Image

പെഗാസസ് ചോര്‍ത്തിയത് വനിതാ മാധ്യമപ്രവര്‍ത്തകയുടെ സ്വകാര്യ നിമിഷങ്ങളും

ജോബിന്‍സ് Published on 03 August, 2021
പെഗാസസ് ചോര്‍ത്തിയത് വനിതാ മാധ്യമപ്രവര്‍ത്തകയുടെ സ്വകാര്യ നിമിഷങ്ങളും
പെഗാസസ് വനിതകളടക്കമുള്ളവരുടെ സ്വകാര്യ ജീവിതത്തിലേയ്ക്ക് കടന്നുകയറ്റം നടത്തിയതായി കൂടുതല്‍ തെളിവുകള്‍ പുറത്ത്. അല്‍ ജസീറയിലെ ലബനീസ് മാധ്യമ പ്രവര്‍ത്തക ഗാദ ഉവൈസാണ് പരാതിയുമായി രംഗത്ത് വന്നിരിക്കുന്നത്. തന്റെ ഫോണില്‍ സൂക്ഷിച്ചിരുന്ന സ്വാകാര്യ ചിത്രങ്ങള്‍ ചോര്‍ത്തപ്പെട്ടതായും ഇത് ട്വിറ്ററില്‍ പ്രചരിക്കുന്നതായുമാണ് ഇവരുടെ ആരോപണം. 

ഭര്‍ത്താവുമൊത്ത് അത്താഴം കഴിക്കുന്നതിനിടെയാണ് ട്വിറ്റര്‍ നോക്കാന്‍ ചിലര്‍ വിളിച്ചു പറഞ്ഞതെന്നും നോക്കിയപ്പോള്‍ താന്‍ ഞെട്ടിപ്പോയെന്നും ഇവര്‍ പറഞ്ഞു. തന്റെ സ്വകാര്യ നിമിഷങ്ങളില്‍ താന്‍ ബിക്കിനിയിട്ടു നില്‍ക്കുന്ന ചിത്രങ്ങള്‍ ഫോണില്‍ സൂക്ഷിച്ചിരുന്നുവെന്നും ഇതാണ് ചോര്‍ത്തപ്പെട്ടതെന്നും ഗാദ പറഞ്ഞു.

തുടര്‍ന്നു നടത്തിയ ഫോറന്‍സിക് പരിശോധനയില്‍ ഫോണില്‍ പെഗാസസ് സാന്നിധ്യം കണ്ടെത്തിയിരുന്നു.ബോസിനൊപ്പം ഓഫീസില്‍ എന്ന നിലയിലാണ് തന്റെ ബിക്കിനി ഫോട്ടോകള്‍ പ്രചരിച്ചതെന്നും  ഇതിന് പിന്നാലെ തന്നെ അപമാനിക്കുന്ന രീതിയിലുള്ള ആയിരക്കണക്കിന് ട്വീറ്റുകളും മെസ്സേജുകളും വന്നതായും ഇവര്‍ പറഞ്ഞു. 

സൗദി ഭരണകൂടത്തിന്റെ വിമര്‍ശകനായിരുന്ന കൊല്ലപ്പെട്ട ജമാല്‍ ഖഷോഗിയുടെ സുഹൃത്തുകൂടിയാണ് ഇവര്‍. സൗദി രാജകുമാരനെ പിന്തുണയ്ക്കുന്നവരാണ് തന്റെ ചോര്‍ത്തപ്പെട്ട ചിത്രങ്ങല്‍ കൂടുതലും പങ്കുവച്ചിരിക്കുന്നതെന്ന് ഗാദ എന്‍ബിസി ന്യൂസിന് നല്‍കിയ അഭിമുഖത്തില്‍ പറഞ്ഞു.

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക