അശ്ലീല ചിത്രനിര്മ്മാണവും വിതരണവുമായി ബന്ധപ്പെട്ട് അറസ്റ്റിലായ വ്യവസായി രാജ് കുന്ദ്രയ്ക്കെതിരെ കൂടുതല് ആരോപണങ്ങള്. രാജ് കുന്ദ്രയും സംഘവും തന്നെ ചൂഷണം ചെയ്യാന് ശ്രമിച്ചതായി സാഗരിക ഷോണ സുമനാണ് ഇപ്പോള് വെളിപ്പെടുത്തിയിരിക്കുന്നത്. തന്നോട് ഓഡിഷന് നഗ്ന വീഡിയോ അയയ്ക്കാന് ആവശ്യപ്പെട്ടതായും സാഗരിക പറഞ്ഞു.
ഇങ്ങനെ ആവശ്യപ്പെട്ടതിനാല് താന് ഓഡിഷന് പോയില്ലെന്നും രാജ് കുന്ദ്രയും കൂട്ടരും ഒരുപാട് പേരുടെ ജീവിതം നശിപ്പിച്ചിട്ടുണ്ടെന്നും സാഗരിക മാധ്യമങ്ങളോട് പറഞ്ഞു. അശ്ലീല ചിത്രരംഗത്തേയ്ക്ക് തങ്ങളെ എത്തിച്ചത് രാജ് കുന്ദ്രയാണെന്ന് പൂനം പാണ്ഡെ, ഷെര്ലിന് ചോപ്ര എന്നീ നടിമാരും ആരോപിച്ചു.
നീലചിത്രങ്ങള് നിര്മ്മിച്ച ശേഷം അവ അനധികൃത ആപ്പുകളിലൂടെ വിതരണം ചെയ്യുന്നതും രാജ് കുന്ദ്രയുടെ നേതൃത്വത്തിലുള്ള സംഘമായിരുന്നു. സിനിമ, സീരിയല് മോഹങ്ങളുമായെത്തുന്ന യുവതികളെ ഭീഷണിപ്പെടുത്തി അശ്ലീല ചിത്രങ്ങല് ചിത്രീകരിക്കുകയായിരുന്നു ഇവര് ചെയ്തിരുന്നത്.
മാസവരിസംഖ്യയുള്ള ആപ്പുകളിലൂടെയായിരുന്നു ഈ ചിത്രങ്ങല് വിറ്റിരുന്നത്. കഴിഞ്ഞ ഫെബ്രുവരിയില് രജിസ്റ്റര് ചെയ്ത കേസിലാണ് ഇപ്പോള് രാജ് കുന്ദ്ര അറസ്റ്റിലായിരിക്കുന്നത്.