Image

എറണാകുളം ജില്ലയിലും തൃശൂരിന്റെ തെക്കന്‍ മേഖലകളിലും മഴ അതിശക്തമായി രാത്രി വരെ ഉണ്ടാകും; ക്യാപ്റ്റന്‍ നോബിള്‍ പെരെയ്‌ര

Published on 20 October, 2021
 എറണാകുളം ജില്ലയിലും തൃശൂരിന്റെ തെക്കന്‍ മേഖലകളിലും മഴ അതിശക്തമായി രാത്രി വരെ ഉണ്ടാകും; ക്യാപ്റ്റന്‍ നോബിള്‍ പെരെയ്‌ര
തിരുവനന്തപുരം: സംസ്ഥാനത്തെ കാലാവസ്ഥ എങ്ങനെയായിരിക്കുമെന്നും മഴ അപ്രകാരം കിട്ടുമെന്ന മുന്നറിയിപ്പുമായി ക്യാപ്റ്റന്‍ നോബിള്‍ പെരെയ്‌ര. എറണാകുളം ജില്ലയിലും തൃശൂരിന്റെ തെക്കന്‍ മേഖലകളിലും മഴ അതിശക്തമായി രാത്രി വരെ ഉണ്ടാകുമെന്ന് ക്യാപ്റ്റന്‍ നോബിള്‍ പെരെയ്‌ര ഫെയ്‌സ്ബുക്ക് പോസ്റ്റില്‍ പറയുന്നു. എല്ലാ ദിവസവും അദ്ദേഹം കാലാവസ്ഥ റിപ്പോര്‍ട്ട് നല്‍കാറുണ്ട്.


പോസ്റ്റിന്റെ പൂര്‍ണ്ണരൂപം: 


ഇന്ന് വൈകിട്ടു മുതലുള്ള മഴയ്ക്കുള്ള മേഘങ്ങളാണ് ചിത്രത്തില്‍.

ശക്തമായ  മഴ രാത്രി ഒന്‍പതു വരെ കേരളത്തിലെ എല്ലാ ജില്ലകളിലും ഇടവിട്ട് തുടരും. 
പാതി രാത്രി വരെ ഇടവിട്ട ശരാശരി/ശക്തമായ മഴയുണ്ടാകും.
എറണാകുളം ജില്ലയിലും തൃശൂരിന്റെ തെക്കന്‍ മേഖലകളിലും മഴ അതിശ്കതമായി രാത്രി വരെ ഉണ്ടാകും.
പാതി രാത്രി മുതല്‍ നാളെ രാവിലെ വരെയും ഇടവിട്ട ശരാശരി മഴ കേരളത്തിലെ എല്ലാ ജില്ലകളിലും ഉണ്ടാകും
------------

കേരളത്തില്‍ 26 മുതല്‍ തുലാമഴയെന്നാണ് കാലാവസ്ഥ പ്രവചനം. എന്നാല്‍ ഇന്നു മുതല്‍ തുലാമഴയ്ക്ക് തുടക്കമായെന്നാണ് ക്യാപ്റ്റന്റെ പ്രവചനം.

ഇന്ന് മുതൽ കേരളത്തിൽ തുലാ മഴയുടെ ആരംഭമാണ്, വരും ദിവസങ്ങളിൽ തമിഴ്നാട് കർണാടകം കേരളം സംസ്ഥാനങ്ങളിൽ ശരാശരി മുതൽ ശക്തമായ മഴ ഉണ്ടാകും.
ഇന്നുച്ച വരെ കേരളത്തിൽ മിക്കവാറും മഴയില്ല. ഒറ്റപ്പെട്ട ചാറ്റൽ മഴ ഇടുക്കി തൃശൂർ പാലക്കാടു മലയോരങ്ങളിൽ.
ഉച്ച മുതൽ മൂന്നു മണി വരെ ഒറ്റപ്പെട്ട ചാറ്റൽ മഴ ട്രിവാൻഡ്രം കൊല്ലം പത്തനംതിട്ട, ഇടുക്കിയുടെ വടക്കൻ പ്രദേശങ്ങളിലും, മലപ്പുറം മലയോരങ്ങളിലും, വയനാട് ജില്ലകളിലും.
വൈകിട്ട് മൂന്നിനും പാതിരാത്രിയ്ക്കുമിടയിൽ ഇടവിട്ട ശരാശരി മഴ കേരളത്തിലെ എല്ലാ ജില്ലകളിലും.
വൈകിട്ട് മൂന്നു മണിയ്ക്കും ഏഴിനുമിടയിൽ ട്രിവാൻഡ്രം കൊല്ലം എറണാകുളം ത്രിശുർ ജില്ലകളുടെ തീരദേശമൊഴികെയുള്ള പ്രദേശങ്ങളിൽ ശക്തമായ മഴയുണ്ടാകും.
വൈകിട്ട് മൂന്നു മണിയ്ക്കും ഏഴിനുമിടയിൽ പത്തനംതിട്ട, കോട്ടയം ഇടുക്കി ജില്ലകളിൽ, മലപ്പുറം ജില്ലയുടെ മലയോരങ്ങളിലും ശക്തമായ മഴയുണ്ടാകും.
രാത്രി മുതൽ വ്യാഴം രാവിലെ മൂന്നു മണി വരെ മലപ്പുറം വയനാട് കോഴിക്കോട് കണ്ണൂർ ജില്ലകളിൽ ശരാശരി മഴ.
അറബി കടലിൽ ഈ ആഴ്ച പ്രതികൂല ഘടകങ്ങളില്ല.
ഇന്ന് കാറ്റു വടക്കു നിന്നും വീശുന്നു ശരാശരി വേഗത മണിക്കൂറിൽ പതിനാഞ്ചു കിലോമീറ്റർ. വൈകിട്ട് കാസർഗോഡ് കണ്ണൂർ കോഴിക്കോട് ട്രിവാൻഡ്രം തീരത്തു വേഗത ഇരുപതു കിലോമീറ്റർ.
നാളെ ശരാശരി വേഗത പതിനഞ്ചു കിലോമീറ്ററിൽ താഴെ.
തിരകൾ ഇന്നും നാളെയും തെക്കുപടിഞ്ഞാറ് നിന്നും വരുന്നു മൂന്നടി ഉയരം.
ഓളങ്ങൾ ഇന്നും നാളെയും തെക്കു / തെക്കുപടിഞ്ഞാറ് നിന്നും വരുന്നു ശരാശരി ഉയരം മൂന്നടിയിൽ താഴെ.
ഒഴുക്ക് ഇന്ന് രാത്രി വരെ തെക്കോട്ടു പോകുന്നു വേഗത ഒരു കിലോമീറ്ററിൽ താഴെ. ട്രിവാൻഡ്രം തീരത്തു ഒഴുക്ക് പടിഞ്ഞാറേക്ക് പോകുന്നു വേഗത അര കിലോമീറ്റർ. രാത്രി മുതൽ നാളെ രാവിലെ വരെ കേരളം തീരത്തു ഒഴുക്ക് വളരെ കുറവായിരിക്കും






Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക