കാശ്മീരിലെ പൂഞ്ചില് തിങ്കളാഴ്ചയുണ്ടായ ഭീകരാക്രമണത്തില് കൊല്ലപ്പെട്ട ധീര ജവാന് വൈശാഖിനെ അനുസ്മരിച്ച് മോഹന്ലാല്. വൈശാഖിന്റെ അമ്മയുമായി സംസാരിച്ചെന്ന് മോഹന് ലാല് ഫേസ്ബുക്ക് പോസ്റ്റില് കുറിച്ചു.
ഇട്ടിമാണി എന്ന ചിത്രത്തിന്റെ ലൊക്കേഷനില് കണ്ടുമുട്ടിയ കാര്യവും ഒരുമിച്ചു നിന്ന ഫോട്ടോയെടുത്തതും മോഹന്ലാല് ഫേസ്ബുക്ക് കുറിപ്പില് അനുസ്മരിക്കുന്നു.
മോഹന്ലാലിന്റെ ഫേസ്ബുക്ക് കുറിപ്പ്
കാശ്മീരില് ഭീകരരോട് ഏറ്റുമുട്ടി വീരമൃത്യു വരിച്ച പ്രിയപ്പെട്ട സഹോദരന് വൈശാഖിന്റെ അമ്മയുമായി ഇന്ന് രാവിലെ കുറച്ചു നേരം സംസാരിക്കുകയുണ്ടായി . മകനെ നഷ്ടപെട്ട തീവ്രവേദന ഉള്ളില് ഉരുകുമ്പോഴും ഇന്ത്യ എന്ന മഹാരാജ്യത്തിനുവേണ്ടി ജീവന് സമര്പ്പിച്ച വൈശാഖിനെക്കുറിച്ചുള്ള ആത്മാഭിമാനം ആ അമ്മയുടെ വാക്കുകളില് വിങ്ങി നിറഞ്ഞിരുന്നു.
എന്റെ പ്രിയപ്പെട്ട അനുജന് അഭിമാനത്തോടെ ആദരാഞ്ജലികള്. ഇട്ടിമാണി സിനിമയുടെ ലൊക്കേഷനില് ഞങ്ങള് കണ്ടുമുട്ടിയിരുന്നു, ചേര്ത്തുനിന്ന് ചിത്രമെടുത്ത ഓര്മ്മകള് ഇപ്പോളും എന്റെ മനസ്സില് മായാതെ നില്ക്കുന്നു .