EMALAYALEE SPECIAL

എവിടെയാണ് ഇനി കേരളം തിരുത്തേണ്ടത് (അനിൽ പെണ്ണുക്കര)

Published

on

എല്ലാം നഷ്ടപ്പെട്ടിരിക്കുന്നു, അപ്രതീക്ഷിതമായ ഒരു മഴ, പ്രളയമായി രൂപാന്തരപ്പെട്ട് വീണ്ടും ഒരു പ്രദേശത്തെ തന്നെ മുഴുവനായും മായ്ച്ചു കളഞ്ഞിരിക്കുന്നു. ആഴ്ചകളോളം തുടർച്ചയായി മഴ പെയ്തിറങ്ങിയാലും വെള്ളക്കെട്ടുകൾ രൂപപ്പെടുന്നുവെന്നതൊഴിച്ചാൽ മറ്റൊന്നും കൂടുതലായി സംഭവിക്കാനിടയില്ലാത്ത നമ്മുടെ ഭൂപ്രകൃതിയിൽ ദിവങ്ങളോളം മാത്രം നീണ്ടു നിന്ന ഒരു മഴ വരുത്തിയ വിനാശങ്ങൾ എണ്ണപ്പെടാത്തത്ര നീണ്ടു കിടക്കുന്നു. 2018 ലും 2019 ലും കേരളത്തിൽ അരങ്ങേറിയ പ്രളയങ്ങളുടെ ബാക്കി പത്രമായി 2021 ലെ പ്രളയത്തെയും നമുക്ക് നിർവചിക്കാം. ഒരു പ്രകൃതിയെ ചൂഷണം ചെയ്യാവുന്നതിന്റെ അങ്ങേയറ്റത്തോളം ചൂഷണം ചെയ്ത നമ്മുടെ ഭൂപ്രകൃതിയിൽ ഇത്തരത്തിൽ ഒരു ദുരന്തം സംഭവിക്കാതിരിക്കാൻ ഇടയില്ല. പശ്ചിമഘട്ടം ആകെ തകർക്കപ്പെട്ടിരിക്കുന്നു, ഇനിയും നടപടിയെടുത്തില്ലെങ്കിൽ കേരളത്തെ കാത്തിരിയ്ക്കുന്നത് വലിയ ദുരന്തമാണെന്ന് മാധവ് ഗാഡ്ഗിൽ ഉറക്കെപ്പറഞ്ഞിട്ടും അതിനെ വിലയ്ക്കെടുക്കാത്ത നിയമസംവിധാനങ്ങൾക്കും ജനങ്ങൾക്കും ഈ ദുരന്തത്തിൽ വലിയൊരു പങ്കുണ്ട്.

2010 മാർച്ചിൽ അന്നത്തെ കേന്ദ്ര വനം-പരിസ്ഥിതി മന്ത്രിയായിരുന്ന ജയറാം രമേഷ് ആണ് പശ്ചിമഘട്ട പരിസ്ഥിതി സംബന്ധിച്ച് പഠിക്കുന്നതിനായി മാധവ് ഗാഡ്ഗിലിന്റെ നേതൃത്വത്തിൽ വിദഗ്ദ്ധ സമിതിയെ നിയോഗിച്ചത്. പഠനത്തിനൊടുവിൽ ഗാഡ്ഗിൽ കണ്ടെത്തിയത് പശ്ചിമഘട്ടം ആകെ തകർക്കപ്പെട്ടിരിക്കുന്നു, ഇനിയും നടപടിയെടുത്തില്ലെങ്കിൽ കേരളത്തെ കാത്തിരിയ്ക്കുന്നത് വലിയ ദുരന്തമാണെന്നായിരുന്നു. എന്നാൽ ഭരണ സംവിധാനങ്ങൾ അതിനെയൊന്നും മുഖവിലയ്ക്കെടുത്തില്ല. ഗാഡ്ഗിൽ പറഞ്ഞ നിർദ്ദേശങ്ങൾ പാലിക്കാൻ പോലും സർക്കാരോ മലയോര മേഖലയിലെ ജനങ്ങളോ തയ്യാറായില്ല. 2019 ലെ പ്രളയത്തിന് കാരണക്കാരായ കണ്ണൻ ദേവൻ കമ്പനിയ്ക്കും അനധികൃതമായി അവർ നടത്തിയ നിർമ്മാണങ്ങൾക്ക് എല്ലാ സംവിധാനങ്ങളും ഒരുക്കിക്കൊടുത്ത ഉദ്യോഗസ്ഥർക്കുമേതിരെ കാര്യമായ നടപടികൾ ഒന്നും സർക്കാർ കൈക്കൊണ്ടില്ല. വീണ്ടും മലകൾ ഇടിക്കുകയും കുന്നുകൾ കാണാതാവുകയും ചെയ്തു.

കാലങ്ങളായി മനുഷ്യൻ പ്രകൃതിയോട് ചെയ്തതിന്റെയെല്ലാം പ്രകൃതി തിരിച്ചും ചെയ്യുന്നു എന്ന ഒറ്റ വാക്കിൽ ഒതുക്കിക്കളയേണ്ട ഒരു പ്രശ്നമല്ല കേരളത്തിൽ സംഭവിച്ചുകൊണ്ടിരിക്കുന്ന പ്രളയവും മറ്റ് പ്രകൃതി ദുരന്തങ്ങളും. ഒരു പ്രദേശത്തിന്റെ തന്നെ ഇല്ലായ്മയിലേക്കാണ്, ഒരുപാട് മനുഷ്യരുടെ ജീവിതങ്ങളിലേക്കാണ് അത് വിരൽ ചൂണ്ടുന്നത്. മഴ വെള്ളം ഒലിച്ചു പോകാനുള്ള വഴികളോ അതിനെ കൃത്യമായി കടലിൽ എത്തിക്കാനുള്ള സംവിധാനങ്ങളോ നമുക്കില്ല, മെട്രോ നഗരമായ കൊച്ചിയിൽ പോലും രണ്ടു മഴപെയ്താൽ വെള്ളക്കെട്ടുകൾ രൂപപ്പെടുക സാധാരണയാണ്. അപ്പോൾ മലയോര പ്രദേശങ്ങളെക്കുറിച്ച് പറയേണ്ടതില്ലല്ലോ. അനധികൃതമായി പ്രൈവറ്റ് കമ്പനികൾ വനമേഖല കയ്യേറുന്നതും മറ്റും ഇപ്പോഴും സർക്കാരിന്റെ പൂർണ്ണമായ അറിവിടെയാണ്. തീരദേശ മേഖലയിലും ദുരിതങ്ങൾ സമാനമാണ്. ഒരായുസ്സ് കൊണ്ട് മനുഷ്യർ കെട്ടിപ്പടുത്ത വീടുകളാണ് വെള്ളത്തിനൊപ്പം ഒഴുകിപ്പോയത്, എത്രയോ മനുഷ്യരുടെ സ്വപ്നങ്ങളാണ് ഇല്ലാതായത്, എത്ര മനുഷ്യരുടെ ഉറ്റവരും ഉടയവരുമാണ് ചെയ്യാത്ത പാപത്തിന്റെ ശിക്ഷയേറ്റ് മരിച്ചു വീണത്. എന്നിട്ടും നമ്മൾ ഒന്നും പഠിച്ചില്ല, ഇനി പഠിക്കുകയുമില്ല. ഈ ഭൂമിയിൽ ജീവിക്കണമെങ്കിൽ അതിനും ചില വ്യവസ്ഥകൾ ഉണ്ടെന്ന് ഇനിയും തിരിച്ചറിയേണ്ടിയിരിക്കുന്നു.. പ്രാർഥിക്കാം.. പ്രവർത്തിക്കാം.. തിരിച്ചറിഞ്ഞു മുന്നോട്ട് പോകാം.. തിരുത്താം..

Facebook Comments

Comments

  1. American Mollakka

    2021-10-19 22:40:09

    അമേരിക്കൻ മലയാളി ഇക്കമാർ സഹായവുമായി ചെല്ലുമായിരിക്കും. ഞമ്മക്ക് കാത്തിരുന്നു കാണാം. ഒരു അമ്മയെയും മകനെയും തിരിച്ചയച്ച് ജോലിയിൽ ജാഗ്രത കാണിച്ച പഹയന്മാർക്ക് പ്രളയം ഉണ്ടാകാൻ കാരണമായവരെ ഒന്ന് തൊടാൻ കഴിയുന്നില്ലല്ലോ. ശ്രീ പെണ്ണുക്കര സാഹിബ് എയ്തു,എയ്തു നിർത്താതെ എയ്തു.. അമേരിക്കൻ പണച്ചാക്കുകളോട് കേരളം നശിപ്പിക്കുന്ന രാഷ്ട്രീയക്കാരെ നിയമത്തിനു മുന്നിൽ കൊണ്ടുവരാൻ പണം ചിലവാക്കാൻ പറയു. അല്ലാതെ കുറച്ചുപേർക്ക് കഞ്ഞി വിളമ്പി പത്രത്തിൽ പടം വന്നിട്ട് എന്ത് കാര്യം.

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

ഇള പറഞ്ഞ കഥകള്‍ ( അധ്യായം 16 ): താമരച്ചേരിലെ വിരുന്നുകാര്‍ (ജിഷ യു.സി)

ശവങ്ങൾ ഉള്ളിടത്ത്‌ കഴുക്കൾ കൂടും ? (സമകാലീന മലയാള സിനിമ - നിരീക്ഷണം (ജയൻ വർഗീസ്)

പറഞ്ഞു കേൾക്കുന്ന അത്രയും മോശമല്ല മരക്കാർ; പിന്നെ സംവിധായകന് പിഴച്ചത് എവിടെ?

ഈമാൻദാരി പരന്തു ഉ. സാ.ഘ ( മൃദുമൊഴി 34: മൃദുല രാമചന്ദ്രൻ)

ഒരു ക്ളാസിക്കിന് വേണ്ടി എൺപതാണ്ടത്തെ തപസ്യ, ഒടുവിൽ മധുവിന് നിർവൃതി (കുര്യൻ പാമ്പാടി)

എന്തിനീ ഒളിച്ചോട്ടം? ആരില്‍നിന്നും?(ദല്‍ഹികത്ത് : പി.വി.തോമസ്)

ചുരുളി ഗ്രാമക്കാര്‍ നീതി തേടുമ്പോള്‍ .... (ഉയരുന്ന ശബ്ദം-43: ജോളി അടിമത്ര)

കൊറോണ വൈറസിന്റെ പുതിയ വ്യതിയാനമായ ഒമിക്രോണിന്റെ ഭീകരത വര്‍ദ്ധിക്കുന്നു (കോര ചെറിയാന്‍)

കുരുക്കിലകപ്പെട്ട സ്ത്രീയുടെ കുതറി മാറൽ - മഞ്ഞിൽ ഒരുവൾ - നിർമ്മല : ഡോ. കുഞ്ഞമ്മ ജോർജ്ജ്

ടെക് കമ്പനികളിൽ ഇന്ത്യൻ സിഇഒമാരുടെ തേരോട്ടം തുടരുന്നു (ശ്രീകുമാർ ഉണ്ണിത്താൻ)

മരക്കാർ : മലയാള സിനിമയിൽ വീണ്ടും മണി കിലുക്കം (രഞ്ജിത് നായർ)

അനിലാലും സബ്രീനയും (ഡോ.നന്ദകുമാര്‍ ചാണയില്‍)

'എന്തുകൊണ്ട് ദൈവമേ എന്തുകൊണ്ട് ഇങ്ങനെ?'

മായ ബാലകൃഷ്ണന്റെ "മായ" (ഡോ.ടി പങ്കജ് )

Nights and Days in Ujjaini - Vishnu Narayanan Namboodiri (Translated by Dr.M.N. Namboodiri)

ഹംപി കാഴ്ചകള്‍ 5: (സംഗീതമുണര്‍ത്തുന്ന കല്‍മണ്ഡപങ്ങളും ആയിരം രാമന്‍മാരും: മിനി വിശ്വനാഥന്‍)

ആരാണ് ദൈവം, എന്താണ് ദൈവം . (ലേഖനം ഭാഗം : 3- ജയന്‍ വര്‍ഗീസ് )

ബിറ്റ്‌കോയിനും ഒമൈക്രോണും, കൂടെ രണ്ടു നായ്ക്കുട്ടികളും (ഡോ. മാത്യു ജോയിസ് ലാസ്‌വേഗാസ്)

അയല്‍ക്കാരിയുടെ മേല്‍ കരുണ ചൊരിയേണമേ! (നര്‍മം: ജോണ്‍ ഇളമത)

എല്ലാം മക്കള്‍ക്കുവേണ്ടി (പുസ്തക പരിചയം : എ.സി.ജോര്‍ജ്)

ഒന്നര മാസത്തിനിടയില്‍ മൂന്നു കൊലപാതകങ്ങള്‍ക്ക് മലയാളികള്‍ ഇരയായി

ഏഴു സ്വരങ്ങളും തഴുകിവന്ന ദേവഗാനങ്ങള്‍ (സന്തോഷ് പിള്ള)

വാക്സിൻ-വാക്കുകളിലെ മിന്നും താരം; ജനം ഏറ്റവും തെരഞ്ഞ  വാക്ക്  

മാറുന്ന സിനിമാലോകം, മാറ്റപ്പെടുന്ന സിനിമാ ജീവിതവും (ബ്ലെസന്‍ ഹ്യൂസ്റ്റന്‍)

The Village of Valady and Dr. A.K.B. Pillai (P.G. Panikker)

നേരിന്റെ മഷി തൊട്ട വരകള്‍ ( മൃദുമൊഴി-33: മൃദുല രാമചന്ദ്രന്‍)

നാടിനുവേണ്ടിയുള്ള ചുവടുകൾ (വിജയ്.സി.എച്ച്)

ഇത്തിരിനേരം ഒരു ചിരിയിൽ ഒത്തിരി കാര്യം (ഫിലിപ്പ് മാരേട്ട്)

കളിഗെമിനാറിലെ കുറ്റവാളികളും ചുരുളിയും ( ഭദ്ര വേണുഗോപാൽ)

വിശ്വാസം, അതല്ലേ എല്ലാം... (ജെയിംസ് കുരീക്കാട്ടിൽ)

View More