-->

kazhchapadu

സംശയിക്കുന്ന തോമ (ജെസ്സി ജിജി, കഥാ മത്സരം)

Published

on

ജെറുസലേമിന്റെ  തെരുവീഥികളിലൂടെ തോമ നടന്നു. ഗുരുവിനെ കുരിശിൽ ഏറ്റിയിട്ടു ഇന്നു പത്താം ദിവസം. 

എന്തൊക്കെ പ്രതീക്ഷകളോടെ ആയിരുന്നു മൂന്നുവർഷം മുൻപ് അവന്റെ കൂടെ ഇറങ്ങിത്തിരിച്ചത് . വിപ്ലവവീര്യം സിരകളിൽ ഓടിയിരുന്ന താൻ എത്ര പെട്ടെന്നാണ് അവന്റെ വാക്കുകളിൽ ആകൃഷ്ടനായത് . മനസാന്തരപ്പെടുവിൻ , ദൈവരാജ്യം സമീപിച്ചിരിക്കുന്നു . എത്ര ശക്‌തമായ വാക്കുകൾ ആയിരുന്നു അവന്റേത് . റോമാക്കാരുടെ അടിമത്തത്തിന്റെ നുകത്തിൽ തകർന്നു കഴിയുകയല്ലായിരുന്നോ?

അപ്പോഴാണ് ദൈവരാജ്യം സമീപിച്ചിരിക്കുന്നു എന്ന് പ്രസംഗിച്ചുകൊണ്ടു തെരുവീഥിയിലേക്കു വന്ന ആ ചെറുപ്പക്കാരനെ ശ്രദ്ധിക്കുന്നത് . എന്തൊരു തേജസ് ആയിരുന്നു ആ മുഖത്ത് . ആ കണ്ണുകളിലേക്കു നോക്കിയ ആ നിമിഷം . എന്തൊരു കാന്തശക്തി ആയിരുന്നു അവന്റെ കണ്ണുകൾക്ക് . വശ്യമായ ആ കാന്തികവലയത്തിൽപെട്ടു താൻ അവന്റെ പിന്നാലെ പോകുകയല്ലായിരുന്നോ . ശിമെയോനും അന്ത്രയോസും , പിന്നെ സെബദിയുടെ പുത്രന്മാരായ യാക്കോബും യോഹന്നാനും അവന്റെ കൂടെ ഉണ്ടായിരുന്നു . ഗലീലിയിലെ ഏറ്റവും നല്ല മുക്കുവന്മാർ ആയിരുന്നു അവർ . എല്ലാം ഉപേക്ഷിച്ചാണ് അവർ അവന്റെ കൂടെ പോയത് .

കഴിഞ്ഞ മൂന്നു വർഷക്കാലം . ഒരു യുഗം പോലെ . എന്തൊക്കെ അത്ഭുതപ്രവൃത്തികൾ, അന്ധന്മാർ കാണുന്നു, ബധിരർ കേൾക്കുന്നു. അഞ്ചപ്പം കൊണ്ട് അയ്യായിരം പേർ വയർ നിറയ്ക്കുന്നു. അതായിരുന്നോ അവനെ വിട്ടുപോകാതിരിക്കാൻ തന്നെ പ്രേരിപ്പിച്ചത് ? അല്ല , അവന്റെ മുഖത്തുനിന്ന് അടർന്നുവീഴുന്ന ഓരോ വാക്കുകളും, എന്തൊരു ഓജസ്സുള്ള വാക്കുകൾ. 

ആകാശവും ഭൂമിയും , ഓരോ മണൽത്തരിയും അവന്റെ വാക്ക് കേൾക്കാൻ കാതോർത്തിരുന്ന പോലെ. മറ്റുള്ളവർ കരുതിയിരുന്നതു പോലെ റോമാക്കാരെ തുരത്തി അവൻ രാജ്യം സ്ഥാപിക്കും എന്നൊന്നും താൻ വിശ്വസിച്ചിരുന്നില്ല. പക്ഷെ അവന്റെ ഓരോ വാക്കുകളും എത്ര കരുത്തുറ്റതുള്ളതായിരുന്നു . 

ലാസർ മരിച്ചു നാലു നാളുകൾക്കുശേഷം , ഗുരു അവന്റെ അടുത്തേക്ക് പോകാൻ തുനിഞ്ഞപ്പോൾ എല്ലാവരും അവനെ തടഞ്ഞു . കാരണം കൊല്ലാൻ യൂദന്മാർ കാത്തിരിക്കുക ആയിരുന്നല്ലോ .അവനോടൊപ്പം പോയി മരിക്കാൻ താൻ അപ്പോൾ തയ്യാറായിരുന്നു. താനതു അവരോടു പറയുകയും ചെയ്തതാണ് . എന്നാലും അവനെ അവർ പിടിച്ചുകൊണ്ടു പോയപ്പോൾ , തനിക്കെന്താ അവന്റെ കൂടെ പോകാൻ പറ്റാതിരുന്നത്?.

പണസഞ്ചി കയ്യിലുണ്ടായിരുന്ന , യൂദാസിനെ അന്ന് അത്താഴത്തിനു ശേഷം കണ്ടില്ല . പെസഹാ തിരുന്നാൾ ആഘോഷിക്കാൻ പണം വേണമായിരുന്നു . മേരി മഗ്നലനയുടെ കയ്യിൽ നിന്നും ഇത്തിരി പണം വായ്പ വാങ്ങാൻ പോയതായിരുന്നു താൻ. ഗുരുവിനുവേണ്ടി ആകുമ്പോൾ ,അവൾ സന്തോഷത്തോടെപണം നൽകുമായിരുന്നു . താൻ വന്നപ്പോഴേക്കും അവർ ഗുരുവിനെ പിടിച്ചു കെട്ടി കൊണ്ടു പോയിരുന്നു . പിന്നെ നടന്നതൊന്നും ... 

മർക്കോസിന്റെ അമ്മയുടെ വീട്ടിലെ മുകൾമുറിയിൽ അവർ അഭയം തന്നു . പക്ഷെ എത്ര നാൾ ഒളിച്ചു താമസിക്കാൻ കഴിയും . യൂദന്മാർ പിടിച്ചുകൊണ്ടു പോയാൽ പോകട്ടെ . അവന്റെ അമ്മയും തങ്ങളുടെകൂടെ ഉണ്ട് . യൂദാസ് പോയത് പണസഞ്ചിയും കൊണ്ടാണ് . അതുകൊണ്ടു അഷ്ടിക്കുള്ള വക കണ്ടെത്തേണ്ടിയിരിക്കുന്നു. 

കഴിഞ്ഞ ദിവസം വീണ്ടും മീൻപിടിക്കാൻ പോകുന്നതിനെപ്പറ്റി ശിമയോൻ പറയുന്നതുകേട്ടു . പക്ഷെ വീടിനു പുറത്തിറങ്ങാൻ എല്ലാവർക്കും പേടിയാണ് . താനങ്ങനെ ഭയന്നിരിക്കുവാൻ ഉദ്ദേശിക്കുന്നില്ല .അതിലൊക്കെ സങ്കടം തോന്നിയത് , കഴിഞ്ഞൊരു ദിവസം, താൻ പുറത്തുപോയപ്പോൾ , ഗുരു മറ്റു പത്തുപേർക്കും പ്രത്യക്ഷപ്പെട്ടു എന്ന് അവർ പറഞ്ഞതാ . 

അവൻ മുൻപ് പറഞ്ഞിരുന്നതുപോലെ ഉയിർപ്പിക്കപ്പെട്ടു എന്ന് . ലാസറിനെ ഉയിർപ്പിച്ചവനല്ലേ, അവൻ ഉയിർത്തെഴുന്നേൽക്കും , പക്ഷെ തനിക്കു മാത്രം അവനെ കാണാൻ പറ്റിയില്ല . സങ്കടം സഹിക്കാതെ താൻ പറഞ്ഞു . അവനെ കാണാതെ , അവനെ തൊടാതെ താൻ വിശ്വസിക്കുകയില്ല എന്ന് . അത്രമാത്രം സങ്കടം തനിക്കുണ്ടായിരുന്നു . 

ഇപ്പോൾ, മഗ്നെലന മറിയത്തെ കണ്ടപ്പോൾ, അവളും പറഞ്ഞു കർത്താവിനെ കണ്ടു എന്ന് . വൈകുന്നേരമായപ്പോഴേക്കും ഇവർ കതകു ഒക്കെ അടച്ചോ ? ഇവർക്കിപ്പോഴും പേടി മാറിയിട്ടില്ല . തോമസ് ഉള്ളിലേക്ക് കടന്നു ."തോമാ , നീ ഇവിടെ വരിക . നീ എന്നെ തൊട്ടു നോക്കൂ . അവിശ്വാസിയാകാതെ വിശ്വാസിയായിരിക്കൂ " എന്റെ കർത്താവെ , അവന്റെ വിരിച്ചുപിടിച്ച കൈകളിലേക്ക് തോമ വീഴുക ആയിരുന്നു . ഇനി അവനുവേണ്ടി ജീവിക്കാനും മരിക്കാനും ഞാൻ തയ്യാർ. സംശയിക്കുന്ന തോമ എന്നതിനുമപ്പുറം , ഗുരുവിനെ കാണാൻ വാശി പിടിച്ച തോമ , വാശി പിടിച്ചു കാര്യം കാണുന്ന കൊച്ചുകുഞ്ഞിനെപ്പോലെ . 

ഇനി ഒരു ശക്തിക്കും തകർക്കാനാവില്ല അവന്റെ വിശ്വാസത്തെ . ഗുരുവിനോടുള്ള അവന്റെ സ്നേഹത്തെ ... കാലാകാലങ്ങളായി , തലമുറ തലമുറകളോളം ജ്വലിച്ചുനിൽക്കുന്ന ഒരു ദീപസ്തംഭം പോലെ .. 
------------------
ജെസ്സി ജിജി 
എരുമേലിക്കടുത്തു, തുലാപ്പള്ളി  ഗ്രാമത്തിൽ ജനനം.  ഭർത്താവും രണ്ടു കുട്ടികളുമൊത്തു , ഫ്ലോറിഡയിലെ ഒർലാണ്ടോയിൽ താമസം

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

ചെയ് വിന (ശങ്കരനാരായണൻ ശംഭു, കഥാമത്സരം)

നാല്  നാല്പത്തിയേഴ് AM; @ 4:47 AM (പവിയേട്ടൻ  കോറോത്ത്, കഥാമത്സരം)

തിരികെ യാത്ര (നീലകണ്ഠൻ എടത്തനാട്ടുകര, കഥാമത്സരം)

ഫ്ലാറ്റ് (രാജേശ്വരി ജി നായര്‍, കഥാമത്സരം)

അശനിപാതം (സ്വപ്ന. എസ്. കുഴിതടത്തിൽ, കഥാമത്സരം)

ഒപ്പിഡൈക്കയിലേ എണ്ണ കിണ്ണറുകൾ (അനീഷ് ചാക്കോ, കഥാമത്സരം)

സാൽമൻ ജന്മം (ജെയ്‌സൺ ജോസഫ്, കഥാമത്സരം)

കാടിറങ്ങിയ മണം (മിനി പുളിംപറമ്പ്, കഥാമത്സരം)

വർക്കിച്ചൻ (ഷാജികുമാർ. എ. പി, കഥാമത്സരം)

ഹഥ്രാസിലെ വാഹിത (ചോലയില്‍ ഹക്കിം, കഥാമത്സരം)

കള്ളിയങ്കാട്ടു വാസന്തി അഥവാ സംഘക്കളി (കെ.ആർ. വിശ്വനാഥൻ, കഥാമത്സരം)

തീണ്ടാരിപ്പാത്രം (മായ കൃഷ്ണൻ, കഥാമത്സരം)

കനലുകളണയാതെ (മിദ്‌ലാജ് തച്ചംപൊയിൽ, കഥാമത്സരം)

കുരുവിയുടെ നൊമ്പരം (സന്ധ്യ.എം, കഥാമത്സരം)

ഏകാന്തത കടല്‍പോലെയാണ് (അനീഷ്‌ ഫ്രാന്‍സിസ്, കഥാമത്സരം)

കൽചീള് (മുഹ്സിൻ മുഹ്‌യിദ്ദീൻ, കഥാമത്സരം) 

അനിരുദ്ധൻ (പ്രേം മധുസൂദനൻ, കഥാ മത്സരം)

മരണമില്ലാത്ത ഓർമ്മകൾ (ഷൈജി  എം .കെ, കഥാ മത്സരം)

ആകാശക്കൂടാരങ്ങളില്‍ ആലംബമില്ലാതെ (പിയാര്‍കെ ചേനം, കഥാ മത്സരം

അങ്ങനെ ഒരു  ഡിപ്രഷൻ കാലത്ത് (സുകന്യ പി പയ്യന്നൂർ,  കഥാ മത്സരം)

ഇ-മലയാളി കഥാമത്സരം അറിയിപ്പ്

ഗംഗാധരൻ പിള്ളയുടെ മരണം: ഒരു പഠനം (ആര്യൻ, കഥാ മത്സരം)

വെറുതെ ചില സന്തോഷങ്ങൾ (ആൻ സോനു, കഥാ മത്സരം)

തീവെയിൽ നാളമേറ്റ പൂമൊട്ടുകൾ (സുധ അജിത്, കഥാ മത്സരം)

താരാട്ട് (മനു.ആർ, കഥാ മത്സരം)

കത്രീന ചേട്ടത്തിയുടെ ജാതി വര്‍ണ്ണ വെറി (അശ്വതി. എം മാത്യൂ, കഥാ മത്സരം)

വാസ് ത (ഷാജി .ജി.തുരുത്തിയിൽ, കഥാ മത്സരം)

ഒരു നിഴൽ മുഴക്കം (ജോണ്‍ വേറ്റം, കഥാ മത്സരം)

രാജാത്തി (സെലീന ബീവി, കഥാ മത്സരം)

ഞാവൽമരത്തണലിൽ (ഗിരി.ബി.വാര്യർ, കഥാ മത്സരം)

View More