പ്രത്യാശയുടെ പൂക്കാലം (ജാനറ്റ് തോമസ്, മാഞ്ചസ്റ്റര്‍)

പ്രകൃതിഅതിന്റെ നരച്ചിരുണ്ട
വേഷങ്ങൾ വലിച്ചെറിയുന്നു
നഗ്നമായമരങ്ങൾ മരതകപച്ച പട്ടുചുറ്റുന്നു
പുത്തൻപ്രതീക്ഷയുടെ പൂക്കാലം വരവായ്
ഒഴിഞ്ഞകിളികൂടുകൾ പുതുജീവനെ
വരവേൽക്കാൻ ഒരുങ്ങുന്നു.

മഞ്ഞിൻപുറം കുപ്പായം മാറ്റി
മനോഹരമായ ചിരിക്കുന്ന
പൂക്കളുടെ മാന്ത്രികദർശനം,
കിളികളുടെ കളകൂജനം
പുഴയുടെ കളകളാരവം
പുഞ്ചിരിക്കുന്ന ആളുകൾ
സ്വർണവർണ്ണ സൂര്യപ്രകാശം
സുഗന്ധവാഹിയായ ഇളംകാറ്റ്.

മരിച്ച ഇന്നലെകൾ ബാക്കിവെച്ച
ആശങ്കകൾഭയം, അനിശ്ചിതത്വം,
ഒറ്റപ്പെടലിന്റെ, വേർപാർടിന്റെ നൊമ്പരങ്ങൾ,
നടുക്കടലിൽ ഏകരായരുടെ ഹൃദയവേദന .

നിഷേധാത്മകതകളെല്ലാം ദൂരെയെറിയാം
കോപതാപനിരാശകൾ മാറ്റി
മധുരമുള്ള ഓർമ്മകൾകൊണ്ട്
ശൂന്യമായഇടങ്ങൾ നിറയ്ക്കാം
നീറുമീഹൃത്തിൻ വേദന

കരയരുതേപ്രീയരെ ഓർക്കു,
നാംവെറും അപൂർണരായ മനുഷ്യർമാത്രം!
മരിച്ചുതലയ്ക്കുമീതെ നിൽക്കുവോർ
ആഗ്രഹിക്കുന്നില്ല നാം ദുഃഖിക്കുവാൻ.
പ്രത്യശാമെഴുതിരി നാളങ്ങൾ
കത്തിയെരിഞ്ഞു നിൽക്കട്ടെ,
ആ മനോഹരതീരത്തു വീണ്ടും
കണ്ടുമുട്ടും നാൾവരെയും.

തീരീല്ലയി ജന്മമെന്നാകിലും.

പ്രിയജീവിതങ്ങൾ ക്രൂരമായി
പിഴുതെറിയപെട്ട വേദനമറക്കാൻ
സ്നേഹനിർഭരമായ
മുഹൂർത്തങ്ങളെ ചേർത്തണച്ച്
സന്തോഷകരമായ നിമിഷങ്ങളുടെ
ഓർമ്മകളെ മുറുകെപിടിക്കുക.

ഒരുമയുടെസന്തോഷനിമിഷങ്ങൾ
കൈകോർത്തുള്ള നടത്തം
മെഴുതിരി അത്താഴം
പ്രണയാർദ്ര നിമിഷങ്ങൾ.
കടൽത്തീരസല്ലാപങ്ങൾ
ഒഴിവുദിന കളിചിരികൾ.

ഉഗ്രകോപത്തിന്റെ സമയങ്ങൾ
സമ്മാനിച്ചതീവ്ര വേദനകൾ,
പാലിക്കാപെടാത്ത വാഗ്ദാനങ്ങൾ
ചൂടേറിയ വാഗ്വാദങ്ങൾ
സ്നേഹനിരാസങ്ങളുടെ
ഉള്ളംനീറ്റുന്ന ഓർമ്മകൾ
കണ്ണ്നിറച്ചുകാഴ്ച മറയ്ക്കും.

നല്ലനാളെക്കായി പുത്തൻപ്രതീക്ഷകളും
പുതുസ്വപ്നങ്ങളും നെയ്തുമുന്നേറാം
പ്രിയയോദ്ധാക്കളെ ഓരോദിനവും
ഒരുപുതിയ തുടക്കമാക്കാം
വേദനയിലും നന്ദിയോടെ,
കണ്ണീരിലും ഒരുപുഞ്ചിരിയോടെ,
കാലംഉണക്കാത്ത മുറിവുകൾഇല്ലല്ലോ!
-----

സമർപ്പണം
കോവിഡിൽ പ്രിയരേനഷ്ട്ടപെട്ട, ഒന്ന്കാണ്ട്അന്ത്യയാത്രപറയാൻ സാധിക്കാത്ത എല്ലാവര്ക്കും ആയിസമർപ്പിക്കുന്നു. പ്രവാസജീവിതങ്ങൾക്കും കുടുംബങ്ങൾക്കും ഒത്തിരി സ്നേഹപൂർവ്വം ജാനറ്റ്.

പ്രത്യാശയുടെ പൂക്കാലം (ജാനറ്റ് തോമസ്, മാഞ്ചസ്റ്റര്‍)

PATHRANGAL

US WEBSITES

EMalayalee Available in MediaAppUSA