത്യ എന്ന പേരിൽ ധനശേഖരണ ക്യാമ്പയിൻ നടത്തുന്നു. ക്യാപ്റ്റൻ വിബിൻ വിൻസൻറ്, ഓറഞ്ച് വിങ് ഏവിയേഷൻറെ പ്രസിഡണ്ടും സി.ഇ ഓ യുമാണ്.
ഫ്ലോറിഡയിലെ പെംബ്രോക് പൈൻസിലുള്ള നോർത്ത് പെറി എയർപോർട്ടിൽ ( 1620 South West 75th Ave, Pembroke Pines , FL ) മെയ് 15 നു രണ്ടു മണിക്ക് ക്യാമ്പയിൻ ഫ്ളാഗ് ഓഫ് ചെയ്യും. ഫോമാ ജോയിൻറ് ട്രഷറർ ബിജു തോണിക്കടവിൽ, ദേശീയ കമ്മറ്റി അംഗം, ബിജു ആൻറണി , സൗത്ത് ഫ്ലോറിഡ കേരള സമാജം പ്രസിഡൻറ് ജോർജ് മാലിയിൽ, നവ കേരള പ്രസിഡൻറ് ജെയിൻ വാത്തിയേലിൽ, മയാമി മലയാളി അസോസിയേഷൻ പ്രസിഡൻറ് സനിൽ വി.പ്രകാശ് , പാം ബീച്ച് കേരള അസോസിയേഷൻ പ്രസിഡൻറ് പോൾ വർഗ്ഗീസ് എന്നിവർ ചടങ്ങിൽ പങ്കെടുത്ത് ആശംസകൾ നേരും.
കേരളത്തെ സംരക്ഷിക്കാനുള്ള ഈ സംരംഭത്തിൽ പങ്കെടുത്തും സാമ്പത്തിക സഹായം ചെയ്തും സഹകരിക്കണമെന്ന് ക്യാപ്റ്റൻ വിബിൻ വിൻസൻറ് അഭ്യർത്ഥിച്ചു.