ഫിലഡല്‍ഫിയ: ഇതാദ്യമായി അമേരിക്കയില്‍ ദേശീയതലത്തില്‍ ആഘോഷിക്കുന്ന " ദേശീയ ഓണാഘോഷം '21", ജനനിബിഡമാകുമെന്നും ചരി ത്ര സംഭവമാകുമെന്നും ഓണാഘോഷ ചെയര്‍മാന്‍ വിന്‍സന്റ് ഇമ്മാനുവേല്‍ പറഞ്ഞു.

കണ്‍സ്റ്റാറ്റര്‍ ഓപ്പണ്‍ തിയേറ്ററില്‍, ഏഴു വേദികളാണ് പ്രശസ്ത രംഗപട ശില്പി ബാബൂ ചീയേഴം (ഫ്‌ളോറിഡ) രൂപ കല്‍പ്പന ചെയ്യുന്നത്. സംസ്ഥാന ഗവര്‍ണന്മാരുള്‍പ്പെടെയുള്ള പ്രശസ്തരുടെ സാന്നിദ്ധ്യം ക്ഷണിച്ചിട്ടുണ്ടെന്ന് െ്രെടസ്‌റ്റേറ്റ് കേരളാ ഫോറം ചെയര്‍മാന്‍ സുമോദ് നെല്ലിക്കാലാ പറഞ്ഞു.

കോവിഡ് മഹാമാരിയുടെ നരകതാണ്ഡവത്തില്‍ നിന്ന് ശാസ്ത്രീയമായ മുന്‍ കരുതലുകളിലൂടെ അകലം നേടുന്ന അമേരിക്കന്‍ ജനതയുടെ ഉയിരുണരുന്ന കാര്‍ഷികകാല ഉത്സവമുന്നോടി എന്ന നിലയില്‍ 'നാഷണല്‍ ഓണം ഫെസ്റ്റ്'21" ന് നൂതനമായ അര്‍ത്ഥവ്യാപ്തി കൈവരികയാണ്.  കേരളം കോറോണാ വൈറസ്സിന്റെ വ്യാപനത്താല്‍ പലപ്പോഴും അടച്ചു പൂട്ടലുകളില്‍ തളയുമ്പോള്‍ പോലും കേരള നാടിന്റെ ദേശീയോത്സവമായ തിരുവോണത്തെ ഗംഭീര പ്രൗഢികളോടെ ദേശീയ തലത്തില്‍ ആഘോഷിക്കാന്‍ അമേരിക്കന്‍ മലയാളികളിലൂടെ കാലം കരുതിവച്ച കര്‍മപദ്ധതിയായി "നാഷണല്‍ ഓണം ഫെസ്റ്റ്'21" മാറുന്നൂവെന്ന് െ്രെടസ്‌റ്റേറ്റ് കേരളാ ഫോറം ജനറല്‍ സെക്രട്ടറി സാജന്‍ വര്‍ഗീസ് ചൂണ്ടിക്കാണിച്ചു.

ശാസ്ത്രീയ മുന്‍കരുതലുകളുടെ പ്രായോഗികമായ ക്രമീകരണങ്ങള്‍ക്കു വേണ്ടി പാസ്സു മുഖേന പ്രവേശനം നിയന്ത്രിക്കുന്നതാണെന്ന് ട്രഷറാര്‍ രാജന്‍ സാമുവേല്‍ പ്രസ്താവിച്ചു.

െ്രെടസ്‌റ്റേറ്റ് എന്ന പദത്തിന്റെ അന്തസത്ത ഉള്‍ക്കൊണ്ടുകൊണ്ട് ഹെലികോപ്റ്ററില്‍  വരുന്ന മഹാബലിയെ വഞ്ചിപ്പാട്ടിന്റെ ആരവങ്ങളോടെ, മെഗാതിരുവാതിരയുടെയും കരിമരുന്നു കലാ പ്രകടനങ്ങളുടെയും, ആകാശ പുഷ്പ വൃഷ്ടിയുടെയും നൃത്ത സംഗീതോത്സവങ്ങളുടെയും അകമ്പടികളോടെ വരവേല്‍ക്കും. അമേരിക്കയിലെ വിവിധ സംസ്ഥാനങ്ങളില്‍ നിന്നുള്ള ജനങ്ങള്‍ പങ്കെടുക്കും. പ്രഗത്ഭരെ ആദരിക്കും.  കെങ്കേമ ഓണസദ്യയും പായസ മേളയും ഓണക്കോടി മോടിയിലുടുത്തെത്തുന്ന ദമ്പതിമാര്‍ക്ക് സമ്മാനങ്ങളും ഉള്‍പ്പെടെ; കാര്‍ണ്ണിവല്‍ സ്‌റ്റൈലിലുള്ള ഉത്സവപെരുന്നാള്‍പിക്‌നിക്ക്‌സമ്മേളന മേളയായാണ് ഓഗസ്റ്റ് 21, ശനിയാഴ്ച്ച  വൈകുന്നേരം മൂന്നു മണി മുതല്‍ രാത്രി 10 വരെ "ദേശീയ ഓണാഘോഷം'21" അണിഞ്ഞൊരുങ്ങുന്നത്.

ഇരുപതു സാമൂഹിക സാംസ്കാരിക കലാ സംഘടനകളും കലാഭ്യാസന സ്ഥാപനങ്ങളും അനേകം വ്യാപാരി വ്യവസ്സായ സംരംഭകരും കൈകോര്‍ക്കുന്നു.

"നാഷണല്‍ ഓണം ഫെസ്റ്റ്'21" വേദിയ്ക്ക്' ജോഷീ കുര്യാക്കോസ് നഗരി" എന്നാണ് പേരിട്ടിരിക്കുന്നത്. െ്രെടസ്‌റ്റേറ്റ് കേരളാ ഫോറം മുന്‍ ചെയര്‍മാന്‍ ജോഷീ കുര്യാക്കോസിനുള്ള സ്മരണാഞ്ജലിയായാണ് ഈ പേര് സ്വീകരിച്ചിരിക്കുന്നത്. ഉപവേദികള്‍ക്ക് " സുഗതകുമാരി ഗ്രാമം", അക്കിത്തം വേദി" സത്യന്‍ പ്രേം നസ്സിര്‍ ഹാള്‍"  എന്നിങ്ങനെയും പേരിട്ടിട്ടുണ്ട്.

കണ്‍സ്റ്റാറ്റര്‍ ഓപ്പണ്‍ തിയേറ്ററിന്റെ മേല്‍വിലാസം: 9130 അരമറലാ്യ ഞറ, ജവശഹമറലഹുവശമ, ജഅ 19114. കൂടുതല്‍ വിവരങ്ങള്‍ക്ക് സുമോദ് നെല്ലിക്കാല (267 322 8527), സാജന്‍ വര്‍ഗീസ് (215 906 7118 ) രാജന്‍ സാമുവേല്‍ (215 435 1015), ഫീലിപ്പോസ് ചെറിയാന്‍ (215 605 7310), ജോര്‍ജ് ഓലിക്കല്‍ (215 873 4365), ജോബീ ജോര്‍ജ് (215 470 2400), റോണി വര്‍ഗീസ് (267 213 544), ലെനോ സ്കറിയാ (267 229 0355), വിന്‍സന്റ്  ഇമ്മാനുവേല്‍ (215 880 3341), ജോര്‍ജ് നടവയല്‍ (215 494 6420).