ചെന്നൈ: അണ്ണാ ഡി.എം.കെയുമായി ജയലളിതയുടെ തോഴി വി.കെ ശശികലക്ക് യാതൊരു ബന്ധവുമില്ലെന്ന് പാര്ട്ടി ജോ. കോ ഓ ഡിനേറ്ററും തമിഴ്നാട് പ്രതിപക്ഷ നേതാവുമായ എടപ്പാടി പളനിസാമി. ബുധനാഴ്ച ഗവര്ണര് ആര്.എന് രവിയെ സന്ദര്ശിച്ചതിനുശേഷം മാധ്യമ പ്രവര്ത്തകരുമായി സംസാരിക്കുകയായിരുന്നു പളനിസാമി.
“ശശികലയെയും അവരുടെ പ്രവര്ത്തനങ്ങളെയും ഗൗരവമായി കാണുന്നില്ല. കോടതിയും തെരഞ്ഞെടുപ്പ് കമീഷനും തങ്ങള് നയിക്കുന്നതാണ് യഥാര്ഥ അണ്ണാ ഡി.എം.കെയെന്ന് ഇതിനകം വ്യക്തമാക്കിയിട്ടുണ്ട്. ശശികല നിലവില് അണ്ണാ ഡി.എം.കെയില് അംഗമല്ല. ശശികലയുടെ ചില നടപടികളെ മാധ്യമങ്ങള് ഉയര്ത്തി കാണിക്കുകയാണ്. അണ്ണാ ഡി.എം.കെ ജനറല് സെക്രട്ടറിയാണെന്ന് സ്വയം അവകാശപ്പെട്ടുകൊണ്ട് ചെയ്യുന്ന പ്രവര്ത്തനങ്ങളെ നിയമപരമായി നേരിടും .” അദ്ദേഹം വ്യക്തമാക്കി .
അതെ സമയം അടുത്തിടെ ശശികല അണ്ണാ ഡി.എം.കെയുടെ കൊടി വെച്ച കാറിലെത്തി എം.ജി.ആര്, ജയലളിത സമാധികളില് ആദരാജ്ഞലിയര്പിക്കയും പാര്ട്ടി സുവര്ണ ജൂബിലിയാഘോഷത്തോടനുബന്ധിച്ച് ചെന്നൈ രാമപുരത്തെ എം.ജി.ആറിന്റെ വസതിയില് നടന്ന ചടങ്ങില് അണ്ണാ ഡി.എം.കെ പതാക ഉയര്ത്തുകയും ചെയ്തിരുന്നു.ചടങ്ങില് അനാഛാദനം ചെയ്യപ്പെട്ട ശിലാഫലകത്തില് ശശികലയെ അണ്ണാ ഡി.എം.കെ ജനറല് സെക്രട്ടറിയെന്ന് വിശേഷിപ്പിച്ചിരുന്നതും വിവാദത്തിന് വഴി വെച്ചിരുന്നു