കെ. സുധാകരനെതിരെ രൂക്ഷ വിമര്ശനമുയര്ത്തി കെ.പി. അനില്കുമാര്. രാജി പ്രഖ്യാപിച്ച ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. താലിബാന് അഫ്ഗാനില് എങ്ങനെ ഭരണത്തിലെത്തിയോ അതുപോലെയാണ് സുധാകരന് കെപിസിസി പ്രസിഡന്റായതെന്നും അനില് കുമാര് വിമര്ശിച്ചു.
ഉമ്മന് ചാണ്ടിയേയും ചെന്നിത്തലയേയും പരസ്യമായി തെറിവിളിക്കുന്ന ആളെ കെ.എസ് ബ്രിഗേഡെന്ന് പറഞ്ഞ് ആദരിക്കുന്ന ആളാണ് സുധാകരനെന്നും അങ്ങനെയുള്ളയാള് തന്നെ അച്ചടക്കം പഠിപ്പിക്കേണ്ടെന്നും അനില് കുമാര് പറഞ്ഞു.
കൂലിക്ക് ആളെ വച്ച് മാന്യന്മാരെ അവഹേളിക്കലാണ് സുധാകരന്റെ പ്രധാന പണിയെന്നും കോണ്ഗ്രസിന്റെ ഭരണഘടനയില് യാതൊരു മാറ്റവും വരുത്താതെയാണ് ഇപ്പോള് പാര്ട്ടി സെമി കേഡറാക്കാനുള്ള നീക്കങ്ങള് നടക്കുന്നതെന്നും അനില്കുമാര് വിമര്ശിച്ചു.