-->

America

സ്നേഹച്ചൂട് (കവിത: ഡോ. വീനസ്)

Published

on

അച്ഛൻ്റെ നെഞ്ചിലെ രോമക്കാട്ടിൻ
മേലേ പതുങ്ങിക്കിടന്നു ,ഉണ്ണി,
കണ്ണുകൾ ചിമ്മിയടച്ചു കൊണ്ട്,
എല്ലാം ഉൾക്കണ്ണാലറിഞ്ഞു കൊണ്ട്.
തെല്ലു തുറന്നിട്ട ജാലകത്തിൻ
പഴുതിലൂടുളളിൽ കടന്ന കാറ്റിൻ
തണുവാർന്ന വിരലുകൾ തൻ്റെമെയ്യിൽ
പരതുന്ന കാര്യമറിഞ്ഞാനുണ്ണി.
മേൽക്കുപ്പായത്തിൻ കുടുക്കൊരെണ്ണം
പൊട്ടിയടർന്നന്നുപോയതിനാൽ
പാതിയുംനഗ്നമായ് തീർന്ന സ്വന്തം
മേനിയന്നച്ഛൻ്റെ ചൂടു തേടി.
പാരംപരുക്കനായ് തീർന്ന കൈയ്യാൽ
ചേർത്തു പിടിച്ചു കിടത്തിയച്ഛൻ
ചൂടു പകർന്നു പകർന്നു നൽകേ,
കണ്ണുകൾ മെല്ലേയടഞ്ഞു പോയി.
വാനിലെ അമ്പിളി മാഞ്ഞുപോയി,
താരകപ്പെണ്ണും മറഞ്ഞു പോയി,
ഇരുളിൻ പുതപ്പു മടക്കിക്കൂട്ടി
രജനിയകന്നു, പകൽ പിറന്നു.
''സൂര്യനുദിച്ചുയർന്നുച്ചയാകും
നേരം വരേയ്ക്കും കിടന്നുറങ്ങും
അശ്രീകരമിന്നെണീക്കണില്ലേ?"
അച്ഛമ്മ പ്രാകി വിളിച്ചുണർത്തി.
"അച്ഛൻ്റെ ജീവനെടുത്ത കാലൻ
ജന്മമെടുത്തല്ലോ എൻ്റീശ്വരാ, "
അച്ഛമ്മ വീണ്ടും സ്വരമുയർത്തേ
കണ്ണുകൾ ചിമ്മിയുണർന്നാനുണ്ണി.
ചേർത്തു പിടിച്ചു പുണർന്നുറക്കി
സ്നേഹം പകർന്നൊരു അച്ഛനായി
ചുറ്റിലും നോക്കി, വിതുമ്പും നേരം,
സ്വപ്നമകന്നു മറഞ്ഞുപോയി,
കുത്തിനോവിച്ചു യാഥാർത്ഥ്യബോധം,
അച്ഛൻ വെറും സ്വപ്നമെന്ന സത്യം,
രാത്രിയിൽ ചൂടുപകർന്നകൊച്ചു -
തലയിണ നനവാർന്നു ,കണ്ണീരിനാൽ!

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

ഖബറിലെ കത്ത്‌ (സുലൈമാന്‍ പെരുമുക്ക്, കവിത)

പച്ച മനുഷ്യർ (മധു നായർ, കഥ)

കാര്യസ്ഥന്‍ (നോവല്‍ -അധ്യായം -14 കാരൂര്‍ സോമന്‍)

സ്വപ്നകാലം (കവിത: ഡോ. ഉഷാറാണി ശശികുമാർ മാടശ്ശേരി)

ജലസമാധി (കവിത: അശോക് കുമാർ. കെ)

നീലശംഖുപുഷ്പങ്ങൾ (കഥ: സുമിയ ശ്രീലകം)

നരഖം (കഥ: സഫ്‌വാൻ കണ്ണൂർ)

മരണം(കവിത: ദീപ ബി.നായര്‍(അമ്മു))

മാനസപുത്രി (കവിത: മാര്‍ഗരറ്റ് ജോസഫ് )

രണ്ടു തൂങ്ങിമരണങ്ങൾ (കഥ: അജീഷ് മാത്യു കറുകയിൽ)

എന്റെ ഗ്രാമം (രേഖ ഷാജി)

പെരുമഴത്തോരലിൽ (കവിത: ജയശ്രീ രാജേഷ്)

മഴപോലെ അമ്മ!! (കവിത: രാജൻ കിണറ്റിങ്കര)

പാമ്പും കോണിയും - നിർമ്മല (നോവൽ -50)

രക്ഷ-ഒരു തുടര്‍ക്കഥ? (ചെറുകഥ: സാനി മേരി ജോണ്‍)

കാർമേഘങ്ങൾ (ചെറുകഥ: ദീപ ബി.നായർ(അമ്മു))

ഫോൺ വിളികൾ (കഥ: രമണി അമ്മാൾ)

കാ‍ന്താരി (കവിത: മുയ്യം രാജൻ)

ചിലങ്ക മുത്തുകൾ (കഥ: നജാ ഹുസൈൻ)

യാത്ര(കവിത: ദീപ ബി.നായര്‍(അമ്മു))

കാര്യസ്ഥന്‍ (നോവല്‍ -അധ്യായം -13 കാരൂര്‍ സോമന്‍)

കറുപ്പ് മാത്രം (കവിത: സുജാത പിള്ള)

വൈറസ് കാലം (കവിത: ഫൈസൽ മാറഞ്ചേരി)

മരണം (കവിത: ലെച്ചൂസ്)

പോത്ത് (വിഷ്ണു മോഹൻ)

വർണ്ണപ്രപഞ്ചം (കവിത: ഡോ.ഉഷാറാണി ശശികുമാർ മാടശ്ശേരി)

മമിഴന്‍ (കഥ: ഹാഷിം വേങ്ങര)

ഇടവപ്പാതി (കവിത: ബീന തമ്പാൻ)

പാത (കവിത: ബീന ബിനിൽ, തൃശൂർ)

നീർക്കുമിള (കവിത: സന്ധ്യ എം)

View More