EMALAYALEE SPECIAL

വെളിച്ചമില്ലാതെ ഉയിർക്കുന്ന നിഴലുകൾ! (മൃദുമൊഴി-12: മൃദുല രാമചന്ദ്രൻ)

Published

on

എന്നെ സ്നേഹിക്കൂ, എന്നെ കരുതൂ, എന്നെ ശ്രദ്ധിക്കൂ എന്ന് സദാ കലഹിക്കേണ്ടി വരുന്ന മനുഷ്യരോളം സങ്കടം മറ്റാർക്കും ഇല്ല.

സ്നേഹം, ശ്രദ്ധ, കരുതൽ എന്നീ ചെറുവാക്കുകളുടെ പ്രവർത്തനമാണ് ജീവിതത്തെ ജീവിതയോഗ്യമാക്കുന്നത്.അതിന്റെ മഹാത്ഭുതം എന്തെന്നാൽ അത് വലിയ കാര്യങ്ങളിലൂടെയല്ല, വളരെ ചെറിയ, നേർത്ത നിമിഷങ്ങളിലൂടെ ജ്വലിക്കുന്നത് ആണ് എന്നതാണ്. അത്തരം ജ്വലിക്കുന്ന നിമിഷങ്ങൾ സൃഷ്ടിക്കാനുള്ള സിദ്ധിയും അനുഭവിക്കാനുള്ള ഭാഗ്യവും ഉണ്ടാവുകയെന്നാൽ.....ആഹാ...എന്നേ പറയാൻ ഉള്ളൂ.

ധാരാളം പണമുള്ള ഒരാൾക്ക് വലിയ വീട് ഉണ്ടാക്കാം.പക്ഷെ ആ വീട്ടിൽ ഒരു വലിയ മെത്തയിൽ പനിച്ചു കിടക്കുമ്പോൾ , അടുത്ത് വന്നിരുന്ന്, നെറ്റിയിൽ ഒരു ചന്ദന ഗന്ധമുള്ള തണുപ്പ് ശീലയാകാൻ ആരെങ്കിലും ഉണ്ടാകണം.

സ്നേഹവും, ശ്രദ്ധയും സദാ നിഷേധിക്കപ്പെടുന്ന മനുഷ്യർ ചിലർ  ചിലപ്പോൾ വജ്ര സൂചി പോലെ കൂർത്തും, എഴുന്നും നിൽക്കും.അടുത്ത് വരുന്നവരെ മൂർച്ചയുള്ള അഗ്രം കൊണ്ട് നോവിക്കും.അരമ്പുള്ള വാക്കുകൾ കനിവില്ലാതെ പായിക്കും. അത് സ്നേഹശൂന്യതയുടെ പാരമ്യത്തിൽ ഉണ്ടാകുന്ന വേദനയുടെ കലാപം ആണെന്ന് എത്ര പേർ മനസിലാക്കും ?

കരുതൽ കിട്ടാതെ പോകുന്ന മറ്റ് ചിലർ  ഏതോ മഞ്ഞു യുഗത്തിലെ ശിലകൾ പോലെ ഉറച്ചു നിസ്സംഗരാകും.മരിച്ച മിഴികളും, ജീവനില്ലാത്ത ചിരികളും, ആത്മാവില്ലാത്ത വാക്കുകളും പേറുന്നവർ ആകും.അവർ വെളിച്ചമില്ലാതെ ഉയിർ കൊണ്ട നിഴല് പോലെ ആണ്.അവരെ പലപ്പോഴും ആരും കാണുകയോ, ശ്രദ്ധിക്കുകയോ ഇല്ല. തളർന്ന് വീഴാനുള്ള ശേഷി പോലും ഇല്ലാതെ അവർ അങ്ങനെ നിൽക്കും...

സ്നേഹം തൊടാത്ത മറ്റ് ചിലർ നല്ലത് പോലെ അഭിനയിക്കും.കടുത്ത വെയിലിൽ ഉള്ളം കാലു പൊള്ളി, നില കിട്ടാതെ തുള്ളുന്നത് കാണുന്നവർക്ക് മുന്നിൽ നല്ല നൃത്തം ആക്കി മാറ്റും.ഹൃദയം പൊട്ടി വരുന്ന കരച്ചിൽ പാട്ട് ആണെന്ന് പറഞ്ഞു കളയും. അവർ എല്ലാം തികഞ്ഞവർ ആണെന്ന് ലോകം കരുതുമ്പോൾ ,തങ്ങൾക്ക് ഒന്നുമില്ലെന്ന സത്യം അറിയുന്നവർ ആയി അവർ മാത്രമുണ്ടാകും.

സ്നേഹത്തിന്റെ ഭാഗീരഥി ആയി സ്വർഗ്ഗപദങ്ങൾ ഉപേക്ഷിച്ചു മണ്ണിലേക്കും, ഇരുട്ടിലേക്കും ഒഴുകേണ്ടതില്ല, ഒരു പുൽത്തുമ്പിൽ നിന്ന് ഇറുന്നു വീഴുന്ന ഒരു തുള്ളി ജലമായി സ്നേഹം കിട്ടാതെ പൊരിയുന്ന മനുഷ്യരുടെ പ്രാണനിലേക്ക് ഒരു മാത്ര നേരം പെയ്യാൻ ആയാൽ...

ആൾക്കൂട്ടത്തിൽ ഉള്ളിൽ കരഞ്ഞു തനിയെ നടക്കുമ്പോൾ, മുഖം പോലും കാണാതെ ഒരാൾ, ഒരു നിമിഷം വിരൽത്തുമ്പിൽ ഒന്ന് വെറുതെ പിടിച്ചു കൂട്ടായാൽ...

ജീവിതം  എപ്പോഴും ഉത്സവം  ആകേണ്ടതില്ല,അതിന് കൂടെ നടക്കാൻ ഒരു കൂട്ട് ഉണ്ടെന്ന തോന്നൽ പോരും.


Facebook Comments

Comments

  1. Priya chakkrath

    2021-06-13 08:14:14

    ശരിയാണ്...സ്നേഹം, കരുതൽ.....ഒരുപക്ഷെ ഇത് മാത്രം മതിയാകും ജീവിതം സന്തോഷം ആക്കാൻ....

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

സ്ത്രീധനം നമ്മുടെ സമൂഹത്തിന് അനുയോജ്യമോ? (ഗിരിജ ഉദയൻ മൂന്നൂർക്കോട്)

ഇ-മലയാളിയുടെ ആറാമത് സാഹിത്യ അവാർഡ് ചടങ്ങ്  പ്രൗഢഗംഭീരമായി 

രാമായണത്തിലെ 'മനുഷ്യനായ' രാമന്‍ (പ്രസാദ്‌ പഴുവില്‍, രാമായണ ചിന്തകൾ 17)

ആ ഓട്ടമത്സരത്തിൽ ശരിക്കും എന്താണ് ഉണ്ടായത് എന്നറിഞ്ഞാൽ നിങ്ങൾ ഞെട്ടും ( മൃദുമൊഴി 19: മൃദുല രാമചന്ദ്രൻ)

എന്നെ പ്രേമിച്ചില്ലെങ്കില്‍ നീ ഇനി ജീവിക്കേണ്ട (ശ്രീകുമാര്‍ ഉണ്ണിത്താന്‍)

കക്കാന്‍ പ്രേരിപ്പിക്കുന്ന പുതു നിയമങ്ങള്‍ (ഡോ. മാത്യു ജോയിസ്, ലാസ് വേഗാസ്)

വെൽക്കം ടു ആഫിക്ക: റിഫ് റ്റ് വാലിയിൽ നിന്ന് 30,000 വർഷത്തെ വംശാവലി തെളിയിച്ചു ജോയി പോൾ (കുര്യൻ പാമ്പാടി)

രാമം ദശരഥം വിദ്ധി (മൃദുല രാമചന്ദ്രൻ, രാമായണ ചിന്തകൾ 16)

അഞ്ചാം പ്രസവം; സ്റ്റൈപെൻഡുമായി രൂപതകള്‍ മത്സരിക്കുന്നു (ഉയരുന്ന ശബ്ദം - 39: ജോളി അടിമത്ര)

ബൊഹീമിയൻ ഡയറി - പ്രാഗിന്റെയും വിയന്നയുടെയും ചരിത്ര വഴികളിലൂടെ (ഭാഗം- 3: ഡോ. സലീമ ഹമീദ്)

ആത്മതത്ത്വവും പുനര്‍ജന്മവും രാമായണത്തില്‍ (രാമായണം - 5: വാസുദേവ് പുളിക്കല്‍)

അറബിക്കടലിന്നക്കരെ നിന്നും......(കുടിയേറ്റകുറിപ്പുകൾ -ഭാഗം 5: ഷാജു ജോൺ)

'രാ' മായ്ക്കുന്ന രാമായണം (മഞ്ജു.വി, രാമായണ ചിന്തകൾ 15)

ബാബു വര്‍ഗീസ്: എഞ്ചിനിയറിംഗിലെ വിജയഗാഥ

ഇ- മലയാളിയുടെ ആറാമത് സാഹിത്യ അവാര്‍ഡ് നാളെ (ശനി) സമ്മാനിക്കും

അപ്പ പറഞ്ഞ കഥകള്‍ (1.അപ്പനും രണ്ടു മക്കളും :ബി ജോണ്‍ കുന്തറ)

കർക്കിടകം നൽകുന്ന പാഠങ്ങൾ (ലതികാ ശാലിനി,രാമായണ ചിന്തകൾ 14)

ഐ.പി.സി. 124-എ: പൂച്ചയ്ക്ക് ആര് മണികെട്ടും? (ദല്‍ഹി കത്ത് : പി.വി.തോമസ് )

സ്മാരകങ്ങളുടെ നാട്ടിൽ (ഹംപിക്കാഴ്ചകൾ 1: മിനി വിശ്വനാഥൻ)

സന്ദേഹകാവ്യങ്ങൾ (മായ കൃഷ്ണൻ, രാഗമഥനങ്ങൾ -5)

മനുഷ്യനന്മയ്ക്കു വേണ്ട തത്വങ്ങളും സാരോപദേശങ്ങളും (രാജീവ്  പഴുവിൽ, ന്യൂജേഴ്സി, രാമായണ ചിന്തകൾ 13)

ഇനിയില്ല, കരടിവേട്ട (ജോര്‍ജ് തുമ്പയില്‍)

ഭാഷയുടെ അതിരുകള്‍ ഭേദിച്ച കാവ്യ സപര്യ: അബ്ദുള്‍ പുന്നയൂര്‍ക്കുളം- ഇംഗ്ലീഷ് കവിത

ഇവിടം സ്വര്‍ഗമാക്കാന്‍ ഞങ്ങള്‍ സമ്മതിക്കില്ല (നര്‍മ്മ രാഷ്ട്രീയലേഖനം: സാം നിലമ്പള്ളില്‍)

ഞാൻ കണ്ട രാമായണം (രാമായണ ചിന്തകൾ 12: ഷക്കീല സൈനു കളരിക്കൽ)

നമ്മിലെ സീത (സായിസുമതി.വി.മേനോൻ, രാമായണ ചിന്തകൾ 11)

രാമായണത്തിലെ സഹോദര സ്‌നേഹം (രാമായണം - 4: വാസുദേവ് പുളിക്കല്‍)

THE UNSUNG HEROINE (Prof. Sreedevi Krishnan)

ബാബു വര്‍ഗീസ്: എഞ്ചിനിയറിംഗിലെ വിജയഗാഥ

കിറ്റും കിറ്റക്‌സും (വര്‍ഗീസ് ഏബ്രഹാം ഡെന്‍വര്‍)

View More