EMALAYALEE SPECIAL

ഒരു നവരാത്രി കാലം (രമ്യ മനോജ്, അറ്റ്ലാൻറ്റാ)

Published

on

പണ്ടത്തെ പൂജവെപ്പായിരുന്നു പൂജവെപ്പ്, ഇപ്പോഴത്തെ പൂജവെപ്പ് എന്ത് ഒരു രസമില്ല.. അങ്ങനെയൊക്കെ മനസ്സിൽ പറഞ്ഞ്  പഴയകാല ഓർമ്മകൾ അയവിറക്കി വിഷമിച്ചിരിക്കലാണ് എല്ലാ വിശേഷദിവസങ്ങളിലും പണി.
    പണ്ട് ദുർഗ്ഗാഷ്ടമി, വിജയദശമി ദിനത്തിലെല്ലാം അമ്പലത്തിൽ പോകാൻ വളരെയേറെ ഉത്സാഹമായിരുന്നു..
നാട്ടിലെ എല്ലാ ചേട്ടൻമാരും അവിടെ ഉണ്ടാകും എന്നതായിരുന്നു അമ്പലത്തിൽ പോകാൻ തോന്നിയിരുന്നതിന്റെ പിന്നിലുള്ള പ്രചോദനം.
ബാക്കിയുള്ള ദിവസങ്ങളിൽ അമ്പലത്തിന്റെ പരിസരത്തുപോലും കാണാത്ത നാട്ടിലെ സുന്ദരൻമാരെയെല്ലാം അന്നേ ദിവസം അവിടെ കാണാം ..
 
      പൂജക്കു വെക്കാനായി പുസ്തകം അമ്പലത്തിൽ കൊണ്ടുകൊടുക്കാൻ പറഞ്ഞാൽ ഞാനും അനിയനും പോകില്ല അന്നു രണ്ടാൾക്കും അമ്പലത്തിൽ പോകാൻ മടിയാണ്..പിന്നെ അച്ഛനോ അച്ഛാച്ഛനോ കൊണ്ടുകൊടുക്കും.. പക്ഷേ പിറ്റേന്നു രാവിലെ തന്നെ കുളിച്ചു സുന്ദരിയായി അമ്പലത്തിൽ പോകും..
ഒരു കോളേജ് പ്രായം വരെ അമ്മ ബലമായി പിടിച്ചു നിറുത്തി തലയിൽ എണ്ണ പുരട്ടുമായിരുന്നു. ഷാംപൂ ഇട്ട് മുടി പറത്തി നടക്കുന്നതൊക്കെ അന്നത്തെ കാലത്ത് സ്വപ്നങ്ങളിൽ മാത്രം.. അങ്ങനെ ഈ എണ്ണപാട്ടയിൽ മുങ്ങിയ തലയുമായി അമ്പലത്തിൽ പോകാനിറങ്ങുമ്പോൾ ആയിരിക്കും  കണ്ണെഴുതീല്ല, മുടി ഇങ്ങനെ വേണ്ട, ഉടുപ്പു ഇതു വേണ്ട എന്ന പ്രസ്താവനകളുമായി അമ്മ വരുന്നത്..മനസ്സില്ലാ മനസ്സോടെ അമ്മ പറയുന്നത് എല്ലാം ചെയ്ത് കണ്ണാടിയിൽ നോക്കി പിറുപിറുത്ത് സ്വയം ഭംഗിയുണ്ട് എന്ന് ആശ്വസിച്ച് അമ്പലത്തിൽ പോകും..
അവിടെ ചെല്ലുമ്പോൾ ആരെങ്കിലും ശ്രദ്ധിക്കുന്നുണ്ടോയെന്ന് ഇടക്ക് കടക്കണ്ണുകൊണ്ടു നോക്കാറുണ്ട്.. ഇടക്ക് ഏതെങ്കിലും പയ്യൻമാർ നോക്കിയാലായി..ആ അതൊക്കെ പറഞ്ഞിട്ട് ഇനിയെന്തു കാര്യം..
അമ്പലത്തിൽ സരസ്വതിദേവിയെ തൊഴുത് കൃഷ്ണനെ തൊഴുത് നിൽക്കുന്നതിനിടയിൽ ആണ് ആ സത്യം ഞാൻ മനസ്സിലാക്കിയത് എന്റെ നാട്ടിൽ എത്ര നല്ല ഭംഗിയുള്ള ചേച്ചിമാർ ആണ്. ഇവർക്കൊക്കെ ദൈവം സൗന്ദര്യം വാരിക്കോരികൊടുത്തിരിക്കുകയാണല്ലോ, എന്തു രസാ ആ രാഗി ചേച്ചിടെ ചിരി,മുടി, ഡ്രസ്സ് ആ ചേച്ചിയെ ആണ് എല്ലാവരും ശ്രദ്ധിക്കുന്നത്.. അങ്ങനെയുള്ള സന്ദർഭങ്ങളിൽ സുന്ദരിമാരെ കാണുമ്പോൾ നെഞ്ചിന്റെ ഏതോ ഒരു ഭാഗത്തു വല്ലാത്ത വിങ്ങലാണ്.'എല്ലാ സൗന്ദര്യവും കൂടെ ഒരാൾക്കു കൊടുക്കരുത് എന്നാലും എന്റെ കൃഷ്ണാ'എന്നു പലതവണ പറഞ്ഞു നോക്കീട്ടുണ്ട്..
അങ്ങനെ പൂജക്കു പുസ്തകം വച്ചു കഴിഞ്ഞാൽ ആ നാട്ടിലെ മൂന്നു അമ്പലങ്ങൾ, അടുത്ത നാട്ടിലെ രണ്ടോ മൂന്നോ അമ്പലം ഇതെല്ലാം അന്നേ ദിവസം  കാലത്തും വൈകുന്നേരവുമായി  പോയി തൊഴുതു അനുഗ്രഹം നേടാൻ മറക്കാറില്ല.
പിറ്റേദിവസം വിജയദശമി ദിവസം പുസ്തകം പൂജ കഴിഞ്ഞു തരുന്ന സമയത്തേക്കു അമ്പലത്തിൽ എത്തിയാൽ മതി .. ഒൻപതര, പത്താകും സമയം എന്തായാലും ,അച്ഛാച്ഛൻ പറയും പുസ്തകം കിട്ടാൻ കുറച്ചു വൈകും തൊഴുത് വീട്ടിൽ പോയി വല്ലതും കഴിച്ചോളൂ ഞാൻ കൊണ്ടു വരാം,
"ഏയ് ,നോ നെവർ പുസ്തകം പഠിക്കുന്ന കുട്ടികൾ തന്നെ വാങ്ങിക്കണം എന്നാണ് അതിന്റെ ഒരിത് അച്ഛാച്ഛാഃ" എന്നും പറഞ്ഞ് അവിടെ നിൽക്കുന്നത് ആ സമയത്ത് ആ നാട്ടിലേയും അടുത്ത നാട്ടിലേയും എല്ലാ വീട്ടിലേയും ചേട്ടൻമാർ അവിടെ പുസ്തകം വാങ്ങാൻ വന്ന് കാത്തിരിപ്പുണ്ടാകും എന്ന കാര്യം കൊണ്ടാണെന്നു ഞാൻ എങ്ങനെ നിങ്ങളോടു പറയാതിരിക്കും ..
പക്ഷേ വലിയ കട്ടിക്കണ്ണടയൊക്കെ വച്ച് ഒരു ബുദ്ധിജീവി ലുക്ക് ഉള്ളതു കൊണ്ടും, 5'6 പൊക്കത്തിൽ തോട്ടിക്കോൽ പോലെ വളർന്നു പോയതുകൊണ്ടും, അച്ഛന്റെ കൊമ്പൻമീശയും രൂപവും നാട്ടിലെ പയ്യൻമാർക്കു  പേടിയായതുകൊണ്ടും, ഒരു ഫേഷൻ സെൻസുപോലുമില്ലാതേ മകളെ എണ്ണപാട്ടയിൽ കുളിപ്പിക്കുന്ന ഒരു അമ്മയുള്ളതുകൊണ്ടും ഒരു ആളുപോലും ഒന്നു മൈൻഡ് പോലും ചെയ്യാൻ ഉണ്ടായില്ല എന്ന സത്യം ഞാൻ കുറച്ചു വൈകിയാണെങ്കിലും മനസ്സിലാക്കിയിരുന്നു...
അങ്ങനെ പൂജ കഴിഞ്ഞു കിട്ടിയ പുസ്തകവുമായി വിശന്നു കണ്ണു കാണാതേ വീട്ടിൽ വരുമ്പോൾ അച്ഛമ്മ കുറച്ചു മണൽ കൊണ്ടു പരത്തിയിട്ടിട്ടുണ്ടാകും. എഴുതിയിട്ടു ഭക്ഷണം കഴിച്ചാൽ മതി എന്നും പറയും. ഞാൻ അമ്പലത്തിൽ എഴുതിയതാ,ഇനിയും വേണോ! എന്നു ചോദിച്ചിട്ടൊന്നും കാര്യമില്ല..
വീണ്ടും അവിടെയിരുന്നു "ഓം ഹരിശ്രീ ഗണപതയേ നമ: അവിഘ്നമസ്തു; ശ്രീ ഗുരുഭ്യോ നമഃ"
എന്നു എഴുതി അതിനുശേഷം മലയാള അക്ഷരമാല മുഴുവൻ എഴുതും. ഭക്ഷണത്തിനുശേഷം പൂജക്കു വച്ചിരുന്ന പുസ്തകത്തിൽ നിന്ന് വായിക്കും.. വീടിനോടു ചേർന്ന  മനയിലും പുസ്തകം പൂജക്കു വയ്ക്കുമായിരുന്നു. അവിടെ നിന്ന് വിജയദശമി ദിവസം പുസ്തകത്തോടൊപ്പം നല്ല സ്വാദേറിയ പഴം നിറച്ച അട തരുമായിരുന്നു .. ഇപ്പോഴും ആ സ്വാദ് മറക്കാൻ കഴിഞ്ഞിട്ടില്ല..
ആ നവരാത്രി കാലവും അന്നത്തെ നാട്ടിൻപുറവും അച്ഛാച്ഛനും അച്ഛമ്മയും എല്ലാം ഇനി ഓർമ്മകളിൽ മാത്രം...
ഇന്ന് ഇവിടെ വിജയദശമി ദിനത്തിൽ പൂജക്കു വയ്ക്കൽ ഇല്ല, കുട്ടികൾ സ്കൂളിൽ പോയിരിക്കുന്നു. ഹരിശ്രീ എഴുതൽ ഇല്ല, നാട്ടിൻപുറത്തെ അമ്പലവും ആളുകളും ഇല്ല. ഈയവസരത്തിൽ പഴയ ഓർമ്മകൾ തേടി വരുന്നത് ഒരു തെറ്റാണോ!!

Facebook Comments

Comments

  1. Sudhir Panikkaveetil

    2021-10-17 00:17:17

    അനുഭൂതികൾ അയവിറക്കികൊണ്ടുള്ളഎഴുത്തു നന്നായിട്ടുണ്ട്. അനുഭൂതി എന്നാൽ നേരിട്ട് അനുഭവപ്പെടുന്ന അവബോധം, അനുമാനങ്ങൾ, താരതമ്യത, അലിഖിതമായ അറിവുകൾ എന്നൊക്കെയാണ്. മുമ്പുണ്ടായ അത്തരം അനുഭവങ്ങളെ ഓർക്കൽ. ഒരു പഴയ പാട്ട് ഇയ്യിടെ കേട്ടതും ഓർമ്മ വന്നു. "മറക്കാൻ കഴിയുമോ പ്രേമം മനസ്സിൽ വരയ്ക്കും വർണ്ണചിത്രങ്ങൾ മായ്ക്കാൻ കഴിയുമോ?" കഴിയില്ല ആർക്കും.

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

ഇള പറഞ്ഞ കഥകള്‍ ( അധ്യായം 16 ): താമരച്ചേരിലെ വിരുന്നുകാര്‍ (ജിഷ യു.സി)

ശവങ്ങൾ ഉള്ളിടത്ത്‌ കഴുക്കൾ കൂടും ? (സമകാലീന മലയാള സിനിമ - നിരീക്ഷണം (ജയൻ വർഗീസ്)

പറഞ്ഞു കേൾക്കുന്ന അത്രയും മോശമല്ല മരക്കാർ; പിന്നെ സംവിധായകന് പിഴച്ചത് എവിടെ?

ഈമാൻദാരി പരന്തു ഉ. സാ.ഘ ( മൃദുമൊഴി 34: മൃദുല രാമചന്ദ്രൻ)

ഒരു ക്ളാസിക്കിന് വേണ്ടി എൺപതാണ്ടത്തെ തപസ്യ, ഒടുവിൽ മധുവിന് നിർവൃതി (കുര്യൻ പാമ്പാടി)

എന്തിനീ ഒളിച്ചോട്ടം? ആരില്‍നിന്നും?(ദല്‍ഹികത്ത് : പി.വി.തോമസ്)

ചുരുളി ഗ്രാമക്കാര്‍ നീതി തേടുമ്പോള്‍ .... (ഉയരുന്ന ശബ്ദം-43: ജോളി അടിമത്ര)

കൊറോണ വൈറസിന്റെ പുതിയ വ്യതിയാനമായ ഒമിക്രോണിന്റെ ഭീകരത വര്‍ദ്ധിക്കുന്നു (കോര ചെറിയാന്‍)

കുരുക്കിലകപ്പെട്ട സ്ത്രീയുടെ കുതറി മാറൽ - മഞ്ഞിൽ ഒരുവൾ - നിർമ്മല : ഡോ. കുഞ്ഞമ്മ ജോർജ്ജ്

ടെക് കമ്പനികളിൽ ഇന്ത്യൻ സിഇഒമാരുടെ തേരോട്ടം തുടരുന്നു (ശ്രീകുമാർ ഉണ്ണിത്താൻ)

മരക്കാർ : മലയാള സിനിമയിൽ വീണ്ടും മണി കിലുക്കം (രഞ്ജിത് നായർ)

അനിലാലും സബ്രീനയും (ഡോ.നന്ദകുമാര്‍ ചാണയില്‍)

'എന്തുകൊണ്ട് ദൈവമേ എന്തുകൊണ്ട് ഇങ്ങനെ?'

മായ ബാലകൃഷ്ണന്റെ "മായ" (ഡോ.ടി പങ്കജ് )

Nights and Days in Ujjaini - Vishnu Narayanan Namboodiri (Translated by Dr.M.N. Namboodiri)

ഹംപി കാഴ്ചകള്‍ 5: (സംഗീതമുണര്‍ത്തുന്ന കല്‍മണ്ഡപങ്ങളും ആയിരം രാമന്‍മാരും: മിനി വിശ്വനാഥന്‍)

ആരാണ് ദൈവം, എന്താണ് ദൈവം . (ലേഖനം ഭാഗം : 3- ജയന്‍ വര്‍ഗീസ് )

ബിറ്റ്‌കോയിനും ഒമൈക്രോണും, കൂടെ രണ്ടു നായ്ക്കുട്ടികളും (ഡോ. മാത്യു ജോയിസ് ലാസ്‌വേഗാസ്)

അയല്‍ക്കാരിയുടെ മേല്‍ കരുണ ചൊരിയേണമേ! (നര്‍മം: ജോണ്‍ ഇളമത)

എല്ലാം മക്കള്‍ക്കുവേണ്ടി (പുസ്തക പരിചയം : എ.സി.ജോര്‍ജ്)

ഒന്നര മാസത്തിനിടയില്‍ മൂന്നു കൊലപാതകങ്ങള്‍ക്ക് മലയാളികള്‍ ഇരയായി

ഏഴു സ്വരങ്ങളും തഴുകിവന്ന ദേവഗാനങ്ങള്‍ (സന്തോഷ് പിള്ള)

വാക്സിൻ-വാക്കുകളിലെ മിന്നും താരം; ജനം ഏറ്റവും തെരഞ്ഞ  വാക്ക്  

മാറുന്ന സിനിമാലോകം, മാറ്റപ്പെടുന്ന സിനിമാ ജീവിതവും (ബ്ലെസന്‍ ഹ്യൂസ്റ്റന്‍)

The Village of Valady and Dr. A.K.B. Pillai (P.G. Panikker)

നേരിന്റെ മഷി തൊട്ട വരകള്‍ ( മൃദുമൊഴി-33: മൃദുല രാമചന്ദ്രന്‍)

നാടിനുവേണ്ടിയുള്ള ചുവടുകൾ (വിജയ്.സി.എച്ച്)

ഇത്തിരിനേരം ഒരു ചിരിയിൽ ഒത്തിരി കാര്യം (ഫിലിപ്പ് മാരേട്ട്)

കളിഗെമിനാറിലെ കുറ്റവാളികളും ചുരുളിയും ( ഭദ്ര വേണുഗോപാൽ)

വിശ്വാസം, അതല്ലേ എല്ലാം... (ജെയിംസ് കുരീക്കാട്ടിൽ)

View More